e diel 14 gusht 2022
e diel 14 gusht 2022

 

 

Edhe pse rezultati përfundimtar i zgjedhjeve ende nuk është bërë zyrtarisht i njohur, nga Gjermania vijnë reagime nga deputetë të opozitës në Bundestag.

 

Dy reagimet e para nga Bundestagu për zgjedhjet në Shqipëri vijnë nga opozita. Deputetja liberale, Renata Alt, nuk pret ndonjë ndryshim të madh në Shqipëri, pas zgjedhjeve të 26 prillit 2021.  “Pavarësisht se kush do të formojë qeverinë e re, në Shqipëri nuk pritet ndonjë ndryshim i vërtetë,” tha Alt në një prononcim për media.

 

“As opozita nuk ofron alternativë”

 

“Rama është kritikuar për mungesën e reformave në luftën kundër korrupsionit dhe në gjyqësor, por as partia më e madhe e opozitës, e cila është në bojkot të vazhdueshëm, nuk duket se është një alternativë e vërtetë. Asnjë nga partitë nuk dha më shumë sesa premtime të paqarta zgjedhore.” – kritikoi deputetja liberale në analizën e saj. Ajo kërkon të vijohet lufta kundër korrupsionit dhe krimit të organizuar”.

 

Reforma zgjedhore të zbatohet deri në fund

 

Deputetja gjermane vijon më tej në mesazhin e saj, se “Shqipëria jo vetëm që duhet të provojë se është në gjendje të mbajë zgjedhje të rregullta, por edhe të forcojë në mënyrë të qëndrueshme funksionimin praktik të parlamentit, duke zbatuar me sukses reformën zgjedhore.”

 

Alt bën thirrje edhe për njohje të rezultatit nga të gjitha palët. “Vendi është shumë i polarizuar politikisht dhe do të përfitonte shumë nëse të gjitha partitë do të njihnin rezultatin”.  Alt më tej e quan jo shenjë të mirë “përplasjen me armë”, në prag të zgjedhjeve dhe kritikon faktin, që 1,5 milionë shqiptarët jashtë nuk kanë qenë në gjendje të votojnë me rrugë postare.

 

AfD: Shqipëria ka probleme me drogën emigracionin

 

Edhe grupi parlamentar i partisë ultra të djathtë, Alternativa për Gjermaninë, AfD, ka reaguar gjithashtu ndaj zgjedhjeve në Shqipëri me një analizë të deputetit Paul Podolay, anëtar i komitetit të punëve të jashtme, në Bundestag. Sipas Podolayt, rezultati paraprak është i ngushtë dhe do të vështirësojë krijimin e një koalicioni. Podolay, i cili thotë se ka qenë vëzhgues në zgjedhje, thotë se shqiptarët kërkojnë “reforma në luftën kundër korrupsionit dhe gjyqësorit dhe reforma në universitete”.  Podolay gjithashtu kujton se Shqipëria veç keqmenaxhimit, në administratë trafikut të drogës dhe krimin e organizuar ka problem edhe emigracionin.

 

“Partia Demokratike e Shqipërisë akuzon me të drejtë qeverinë socialiste për dështim absolut dhe përfshirje në krimin e organizuar dhe mbështetet në hapje të vendeve të reja të punës dhe taksa të ulëta si recetë kundër emigracionit të shqiptarëve.”

 

Ndryshe nga FDP-ja, e cila sapo ka shtruar një kërkesë në Bundestag për një perspektivë më të angazhuar evropiane ndaj Ballkanit Perëndimor, grupi parlamentar AfD-së e kundërshton vazhdimisht zgjerimin e BE-së.  Grupi parlamentar i AFD-së e thekson këtë qëndrim edhe në deklaratën për media, të së hënës.

 

Më shumë

Raporti i KE: Ku ka bërë progres dhe ku ngec ende Shqipëria?

Komisioni Europian (KE) miratoi të martën, (19.10) Paketën e Zgjerimit 2021 dhe vlerësoi situatën dhe progresin e arritur në vendet e Ballkanit Perëndimor (BP) dhe Turqi në proceset e tyre respektive drejt hyrjes në Bashkimin Europian. Vëmendje e veçantë i është kushtuar reformave themelore dhe udhëzimeve të qarta për reformat prioritare në vijim, […]

Shqipëria ngjitet në çatinë e botës po me cilat prioritete?

Shqipëria bëhet anëtare e Këshillit të Sigurimit: për dy vjet Vend i vogël me politikë të jashtme konstruktive.   Shqipëria u zgjodh dje anëtare e përkohshme në Këshillin e Sigurimit. Duke filluar nga 1 janari i vitit 2022, Shqipëria do të ulet për dy vjet rresht në një nga pesëmbëdhjetë ulëset e organit të […]

Shqipëria mbetet peng i të kaluarës së saj komuniste

Dështimi i Shqipërisë për t’u shkëputur rrënjësisht nga diktatura e saj brutale komuniste ka shtrembëruar kujtesën e saj për të kaluarën dhe ka dëmtuar tranzicionin e saj nga shoqëria post-totalitare në një demokraci funksionale.   Ky mars shënoi 30-vjetorin e fillimit të Lëvizjes Studentore që i hapi rrugë rënies së regjimit komunist hoxhist, […]

Melodia e vjetër e BE-së për Ballkanin

Të dëgjosh Bashkimin Evropian duke u prononcuar për Ballkanin Perëndimor është pak a shumë njësoj sikur të mbyllesh në një dhomë dhe të dëgjosh të njëjtën melodi.   Është i njëjti refren i ëmbël që premton një të ardhme të mrekullueshme së bashku, por pa përcaktuar ku dhe kur.   Ka qenë viti […]

  • © 2017 Albanian Profile Të gjitha të drejtat e rezervuara