e premte 15 janar 2021
e premte 15 janar 2021

 

 

Një raport i ri ka paralajmëruar më 2 dhjetor se bota planifikon të prodhojë më shumë se dyfishin e sasisë së lëndëve të dëmshme djegëse deri më 2030, në krahasim me normat që janë në përputhje me frenimin e ngrohjes globale.

 

Sipas Marrëveshjes së Parisit për Klimën, të vitit 2015, shtetet janë zotuar për një synim afatgjatë të kufizimit të temperaturës mesatare nën 2 gradë Celsius mbi nivelet paraindustriale dhe të bëjë përpjekje për kufizim të temperaturës në 1.5 gradë Celsius.

 

Për t’u arritur synimi prej 1.5 gradësh Celsius, prodhimi i thëngjillit, naftës dhe gazit duhet të ulet për 6 për qind brenda një viti, për periudhën 2020-2030.

 

Raporti i ri i Programit të Kombeve të Bashkuara për Ambient dhe ekspertë nga institute të ndryshme shkencëore, dhe universitete paralajmërojnë se planet qeveritare japin shenja për rritje vjetore prej 2 për qind të prodhimit të këtyre lëndëve.

 

Një gjë e tillë, sipas raportit, do të rezultojë, që deri më 2030, të dyfishohet prodhimi që është në përputhje me kufizimet prej 1.5 gradësh Celsius.

 

Në një tjetër paralajmërim për ndryshimet klimatike, Organizata Botërore për Meteorologji, ka thënë se vlerësimet e përkohshme sugjerojnë se viti 2020, ka qenë ndër vitet më të nxehta, pas viteve 2016 dhe 2019.

 

Në një fjalim në Nju Jork, Sekretari i Përgjithshëm i Kombeve të Bashkuara, Antonio Guterres ka dënuar dështimin “vetëvrasës” për të luftuar ngrohjen globale, duke thënë se njerëzimi i ka shpallur luftë natyrës.

 

“Biodiversiteti është duke u shkatërruar. Një milion gjallesa janë në rrezik të zhdukjes. Ekosistemet janë duke u zhdukur para syve tanë. Shkretëtirat janë duke u përhapur. Ligatinat janë duke humbur. Çdo vit, ne humbim 10 milionë hektarë pyje”, ka thënë Guterres, raporton rel.

 

Mirëpo ai ka thënë se rimëkëmbja nga pandemia e koronavirusit mund të jetë mundësia e njerëzimit për të vepruar ndryshe, me qëllim të ruajtjes së planetit.

 

Më shumë

Foka e Mesdheut vazhdon të na befasojë në brigjet e Karaburunit (video)

Foka e Mesdheut (Monachus monachus) është dëshmuar disa ditë më parë në afërsi të bazës ushtarake në Pashaliman. Ky raportim u krye nëpërmjet pamjeve filmike të regjistruara nga një vizitor në zonë.   Prania e këtij lloji në brigjet e Shqipërisë na bën krenarë dhe na motivon akoma më tepër për të ruajtur ekosistemet […]

Hidrocentrali mbi lumin Vjosa nuk do të ndërtohet

Hidrocentrali i Kalivaçit nuk do të ndërtohet. Agjencia Kombëtare e Mjedisit ka refuzuar lejen mjedisore pas kërkesës së bërë nga shoqëria koncesionare AYEN-ALB në fillim të vitit.   Hidrocentrali i Kalivaçit do të ndërtohej mbi lumin Vjosa, por kundërshtimet kanë qënë të forta si nga organizatat e mbrojtjes së mjedisit edhe nga eurodeputetë të […]

Një specie e re peshkaqeni në PKD Karaburun-Sazan

Një specie e re peshkaqeni është shfaqur në Parkun Kombëtar Detar  në Karaburun-Sazan. Sipas njoftimit nga Qendra e Vizitorëve Radhimë në Vlorë, peshkaqeni është i parrezikshëm për njerëzit.   Mbretëria: Shtazore Tipi: Kordata Klasa: Kondrihtët Rendi: Skualiformët Familja: Dalatide Gjinia: Dalatias Lloji: Dalatias licha (Peshkaqeni fokë)   𝗞𝗮𝗿𝗮𝗸𝘁𝗲𝗿𝗶𝘀𝘁𝗶𝗸𝗮𝘁 𝗲 𝘀𝗽𝗲𝗰𝗶𝗲𝘀: Peshkaqen i parrezikshëm për […]

Parada e përvitshme e banorëve të pyllit në rajonin e Prespës, para kamerave kurth të PPNEA

Për të tretin vit rradhazi, prej fundit të muajit shtator e deri ne fillim të dhjetorit, PPNEA po zhvillon studimin me kamera kurth në rajonin e Prespës, një studim i cili zbatohet në nivel ndërkufitar prej partnerëve të PrespaNet, përgjatë vitit. Në filim të kësaj jave të fundit të muajit tetor, eskpertët e PPNEA, […]

  • © 2017 Albanian Profile Të gjitha të drejtat e rezervuara