e premte 3 dhjetor 2021
e premte 3 dhjetor 2021

 

Papa Françesku, në përfundim të audiencës së sotme të përgjithshme, u shpreh afërsinë viktimave të atentatit të Nicës e të Vjenës dhe kërkon të marrin fund dhuna dhe urrejtja!

 

“Këto ditë lutjesh për të vdekurit, i kujtuam e do të vijojmë t’i kujtojmë akoma viktimat e pafajshme të terrorizmit, mizoria e të cilit vijon të  përhapet  në gjithë Evropën” – këtë theksoi Papa Françesku në përfundim të audiencës së sotme të përgjithshme:

 

“Mendoj posaçërisht – vijoi – për atentatin e rëndë të këtyre ditëve  në Nicë, në një vend kulti, e edhe atë, i cili ndodhi dje në udhët e Vjenës,  që tronditën e tmerruan popullsinë dhe të gjithë ata, që e kanë për zemër paqen dhe dialogun”.

 

Ia besoj mëshirës së Zotit – shtoi akoma Papa – njerëzit që e mbyllën tragjikisht jetën e u shpreh afërsinë time  familjarëve dhe të gjithë atyre, që vuajnë nga shkaku i këtyre ngjarjeve thellësisht të dënueshme, “të cilat përpiqen ta komprometojnë me dhunë e urrejtje, bashkëpunimin vëllazëror ndërmjte feve”.

 

Ngushëllimet e Papës për atentatin e Vjenës: të marrin fund dhuna dhe urrejtja!

Në telegramin për viktimat e sulmit terrorist në Austri, Françesku kërkon  të promovohet “bashkëjetesa paqësore në shoqëri”. Ndërsa në tweet-tin e sotëm, Papa nxit të “të punohet së bashku për  paqen e vëllazërimin”.

 

Në një telegram, nënshkruar nga Sekretari i Shtetit, kardinali Pietro Parolin, Papa Françesku u shpreh familjarëve të viktimave dhe gjithë popullit austriak pjesëmarrjen në dhimbje, ndërsa të plagosurve, afërsinë, duke i siguruar se lutet për shërimin e tyre të shpejtë. Ati i Shenjtë ia beson viktimat  mëshirës së Zotit, të cilit i lutet të marrë fund dhuna e urrejtja e të punohet për bashkëjetesën paqësore në shoqëri.

 

Vetëm dashuria e shuan urrejtjen

Papa e kujton dhimbjen e tij të thellë edhe përmes një tweeti, botuar sot në faqen e internetit @Pontifex:

 

“Shpreh dhimbje – shkruan Françesku – për sulmin terrorist në Vjenë e lutem për viktimat dhe familjarët e tyre. Mjaft më me dhunë! Ta krijojmë së bashku atmosferën e paqes e të vëllazërimit. Vetëm dashuria mund ta shuajë gjithë këtë urrejtje”.

 

Këto fjalë, ngarkuar me dhimbjen e thellë atërore të Papës, na kujtojnë  se atentati në Vjenë u kushtoi jetën 6 vetëve, ndërmjet të cilëve, edhe atentatorit. Ndërsa numri i të plagosurve, që aktualisht janë të shtruar në spitalet vjeneze, arrin në 22. Gjashtë janë në gjendje të rëndë. Lajmin e jep ministri i brendshëm austriak Karl Nehammer, duke shtuar se hetimet vazhdojnë. Ministri  njoftoi edhe se “ tani për tani janë burgosur 14 vetë”.

 

Policia austriake vijon të bëjë kërkime, për të kuptuar dinamikën e sulmit, duke studiuar më se njëzet mijë video, që u dukën pas atentatit në mjetet e komunikimit. Qeveria i ftoi vjenezët të mos dalin nga shtëpitë e sidomos, të mos duken në qendër të qytetit, ku 75 ushtarakë vijojnë të kontrollojnë zonat e rrezikuara.

 

  1. SH. – Vatikan

 

 

 

 

Më shumë

Papa shpreh dhimbje, por jo ndjesë pas zbulimit të eshtrave të 215 fëmijëve në Kanada

Papa Françesku shprehu të dielën dhimbje lidhur me zbulimin në një shkollë në Kanada të eshtrave të 215 fëmijëve të fiseve indigjene. Fëmijët ndiqnin shkolla me konvikt të administruara nga kisha katolike. Papa u bëri thirrje udhëheqësve fetarë dhe politikë të hedhin dritë mbi “këtë ngjarje të trishtë”. Por ai nuk kërkoi ndjesë për […]

Berlin: Tri fe, një shtëpi e përbashkët – Fillimi i punimeve po afron

“The House of One” e hebrenjve, të krishterëve dhe myslimanëve në Berlin do të konkretizohet në fillim të vitit 2021 pas shumë përgatitjeve. Sfida për përfaqësuesit janë sulmet e fundit të përgjakshme të myslimanëve. Ekskavatorët do të nisin së shpejti punën. Prej më shumë se dhjetë vitesh në Berlin planifikohet, diskutohet dhe reklamohet ideja […]

Papa Françesku: Akte terrori, për të komprometuar vëllazërimin ndërmjet feve!

Papa Françesku, në përfundim të audiencës së sotme të përgjithshme, u shpreh afërsinë viktimave të atentatit të Nicës e të Vjenës dhe kërkon të marrin fund dhuna dhe urrejtja!   “Këto ditë lutjesh për të vdekurit, i kujtuam e do të vijojmë t’i kujtojmë akoma viktimat e pafajshme të terrorizmit, mizoria e të cilit […]

Bashkia e Tiranës i jep pronësinë e tokës Kishës së Shën Prokopit, i hapet rrugë rikthimit në identitet

Ashtu si shumë objekte të tjera kulti në Shqipëri, të cilat ende sot nuk janë pajisur me një certifikatë pronësie, edhe Kisha e Shën Prokopit në Tiranë nuk e dispononte një dokument të tillë, çka mbante peng edhe projektin për rikthimin në identitet të saj. Pas vendimit unanim të Këshillit Bashkiak të Tiranës, kryebashkiaku […]

  • © 2017 Albanian Profile Të gjitha të drejtat e rezervuara