e shtunë 18 shtator 2021
e shtunë 18 shtator 2021

 

 

Në Ulqin është hapur edicioni i 20-të i Panairit të librit, ku marrin pjesë mbi 50 botues nga rajoni. Panairin e hapën drejtuesit e akademive të Malit të Zi, Shqipërisë dhe të Kosovës, të cilët theksuan rëndësinë e promovimit dhe nxitjes së leximit, veçanërisht tek të rinjtë e sotëm.

 

Kryetari i Akademisë së Shkencave dhe Arteve të Malit të Zi, Gjorgje Borozan në hapjen e Panairit, vuri në dukje rëndësinë tij.

 

“Jam tejet i gëzuar që gjendem në hapjen e këtij panairi, pasi libri dhe promovimi i tij paraqesin nxitjen më të fuqishme që të rinjtë e sotëm të lexojnë dhe të adhurojnë botimet e reja”, tha akademiku malazez Borozan.

 

Kryetari i Akademisë së Shkencave dhe Arteve të Kosovës, Mehmet Kraja e vlerëson panairin e librit në Ulqin si më të rëndësishmin në hapësirën shqiptare, për shkak se paraqet një sfidë të veçantë kulturore.

 

“ Është njëri ndër manifestimet më të rëndësishme dhe më të veçanta në hapësirën shqiptare, sepse për 20 vjet të organizosh një panair nuk është e lehtë. Ata që e kanë organizuar në vazhdimësi këtë panair e dinë se çfarë sakrifice është. Meqenëse vijë nga këto hapësira dhe duke qenë se kamë kaluar një kohë të gjatë në këtë vend, duhet të them se Ulqinin e kamë përceptuar si një vend ku gërshetohen historia për të jetuar kohërat dhe epokat dhe si vend frymëzimi për të bërë letërsinë “, tha zoti Kraja.

 

Kryetari i Akademisë së Shkencave të Shqipërisë, Skender Gjinushi shprehu kënaqësinë për pjesëmarrjen në panair duke theksuar mbështetjen e organizimit të këtyre ngjarjeve kulturore.

 

“Ne si pjesë e Akademisë së Shqipërisë shprehim kënaqësi që jemi pjesë e organizimit të këtij evenimenti dhe do të jemi gjithmonë pjesëtar aktiv për të mbështetur këtë ngjarje, por edhe për të përfituar në formë pozitive, sepse është një mënyrë për të ekspozuar botimet dhe patjetër që akademitë janë ato që së pari flasin nëpërmjet botimeve ashtu si shkenca, dija dhe çdo krijimtari tjetër fletë më së pari nëpërmjet botimeve”, tha zoti Gjinushi.

 

Gjatë ditëve të panairit do të organizohen mbrëmje letrare, promovime dhe prezantime të autorëve. Panairi do të përmbyllet me ceremoninë e ndarjes së çmimeve për veprat e autorëve pjesëmarrës në këtë ngjarje kulturore.

 

Më shumë

Tre filma nga Kosova fitojnë çmime në Festivalin e Filmit në Sarajevë

Tre filma nga Kosova, që ishin në garë në Festivalin e Filmit në Sarajevë (SFF), kanë fituar çmime.   Çmimi “Zemra e Sarajevës” për aktoren më të mirë e fituan aktoret e filmit “Luaneshat e Kodrës”: Flaka Latifi, Era Balaj dhe Urata Shabani.   Çmimi për promovimin e barazisë gjinore iu dha Norika […]

Dua Lipa viziton Butrintin

Ylli i muzikës botërore, Dua Lipa vizitoi sot Butrintin, një nga atraksionet më të vizituara në vendin tonë.   Lajmin e ka bërë të ditur ministrja e Kulturës, Elva Margariti e cila shprehet se Dua Lipa ka plot dëshirë për të njohur rrënjët e saj.   “Butrinti, ky thesar i çmuar i trashëgimisë […]

Panairi i librit në Ulqin

Në Ulqin është hapur edicioni i 20-të i Panairit të librit, ku marrin pjesë mbi 50 botues nga rajoni. Panairin e hapën drejtuesit e akademive të Malit të Zi, Shqipërisë dhe të Kosovës, të cilët theksuan rëndësinë e promovimit dhe nxitjes së leximit, veçanërisht tek të rinjtë e sotëm.   Kryetari i Akademisë […]

DokuFest me projeksione të përzgjedhura

Sikurse edhe edicionet e shkuara, sërish këtë vit festivali i filmit DokuFest vjen edhe në Tiranë. Ky festival këtë vit ka 20 vjetorin e zhvillimit të tij.   DokuFest në bashkëpunim më Platformën e Artit Bashkëkohor Harabel, mbrëmjen e datës 28 korrik në orën 20-30 në ambientet e fushave të tenisit pranë Liqenit […]

  • © 2017 Albanian Profile Të gjitha të drejtat e rezervuara