e martë 25 janar 2022
e martë 25 janar 2022

 

 

OSBE ka nisur projektin e financuar nga Bashkimi Evropian për monitorimin e çështjeve gjyqësore të korrupsionit dhe të krimit të organizuar në Shqipëri.

 

Prezenca e OSBE-së në Shqipëri, në bashkëpunim me Delegacionin e Bashkimit Evropian (BE), organizuan sot një takim me organizata të shoqërisë civile.

 

Takimi kishte qëllim paraqitjen e një projekti të financuar nga Komisioni Evropian me titull “Mbështetje për një administrim më efektiv të drejtësisë në çështjet e korrupsionit dhe krimit të organizuar në Shqipëri përmes monitorimit të proceseve gjyqësore”.

 

Projekti, i cili do zgjasë tre vite, do të mbështetë gjyqtarët dhe prokurorët e Shqipërisë në krijimin e një baze të shëndoshë rezultatesh në hetimin dhe gjykimin e çështjeve të korrupsionit, në përputhje me standardet ndërkombëtare.

 

Si pjesë e projektit, zyrtarë të OSBE-së do të monitorojnë çështje gjyqësore të përzgjedhura, mbështetur në metodologjinë e OSBE/ODIHR-it për monitorimin e gjyqeve. Ata gjithashtu do të mbështesin zbatimin e disa politikave të propozuara nga institucionet përkatëse.

 

Synimi i projektit është që përmes bashkëpunimit të ngushtë me shoqërinë civile dhe median, të theksojë rëndësinë e monitorimit të performancës së gjyqtarëve dhe prokurorëve në hetimin dhe gjykimin e çështjeve të korrupsionit dhe të krimit të organizuar.

 

Ky projekt është pjesë e një projekti më të gjerë rajonal, të zbatuar nga OSBE-ja, i cili fokusohet te mbështetja për një administrim më efektiv të drejtësisë lidhur me çështjet e korrupsionit të rëndë dhe të krimit të organizuar në Ballkanin Perëndimor.

 

Gjatë takimit, përfaqësuesit e Delegacionit të BE-së dhe të Prezencës së OSBE-së theksuan rolin thelbësor që luajnë shoqëria civile dhe media në rritjen e ndërgjegjësimit të qytetarëve për përgjigjen që u duhet dhënë krimit të organizuar dhe korrupsionit.

 

 

Më shumë

Rreziku nga sulmet kibernetike

Siguria kibernetike po bëhet çdo ditë e më shumë një fushë që kërkon fuqi punëtore të specializuar. Ndaj Ministri i Mbrojtjes Niko Peleshi, si drejtues i institucionit që shumë shpejt do të marrë drejtimin për garantimin e mbrojtjes kibernetike përshëndeti pjesëmarrësit në aktivitetin inovativ “Cyber Camp Albania”, ku ftoi të rinjtë të orientojnë karrierën […]

4 – Dhjetori, Festa Kombëtare e Forcave të Armatosura Shqiptare

Me propozimin e Isa Boletinit, më 4 dhjetor 1912, Mehmet pashë Dërralla u zgjodh ministër i Luftës në Qeverinë e Përkohshme, duke fituar 42 vota dhe duke u radhitur i treti pas Luigj Gurakuqit me 54 vota dhe Myfit Bej Gjirokastrës (Libohovës) me 52 vota. Ministri i Luftës Mehmet pashë Dërralla duke bashkëpunuar me […]

Një shqiptar në krye të Arqipeshkivisë së Tiranës dhe Durrësit

Papa Françesku emëroi sot (30 nёntor 2021) imzot Arjan Dodaj, kryeipeshkëv të ri të kryedioqezës së Tiranë-Durrësit. Imzot Dodaj është kryeipeshkvi i tretë i kësaj Kishe në periudhën pas rënies së komunizmit, pasardhës i imzot Rrok Mirditës dhe i imzot George Frendos.   R.SH. – Vatikan   Dorëheqja dhe emërimi i Kryeipeshkvit Mitropolit […]

Mbi 17’000 shqiptarë e festuan Pavarësinë jashtë atdheut

Një numër i konsiderueshëm shqiptarësh kanë zgjedhur t’i kalojnë festat e nëntorit jashtë atdheut.   Stambolli ishte destinacioni kryesor për të kaluar pushimet 4-ditore që erdhën nga festat e Pavarësisë dhe Çlirimit.   “Stambolli është shitur në masë, gati  muaj përpara, pra në fund të tetorit të gjitha grupet e Stambollit kanë qenë të […]

  • © 2017 Albanian Profile Të gjitha të drejtat e rezervuara