e premte 28 janar 2022
e premte 28 janar 2022

 

Shqipëria aplikoi për herë të parë këtë vit, regjistrimin e fëmijëve në klasën e parë, përmes portalit e-Albania.

Të dhënat paraprake tregojnë se nga data 15-30 qershor janë kryer 5580 aplikime në 182 shkollat ku u pilotua ky proces.

Pas regjistrimit në e-Albania, prindërit apo kujdestarët ligjorë të fëmijës, duhet të ishin njoftuar nga Institucioni Arsimor elektronikisht, në rast pranimi ose refuzimi të regjistrimit nga data 3-10 korrik 2021. Por, kjo nuk ka ndodhur.

Teksa portali mban përgjegjësi vetëm për realizimin e aplikimit online, shqyrtimi i tyre dhe kthimi i përgjigjes është detyrë e institucionit arsimor.

Euronews Albania kontaktoi me Drejtorinë e Përgjithshme të Arsimit Parauniversitar për mungesën e përgjigjes për regjistrimin e fëmijëve.

“Institucionet arsimore/shkollat në periudhën 3 deri në 10 korrik kanë bërë vlerësimin e aplikantëve nëse kërkesa për regjistrim është sipas rregullave apo jo. Kryesisht nëse adresa e aplikantit përkon apo jo me shkollën ku i takon të mësojë sipas përcaktimeve të adresave nga Njësitë e Vet qeverisjes Vendore. Në rastet kur aplikanti ka bërë regjistrim jashtë zonës së banimit, kërkesa refuzohet dhe aplikantin i shkon një mesash informues”, u tha nga ky institucion.

Drejtoria thotë se mungesa e mesazheve informuese në rast pranimi apo refuzimi të aplikimit, ka ndodhur për shkak se në disa raste personat përgjegjës në shkolla kanë pasur probleme me aksesin në llogaritë e tyre për kthimin e përgjigjeve.

Rregullorja e institucioneve arsimore përcakton se “Fëmija regjistrohet në shkollën që mbulon zonën e tij të banimit”.

Por për disa lagje, kryesisht në Tiranë, prindërit nuk kanë gjetur emrin e shkollës që mbulon zonën e tyre të banimit, duke mos mundur të kryejnë dot aplikimin.

Ndërkohë Ministria e Arsimit po analizon me kujdes procesin dhe ka planifikuar vazhdimin e regjistrimit në një fazë të dytë, që do të jetë para fillimit të vitit mësimor, nëpërmjet e-Albania ose fizikisht.

Arsimi fillor në Republikën e Shqipërisë është i detyrueshëm, ndaj pavarësisht problematikave që janë hasur, në shtator çdo fëmije i lind e drejta për t`u regjistruar në një nga shkollat publike të arsimit 9- vjeçar, pranë zonës së tij të banimit.

Më shumë

Rreziku nga sulmet kibernetike

Siguria kibernetike po bëhet çdo ditë e më shumë një fushë që kërkon fuqi punëtore të specializuar. Ndaj Ministri i Mbrojtjes Niko Peleshi, si drejtues i institucionit që shumë shpejt do të marrë drejtimin për garantimin e mbrojtjes kibernetike përshëndeti pjesëmarrësit në aktivitetin inovativ “Cyber Camp Albania”, ku ftoi të rinjtë të orientojnë karrierën […]

4 – Dhjetori, Festa Kombëtare e Forcave të Armatosura Shqiptare

Me propozimin e Isa Boletinit, më 4 dhjetor 1912, Mehmet pashë Dërralla u zgjodh ministër i Luftës në Qeverinë e Përkohshme, duke fituar 42 vota dhe duke u radhitur i treti pas Luigj Gurakuqit me 54 vota dhe Myfit Bej Gjirokastrës (Libohovës) me 52 vota. Ministri i Luftës Mehmet pashë Dërralla duke bashkëpunuar me […]

Një shqiptar në krye të Arqipeshkivisë së Tiranës dhe Durrësit

Papa Françesku emëroi sot (30 nёntor 2021) imzot Arjan Dodaj, kryeipeshkëv të ri të kryedioqezës së Tiranë-Durrësit. Imzot Dodaj është kryeipeshkvi i tretë i kësaj Kishe në periudhën pas rënies së komunizmit, pasardhës i imzot Rrok Mirditës dhe i imzot George Frendos.   R.SH. – Vatikan   Dorëheqja dhe emërimi i Kryeipeshkvit Mitropolit […]

Mbi 17’000 shqiptarë e festuan Pavarësinë jashtë atdheut

Një numër i konsiderueshëm shqiptarësh kanë zgjedhur t’i kalojnë festat e nëntorit jashtë atdheut.   Stambolli ishte destinacioni kryesor për të kaluar pushimet 4-ditore që erdhën nga festat e Pavarësisë dhe Çlirimit.   “Stambolli është shitur në masë, gati  muaj përpara, pra në fund të tetorit të gjitha grupet e Stambollit kanë qenë të […]

  • © 2017 Albanian Profile Të gjitha të drejtat e rezervuara