e mërkurë 8 dhjetor 2021
e mërkurë 8 dhjetor 2021

 

 

Luftëtarët talibanë kanë fituar kontrollin e dhjetëra distrikteve në Afganistan, teksa rrisin sulmet gjatë tërheqjes së trupave të huaja, kanë paralajmëruar Kombet e Bashkuara.

 

Kryengritësit kanë fituar kontrollin e më shumë se 50 nga 370 distrikteve prej muajit maj, ka thënë e dërguara speciale e Kombeve të Bashkuara në Afganistan, Deborah Lyons para Këshillit të Sigurimit të OKB-së, duke paralajmëruar për “skenarë të tmerrshëm”.

 

Ajo ka thënë se rritja e konfliktit “nënkupton rritje të pasigurisë për shumë shtete tjera, afër dhe larg”.

 

Shtetet e Bashkuara dhe NATO-ja ende synojnë të largohen nga Afganistani, siç kanë planifikuar, më 11 shtator.

 

Megjithatë, zëdhënësi i Pentagonit John Kirby, ka thënë se situata vazhdon të jetë “dinamike” dhe ndonëse veprimet e talibanëve nuk kanë ndikuar në tërheqje të trupave, ende ka mundësi që plani të ndryshojë.

 

Avancimet e fundit të grupit islamist të linjës së ashpër, kanë qenë rezultat i “fushatës së intensifikuar ushtarake”, ka thënë Lyons para Këshillit të Sigurimit të OKB-së në Nju Jork.

 

Këto distrikte janë të rrethuara deri të kryeqytetet, çka jep shenja se talibanët janë duke u pozicionuar për të fituar kontrollin e kryeqyteteve, kur trupat e huaja të largohen plotësisht.

 

Talibanët kanë pushtuar edhe kufirin kryesor të Afganistanit me Taxhikistanin të martën, kanë thënë zyrtarët.

 

Ky pikë kufitare gjendet në provincën veriore Kunduz, ku janë përshkallëzuar luftimet në ditët e fundit.

 

Forcat e udhëhequra nga Shtetet e Bashkuara kanë rrëzuar talibanët nga pushteti në tetor të vitit 2001.

 

Talibanët kanë qenë duke strehuar atëbotë Osama Bin Laden dhe figura tjera të Al-Kaidës, të lidhura me sulmet e 11 shtatorit të po atij viti në Shtetet e Bashkaura.

 

Presidenti amerikan Joe Biden ka thënë se tërheqja amerikane tani është e arsyeshme, pasi forcat amerikane janë siguruar që Afganistani nuk do të bëhet më bazë për xhihadistë të huaj që të kryejnë komplote kundër Perëndimit.

 

 

Më shumë

Lukashenko dhe tranziti i gazit rus drejt Europës

Pushtetmbajtësi bjellorus, Aleksander Lukashenko kërcënoi me mbylljen e rubinetit të gazit Jamal Europa. Por Gazpromi ka rrugë të tjera për të sjellë gaz tek klientët e tij.   Lajmi pushtoi para pak ditësh mediat: Pushtetmbajtësi bjellorus, Aleksander Lukashenko kërcënon Europën me ndaljen e tranzitit të gazit rus drejt Europës! Kërcënimi erdhi në kulmin e […]

Thirrja nga Bjellorusia kalon përmes Turqisë

Në tetor, më shumë se 5000 emigrantë, kryesisht nga Lindja e Mesme, mbërritën në Gjermani nëpërmjet Bjellorusisë. Investigimi i ARD Report München tregon: itinerari është i organizuar mirë dhe kalon përmes Turqisë. Qendra e parë e pritjes në Eisenhüttenstadt është e rrethuar me gardhe të larta. Deri pak ditë më parë, çdo emigrant i […]

Irani kryen manovra ushtarake para rifillimit të bisedimeve bërthamore

Ushtria e Iranit ka nisur manovrat ushtarake të përvitshme pranë Gjirit Persik, njoftoi televizioni shtetëror iranian, disa javë përpara rifillimit të bisedimeve mes Teheranit dhe fuqive botërore për ringjalljen e marrëveshjes bërthamore të vitit 2015. Manovrat po zhvillohen në një territor të gjerë, në pjesën lindore të ngushticës së Hormuzit deri në atë veriore […]

32-vjetori i Rënies së Murit të Berlinit

09 Nëntori shënon 32-vjetorin e rënies së Murit të Berlinit. Kjo datë simbolizon rënien e komunizmit të Evropë. Pak pas mesnatës së 13 gushtit 1961, qeveria gjermane u dha urdhër 40 mijë ushtarëve dhe policëve gjermano-lindorë të bllokonin me tela me gjemba gjithë kufirin, duke lënë vetëm 13 pika kalimi për në Berlinin Perëndimor. […]

  • © 2017 Albanian Profile Të gjitha të drejtat e rezervuara