e diel 16 maj 2021
e diel 16 maj 2021

 

Vëzhguesit ndërkombëtarë të zgjedhjeve të përgjithshme deklaruan sot nga Tirana në raportin paraprak se zgjedhjet e 25 prillit se procesi i votimit u zhvillua i qetë.

Ata pohuan se partia në pushtet përdori burimet qeveritare në fushatë dhe mori avantazh nga kjo bazë.

Vëzhguesit morën po ashtu shumë pretendime për shitblerje votash. Ata vlerësuan identifikimin elektronik në procesin e votimit, por dënuan tensionimet dhe vrasjen e një personi dhe plagosjen e disa të tjerëve disa ditë para votimit.

Gjetjet e raportit paraprak të misionit vëzhguesve ndërkombëtar të zyrës ODIHR të OSBE-së i paraqiti në publik nga Tirana në një konferencë online drejtuesja e këtij misioni, Ursula Gacek.

Ajo tha se vëzhgimi nisi nga mesi i muajit mars dhe kjo i ndihmoi vëzhguesit të shihnin shumë probleme të tjera, që nuk i përkasin ditës së zgjedhjeve.

“Pas shumë konfliktesh politike në Shqipëri edhe në kohët e sotme, tha ambasadorja Gacek tha se besimi i qytetarëve tek procesi zgjedhor po kthehet pas marrëveshjes politike, dhe kjo duket nga numrat e lartë të pjesëmarrjes. Po ashtu identifikimi elektronik dhe votimi elektronik për herë të parë luajtën rol të rëndësishëm në këtë besim”, tha ajo.

“Sa i takon ditës së votimit vlerësimi ynë është që procesi transparent dhe i qetë. Zgjedhjet ishin në përgjithësi të mirorganizuara. Kohëzgjatja e vëzhgimit na marsi deri sot e në vazhdim deri në maj na dha të kuptonim se partia në pushtet përdori burimet shtetërore dhe mori avantazh nga kjo” – tha ambasadorja Gacek.

“Pati pretendime nga dyja palët për shitblerje të votave gjatë periudhës së fushatës, tha ambasadore Gacek – Shitblerja është një dukuri e vështirë për t’u zbukuar për shkak të natyrës kriminale dhe kjo njollos imazhin e procesit. Një seri rastesh dhe pretendimesh për këtë po hetohen nga prokuroria shqiptare dhe ODIHR do t’i ndjekë po ashtu”.

Lidhur me votën e emigrantëve ajo tha se shqiptarët janë vendit kanë të drejtë të votojnë, por kufizimet e vendosura prej pandemisë e vështirësuan këtë proces.

Bashkë me misionin e OSBE/ODIHR në konferencën dolën edhe përfaqësues nga asambleja parlamentare e Këshillit të Europës, Aleksandër Pociej, si dhe nga asambleja parlamentare e OSBE-së, Azay Guliev.

Ata nënvizuan se shitblerja e votës vazhdon të mbetet shqetësim kryesor në Shqipëri, se ministrat vazhduan fushatën me burime shtetërore, dënuan ashpër vrasjen e një personi dhe plagosjet në Elbasan.

Publikimi i të dhënave personale të kryeqytetit gjatë fushatës është një shkelje, që duhet hetuar, thanë ata.

Distancimi social për Covid nuk u respektua dhe pati mbipopullim të qendrave të votimit, pohuan ata, ku nuk u respektuan personat me aftësi të kufizuara.

Nëpunësit e administratvs, sipas tyre, patën presione dhe stimuj për të mbajtur anën e qeverisë, por pavarësisht problemeve, procesi zgjedhor rezultoi të ishte i suksesshëm në përgjithësi.

Më shumë

Varhelyi në Tiranë, 145 mijë vaksina donacion: Pa parlament të plotë nuk ecet drejt BE

Komisioneri europian për Zgjerimin Oliver Varhelyi, tha sot në Tiranë se “pa një parlament të plotë nuk është e mundur të ecet drejt Bashkimit Europian”. Ai bëri këto komente në përgjigje të një pyetje lidhur me situatën politike në Shqipëri pas zgjedhjeve të 25 Prillit.   Opozita në vend i mbahet qëndrimit të saj […]

Socialistët fitojnë zgjedhjet me ndihmën e ndryshimeve kushtetuese

Partia Socialiste fitoi një mandat të tretë dhe të paprecedent në zgjedhjet e së dielës duke marrë afërsisht të njëjtën sasi votash me vitin 2017 ndërsa garimi i ndarë i PD dhe LSI i solli atyre mandate të humbura në disa fushëbeteja kyçe. Deri mëngjesin e së martës janë numëruar rreth 90% e kutive […]

“Terra Data” kompania izraelite e inteligjencës artificiale gjeti fituesin e zgjedhjeve në Shqipëri

Bëhet fjalë për “Terra Data Analytics”, një kompani e analizimit të të dhënave digjitale dhe e marketingut digjital, e cila ka parashikuar rezultatin e saktë të zgjedhjeve në vende të ndryshme, përfshirë këtu ato lokale në Turqi, zgjedhjet presidenciale në Kroaci, por edhe ato në SHBA e Izrael.   Në Tiranë është dikush që […]

Ambasadorja amerikane: Liderët politikë duhet të presin me durim rezultatin

Ambasadorja amerikane në Shqipëri, Yuri Kim ka dhënë një deklaratë për shtyp nga KZAZ 39, ku u bëri thirrje kandidatëve dhe udhëheqësve politikë që të presin në qetësi dhe durim rezultatin e zgjedhjeve.   “Detyra e kandidatëve dhe udhëheqësve politikë është që të presin të qetë dhe me durim rezultatin. Në entuziazmin e momentit […]

  • © 2017 Albanian Profile Të gjitha të drejtat e rezervuara