e mërkurë 19 janar 2022
e mërkurë 19 janar 2022

 

Pasivizimi i adresave në Luginën e Preshevës është realiteti me të cilën përballen çdo ditë shqiptarët aty.

 

Kryetari i partisë Demokratike Shqiptare Ragmi Mustafa flet për këtë realitet në Balkan Talks në Euronews Albania.

 

“Përveç pasivizimit të adresave është ngritur kërkesa në Interpolin ndërkombëtar për marrjen e letërnjoftimeve apo pasaportave që akoma nuk kanë skaduar. Pa këto dokumente shqiptarët nuk njihen si qytetarë në trojet e tyre autoktone. Ky është një spastrim makabër i qeverisë së Beogradit”, u shpreh ai.

 

Partia Demokratike Shqiptare është duke mbledhur informacione për marrjen e dokumenteve që po i bëhet shqiptarëve.

 

“Janë dhjetëra raste që i janë marrë dokumentet dhe po mbledhim informacione për këtë. Ne do ngremë zërin në këtë drejtim para ambasadorëve, por nuk e kuptoj si mund ta pranojë këtë kërkesë Interpoli ndërkombëtar,”- tregon z. Mustafa.

 

Kryetari i Partisë Demokratike Shqiptare Ragmi Mustafa tregon se spastrimi etnik ka përfunduar në Medvegjë dhe po vazhdon në Bujanovc e Preshevë.

 

“Spastrimin etnik të shqiptarëve e ka nisur Beogradi dhe ky spastrimi po ndodh vetëm në komunat shqiptare. Fillimisht ka nisur në Medvegjë dhe kanë arritur që ta pastrojnë Medvegjën nga shqiptarët. Në Medvegjë nuk kanë ngelur më shumë se 400 shqiptarë nga 3700 që ka pasur në vitin 2001. Tani po vazhdojnë në Bujanovc dhe Preshevë”, shprehet

 

Sipas z. Mustafa Bashkimi Evropian është duke ngritur një komisioni që do informohet për pasivizimin, por edhe qeveria e Shqipërisë dhe Kosovës duhet të bëjë diçka për këtë ngjarje.

 

“Ndërkohë BE-ja do jetë korrekte dhe sapo të formojë komisionin do vijë që të informohet për së afërmi duke takuar dhe persona që i është pasivizuar adresa. Këshilli i Sigurimit duhet të mbajë një seancë të jashtëzakonshme që duhet ta kërkonte qeveria shqiptare dhe e Kosovës për ta ndërprerë këtë aktivitet”, tha ai.

 

 

Më shumë

Lira në rënie drastike, të huajt dynden për të blerë banesa në Turqi

Shitjet e banesave në Turqi për të huajt u rritën me 48.4% në një nivel rekord në nëntor, sipas shifrave zyrtare të publikuara sot, pasi një rënie e lirës turke bëri që blerjet të jenë dukshëm më të lira për ata që blejnë me valutë “të fortë”.   Tregu i pasurive të paluajtshme […]

BIRN hap ekspozitën në nder të gazetarëve të vrarë në luftërat në Ballkan

  Rrjeti Ballkanik i Gazetarisë Investigative do të hapë një ekspozitë dhe do të botojë një libër që përkujton gazetarët dhe punonjësit e medias që u vranë gjatë dhe menjëherë pas shpërbërjes së përgjakshme të Jugosllavisë.     Një ekspozitë e BIRN, e titulluar “Last Despatches”, do të hapet në Sarajevë më 14 dhjetor […]

Maqedoni e Veriut: Alternativa bëhet pjesë e koalicionit qeveritar

Partia opozitare Alternativa është bërë pjesë e koalicionit qeveritar në RMV. Kryeministri Zoran Zaev dhe kryetari i Alternativës Afrim Gashi kanë nënshkruar marveshjen 9 pikëshe për hyrjen e Alternativës në Qeveri.     Kryeministri i Maqedonisë së Veriut, Zoran Zaev tha se kjo marrëveshje paraqet një qëndrueshmëri politike për të hapur negociatat me BE-në, […]

Kosovë-Serbi: Normalizim i marrëdhënieve apo bllokim?

Kosova dhe Serbia në javën e fundit ashpërsuan retorikën politike me akuza dhe kundërakuza dhe ndaluan vizitat e ndërsjella të zyrtarëve qeveritarë, duke bërë kështu që të reagojë edhe Bashkimi Evropian. Autoritetet e Prishtinës i ndaluan hyrjen në Kosovë kreut të Zyrës për Kosovën në Qeverinë e Serbisë, Petar Petkoviç, njëherësh edhe drejtues i […]

  • © 2017 Albanian Profile Të gjitha të drejtat e rezervuara