e mërkurë 8 dhjetor 2021
e mërkurë 8 dhjetor 2021

 

Organizata Botërore e Shëndetësisë ka ofruar një autorizim të posaçëm për përdorimin e vaksinës Sinovac të Kinës. Kjo është vaksina e dytë kundër koronavirusit e Kinës që arrin të marrë autorizimin e OBSH-së.

 

OBSH-ja tha përmes një komunikate më 1 qershor se rreth gjysma e njerëzve që kanë marrë dy doza të vaksinës kanë siguruar mbrojtje nga simptomat e COVID-19.

 

OBSH tha se në hulumtim kanë marrë pjesë vetëm disa të moshuar, kështu që nuk mund të vlerësonte se sa efektive ishte vaksina tek njerëzit mbi moshën 60 vjeç.

 

“Megjithatë, OBSH-ja nuk rekomandon një kufi të moshës për vaksinën”, tha agjencia, duke shtuar se të dhënat e mbledhura nga përdorimi i Sinovac në vendet e tjera “kanë treguar se vaksina mbase ka një efekt mbrojtës tek personat e moshuar”.

 

Autorizimi i OBSH-së lejon blerjen e vaksinës nga ana e donatorëve dhe agjencive tjera të OKB-së përfshirë iniciativën COVAX që ndihmon në furnizimin dhe shpërndarjen e vaksinave për vendet e varfra.

 

Muajin e kaluar, OBSH-ja autorizoi vaksinën kundër COVID-19 të prodhuar nga firma shtetërore kineze Sinopharm. OBSH-ja ka licencuar gjithashtu vaksina të zhvilluara nga Pfizer-BioNTech, Johnson & Johnson, Moderna dhe AstraZeneca.

 

Përpjekja për shpërndarjen e vaksinave nga COVAX është ngadalësuar ndjeshëm. Furnizuesi i saj në Indi ka njoftuar se deri në fund të vitit nuk do të jetë në gjendje të sigurojë më vaksina.

 

Deri më sot, nuk ka ndonjë marrëveshje ndërmjet COVAX dhe Sinovac për sigurimin e dozave të vaksinave.

 

Më shumë

Kongresi Botëror i Kanabisit dhe e ardhmja e industrisë

Këtë vit shteti i Nju Jorkut legalizoi marijuanën për përdorim personal. Kjo industri pritet të rritet në mënyrë dramatike, duke sjellë fitime dhe vende pune.   Më shumë se 200 kompani që morën pjesë në Kongresin Botëtor të Kanabisit dhe Ekspozitën e Biznesit, po përpiqen të investojnë.   Brian Benjamin, zëvendës guvernator i […]

Spitalet po e përballojnë pandeminë me mungesa të shumta në mjekë e pajisje

Në Tiranë, Organizata Together for Life publikoi një raport mbi standardet minimale që u nevojiten spitaleve për të përballuar pacientët me COVID-19.   Nga monitorimi në 57 spitalet publike dhe private u zbulua një seri mungesash në stafe dhe në pajisje mjekësore gjatë pandemisë Covid.     Raporti theksoi se spitalet e Shqipërisë kanë […]

Në 2020-n, shqiptarët shpenzuan 72 milionë euro më shumë për shëndetin

Vitit 2020 ishte i jashtëzakonshëm, teksa pandemia ndikoi ndjeshëm shëndetin e popullatës dhe aktivitetin e ekonomisë.   Ndërsa vala e parë e virusit u arrit të frenohej si rrjedhojë e karantinës së fortë, në pjesën e dytë të vitit shumë familje dhe individë u gjendën përballë zgjidhjeve të vështira, ndërsa për shumë pasojat ishin […]

100 Vjet Kryqi i Kuq Shqiptar

Si sot, më 4 tetor 1921, u themelua Kryqi i Kuq Shqiptar. Është shoqata më e vjetër humanitare në Shqipëri. Ai është njohur zyrtarisht nga Komiteti Ndërkombëtar i Kryqit të Kuq në vitin 1923. Që nga ky vit është anëtar i Federatës (në atë kohë Ligës) së Shoqatave të Kryqit të Kuq dhe Gjysmëhënës […]

  • © 2017 Albanian Profile Të gjitha të drejtat e rezervuara