e premte 19 gusht 2022
e premte 19 gusht 2022

 

Mbledhja e Qeverisë së Kosovës është mbajtur edhe sot pa praninë e ministrave të Listës Serbe, që janë partnerë të koalicionit qeverisës.

Megjithëse, pati shumë pika të rendit të ditës për të cilat u votua nga ministrat, aty mungoi vota e zëvendësministrit dhe ministrit të Pushtetit Lokal, Goran Rakiç dhe ministri për Kthim dhe Komunitete, Dalibor Jevtiq.

Mungesa e Listës Serbe është vërejtur përveç në mbledhjet e fundit të Qeverisë, edhe në seancat e Kuvendit të Kosovës.

I pyetur gjatë një konference për medie në lidhje me një shantazh të mundshëm nga Lista Serbe, kryeministri i Kosovës, Avdullah Hoti kishte paralajmëruar se gjatë ditëve në vijim do të adresojë disa çështje sa i përket Listës Serbe, teksa tha se Qeveria mund të bjerë, por nuk mund të shantazhohet.

Hoti kishte deklaruar më 4 dhjetor se gjatë ditëve të ardhshme do të adresojnë disa çështje me Listën Serbe, por megjithëse kanë kaluar më shumë se dy javë ende nuk duket se është ndërmarrë diçka.

“Kemi disa çështje që besoj se në ditët e ardhshme duhet t’i adresojmë me Listën Serbe. Fakti që jemi në këtë pikë, do të thotë që Qeveria mund të bie por nuk mund të shantazhohet. Më vjen mirë që një pjesë e opozitës kanë marrë parasysh kërkesat tona të vazhdueshëm. Qysh në muajt e verës kur ka shkuar në lexim të parë në Kuvend, kam kërkuar nga deputetët të japin mendimet e tyre, si nga opozita si nga pozita të japin mendimin në mënyrë që ato t’i akomodojmë në Ligjin për rimëkëmbje Ekonomike”, tha Hoti.

Më shumë

Kosova ftohet në takimin e lartë për demokraci

Kosova pritet të marr pjesë në takimin e lartë për demokraci që do të organizohet nga presidenti amerikan, Joe Biden më 9 dhe 10 dhjetor. Burime të Zërit të Amerikës konfirmuan pjesëmarrjen e Kosovës në këtë takim dhe sipas tyre, kjo u bë e ditur pas takimeve që presidentja Vjosa Osmani zhvilloi me […]

Mosnjohja e plotë e Kosovës, pengesë drejt NATO-s

Mosnjohja e Kosovës nga katër shtete evropiane që janë edhe pjesë NATO-s, është pengesa kryesore për anëtarësimin e Kosovës në këtë organizatë ndërkombëtare, u tha në Komisionin për Punë të Jashtme dhe Diasporë në Kuvendin e Kosovës.   Lidhur me anëtarësimin e Kosovës në NATO, para anëtarëve të këtij komisioni raportoi të martën […]

Kosova vendos sanksione për shtatë individë dhe një kompani për lidhje me Hezbollahun

Qeveria e Kosovës u vendosi sanksione shtatë afaristëve dhe një kompanie për lidhje me grupin ushtarak të Libanit, Hezbollah.   Ministrja e Jashtme e Kosovës, Donika Gërvalla-Schwarz, tha se sanksionet vendosen në pajtim me Rezolutën 1373 të Këshillit të Sigurimit të Kombeve të Bashkuara ndaj shtatë individëve dhe një kompanie “për lidhjet e […]

Kërcënohet kryeministri i Kosovës Albin Kurti

Masa të shtuara të sigurisë janë parë të mërkurën mbrëma përreth shtëpisë së kryeministrit të Kosovës, Albin Kurti.   Zëdhënësi i qeverisë, Përparim Kryeziu, tha se kryeministri Kurti është kërcënuar dhe për këtë arsye, “si masë e kujdesit të shtuar, është rritur edhe niveli i tij i sigurisë. Institucionet e hetuesisë dhe sigurisë […]

  • © 2017 Albanian Profile Të gjitha të drejtat e rezervuara