e hënë 6 dhjetor 2021
e hënë 6 dhjetor 2021

 

Pas një rënieje të fortë në prill dhe në muaj, aplikimet për azil të shqiptarëve kanë shënuar tendencë rritëse në qershor, ndonëse me ritme shumë më të ulëta në krahasim me periudhën e para krizës së Covid-19.

Në qershor, kur rifilloi dhe hapja graduale e fluturimeve dhe udhëtimeve nga toka, rezulton nga të dhënat e Zyrës Europiane të Azilantëve (EASO), se kishte 394 aplikime për azil, nga të cilat 73% ishin aplikime për herë të parë dhe pjesa tjetër riaplikime. Në krahasim me muajin maj, kur kishte vetëm 90 aplikime në total, ka më shumë sesa katërfishim.

Në janar dhe në shkurt, kur situata e lëvizjeve ishte normale, mesatarisht kishte më shumë se 1000 aplikime në muaj për azil nga shqiptarët në një nga vendet e Bashkimit Europian, ndërsa në qershor, aplikimet arritën në gati 40% të nivelit të para krizës.

Në total, për 6 mujorin, rreth 3400 aplikime nga shqiptarët për azil, nga të cilat rreth 20% ishin riaplikime. EASO thekson se niveli i riaplikimeve nga Shqipëria është i lartë, ndonëse vendi renditet ndër shtetet me normat më të larta të mospranimit, së bashku me vende si Bangladesh, Gambia, Georgia, India, Kazakhstan, Moldavia, Serbia, dhe Ukraina.

Në krahasim me 6 mujorin e një viti më parë, aplikimet kanë rënë me 72%, si rrjedhojë e bllokimit të lëvizjeve pas pandemisë së Covid-19.

Pavarësisht vështirësive për të lëvizur dhe faktit që shtetasit e Shqipërisë nuk lejohen të udhëtojnë e fluturojnë në vendet e BE-së, në qershor, aplikimet për azil nga Shqipëria (394) ishin më të larta nga të gjitha shtetet e Ballkanit. Pas nesh, renditen shtetasit e Kosovës, me 185 kërkesa për azil, të ndjekur nga Serbia (134), Bosnja (97), Maqedonia (44) dhe në fund është Mali I Zi (10 aplikime).

 

Rriten aplikimet për azil në qershor

 

EASO njoftoi se në total në vendet e Bashkimit Europian + kishte 31.5 mijë aplikime për azil, me një rritje të ndjeshme në krahasim me muajin maj, por që është shumë më poshtë sesa marsi, përpara fillimit të pandemisë së Covid-19.

Më shumë se tre të katërtat e të gjitha aplikimeve u paraqitën nga vetëm katër vende. Pothuajse të gjitha vendet e BE + morën më pak aplikime në qershor sesa në dy muajt e parë të vitit, gjë që tregon se ndikimi i masave emergjente nuk është zhdukur. Vendet e BE + vazhduan të lehtësojnë gradualisht kufizimet dhe të rifillojnë shërbimet e azilit hap pas hapi, por masat e urgjencës vazhduan të zbatohen.

Në qershor, Sirianët (4 068), Afganët (3 137), Venezuelasit (2 831) dhe Kolumbianët (2 419) shënuan numrin më të lartë të aplikimeve.

Për 6 muajt e parë të vitit, ka pasur gjithsej 212 100 aplikime në BE +, me një rënie të ndjeshme prej 37%, në krahasim me të njëjtën periudhë të një viti më parë.

 

Më shumë

Indeksi Global i Drejtësisë, Shqipëria në vendin e 78 në 120 shtete, përkeqësohet me 4 vende në vitin e reformës

Edhe pse Shqipëria ka bërë një reformë thelbësore në sistemin e drejtësisë, duke vënë në funksion institucione të reja dhe një proces të gjatë vettingu për gjyqtarët dhe prokurorët, Shqipëria bëri hapa pas në Indeksin Global për sundimin e ligjit në vitin 2020 i publikuar nga “World Justice Project”, një institut ndërkombëtar me qendër […]

Shqipëria ndër vendet e Europës, me më shumë vdekje nga aksidentet rrugore 

Në Shqipëri, në vitin 2019 humbën jetën 227 persona, sipas të dhënave të INSTAT.   Në raport me popullsinë, vendi shënoi 80 fatalitete nga aksidentet rrugore për 1 milionë banorë.   Kjo shifër e rendit Shqipërinë ndër vendet me vdekjet më të larta nga aksidentet rrugore në raport me popullsisë dhe gati 60% […]

Shqipëria, e fundit në Europë për të ardhurat për frymë dhe konsumin edhe më 2020, thellohet diferenca me rajonin

Shqipëria u rendit e fundit në Europë për të ardhurat dhe konsumin për frymë, në raport me mesataren e BE-së edhe për vitin 2020.   Sipas të dhënave të Eurostat, Prodhimi i Brendshëm Bruto (PBB) për Frymë në Shqipëri ishte sa 31% e mesatares së BE-së në vitin 2020 i njëjti nivel si viti […]

Sondazhi: Besim minimal tek partitë, qeverisja perceptohet si jotransparente dhe e korruptuar

Instituti për Demokraci dhe Ndërmjetësim publikoi sot Sondazhin e përvitshëm të opinionit publik “Besimi në qeverisje 2020”.   Qytetarët pohuan se besimin më të lartë, afro 70 për qind, e kanë tek institucionet fetare, e më pas vijnë ato arsimore brenda vendit dhe tek NATO, OKB dhe BE jashtë Shqipërisë.   Ndërsa institucionet me […]

  • © 2017 Albanian Profile Të gjitha të drejtat e rezervuara