e premte 22 tetor 2021
e premte 22 tetor 2021

 

Tani gjurmimi i origjinës së virusit të COVID-19 është një sfidë e përbashkët e të gjithë njerëzimit. Matematikanët kanë filluar të përdorin metodat e analizës në bazë të të dhënave të mëdha për të gjetur “pacientin zero”.

 

Të mërkurën, platforma e parapublikimit të artikujve shkencorë e Akademisë së Shkencave të Kinës (ChinaXiv) publikoi rezultatet e gjurmimit të origjinës së virusit të COVID-19 në bazë të analizës së të dhënave të mëdha. Sipas tyre, ka një mundësi të madhe që “pacienti zero” i COVID-19 në ShBA të jetë shfaqur afër shtatorit të vitit 2019, dhe një mundësi 50 % që rasti i parë të ketë qenë në shtetin Rhode Island më 26 prill 2019, më herët se data e publikuar nga pala zyrtare amerikane, që është 20 janari i vitit 2020.

 

Megjithëse në fillim të vitit 2020 shpërtheu epidemia e virusit të COVID-19 në Kinë, sipas një sërë studimesh, në SHBA, Spanjë, Francë, Itali, Brazil etj. ka pasur gjurmë të prekjes nga virusi i COVID-19 më parë.

 

Studimi përdor analizën cilësore dhe sasiore të sëmundjeve ngjitëse, të ndërthurur me modelet matematikore dhe teknologjinë e inteligjencës artificiale. Ai analizon të dhënat epidemike të publikuara në 12 shtetet verilindore të ShBA-së, duke arritur në përfundimin se ka shumë të ngjarë që rasti i parë i prekjes nga koronavirusi i ri në ShBA të jetë shumë më herët sesa është shpallur zyrtarisht tani.

 

Përveç kësaj, grupi i studimit ka përdorur këtë metodë për të studiuar të dhënat publike të Kinës, për të përcaktuar datën e rasteve të para të COVID-19 në Wuhan dhe provincën Zhejiang. Sipas këtij modeli, ka një mundësi prej 50 % që rasti i parë i infektimit në Wuhan të ketë qenë më 20 dhjetor të vitit 2019 dhe në provincën Zhejiang më 23 dhjetor të vitit 2019. Ky përfundim përputhet me rezultatet e sondazhit epidemiologjik në Kinë, duke vërtetuar saktësinë e kësaj metode.

 

Informacionin për këtë artikull e gjeni në: http://chinaxiv.org/abs/202109.00058

 

CRI

 

Më shumë

Mianmari do të lirojë mbi 5,000 të burgosur

Mianmari, shtet i njohur edhe si Burma, ka thënë se do të lirojë më shumë se 5,000 persona, të cilët janë burgosur gjatë protestave kundër puçit të muajit shkurt.   Mijëra persona janë ndaluar gjatë protestave të përgjakshme, pasi liderët ushtarakë kanë marrë pushtetin.   Lideri i Mianmarit, Gjenerali, Min Aung Hlaing, ka […]

SHBA hedh poshtë pretendimet e talebanëve për investime kineze në Afganistan

Zyrtarët amerikanë dhe analistë të pavarur reaguan në mënyrë skeptike të premten ndaj një pretendimi të talebanëve se Kina është gati të investojë miliarda dollarë në Afganistan.   Sekretarja e shtypit e Shtëpisë së Bardhë Jen Psaki tha se Shtetet e Bashkuara shqetësohen më shumë të sigurojnë ndihmë për popullin afgan që po […]

Putin në “Javën e Energjisë Ruse”: Rritja e çmimeve të gazit në Europë ishte rezultat i mungesës së energjisë elektrike

Presidenti Vladimir Putin mori pjesë në seancën plenare të Forumit Ndërkombëtar “Java e energjetikës ruse”, që zhvillohet tani në Moskë. Ja disa teza kryesore nga fjala e tij:   Sipas rezultateve të vitit të kaluar konsumi global i energjisë primare u ul në 4.7%. Kjo ishte goditja më serioze për këtë degë në […]

Moska fton talebanët në bisedimet për Afganistanin më 19 tetor

Rusia i ka dërguar ftesë Shteteve të Bashkuara të Amerikës, Kinës, Pakistanit dhe talebanëve që të marrin pjesë në bisedimet e Moskës dhe Afganistanit, që do të mbahen më 19 tetor.   Lajmi është konfirmuar nga AFP, e cila citon burime ruse.   Gjatë një interviste për media, ministri i Jashtëm rus, Kabulov është […]

  • © 2017 Albanian Profile Të gjitha të drejtat e rezervuara