e diel 24 tetor 2021
e diel 24 tetor 2021
Fetë

Përkujtohet 100-vjetori i Kongresit të Parë Bektashian

 

 

Selia e Shenjtë Bektashiane, nën përkujdesjen e veçantë të Kryegjyshit Botëror Bektashian, Hirësia e Tij Haxhi Dede Edmond Brahimaj, përkujtoi sot më 17.01.2021, në Kryegjyshatën Botërore Betashiane në Tiranë, 100-vjetorin e Kongresit të Parë Bektashian, që u bë në Prishtë të Skraparit, një ngjarje me rëndësi fetare e kombëtare.

 

Kjo shënon një ngjarje tejet të rëndësishme për bektashizmin shqiptar dhe atë botëror, 100 vjetorin e mbajtjes së Kongresit të Parë Bektashian, i cili, me vendimet e tij, konsolidoi më tej organizimin strukturor e përhapjen e këtij besimi të paqtë, deviza e të cilit ka qenë e mbetet që prej tetë shekujsh nga lindja e në vazhdim, “Pa atdhe, nuk ka fe!“.

 

Kongresi i Parë Bektashian, u mbajt në teqenë e Prishtës në Skrapar nga 14 deri 17 janar të vitit 1921, ndërsa përkujtimi i tij në këtë ditë, përkon dhe është pjesë edhe e shumë aktiviteteve të tjera që bëhen në kuadër të “Vitit të Naim Frashërit“ (25 maj 1920-25 maj 1921).

 

Në veprimtarinë përkujtimore, ishin të pranishëm  dhe përshëndetën këtë konferencë:  Presidenti i Republikës SHTZ. Ilir Meta, kryetari i Komunitetit Mysliman të Shqipërisë, Haxhi Bujar Spahiu, përfaqësuesi i Kishës Ortodokse Autoqefale të Shqipërisë, At Nikoll Kodheli, Ipeshkvi Ndihmës i Arqidioqezës së Tiranë-Durrësit Imzot Arjan Dodaj, përfaqësuesi i Vëllazërisë Ungjillore Shqiptare Pastor Ylli Doçi, Drejtori i Muzeut Kombëtar, z.Dorjan Koçi, Drejtori i Përgjithshëm i Arkivave të Shtetit, z.Ardit Bido, studiues, historian…

 

Drejtoria e Përgjithshme e Arkivave mori pjesë nëpërmjet një ekspozite me dokumente dhe fotografi nga shtrirja e këtij besimi deri te funksionimi organizativ i tij.

 

Drejtori i Përgjithshëm i Arkivave Dr. Ardit Bido gjithashtu mbajti një kumtesë për Kongresin e Prishtës nëpërmjet dokumenteve arkivore.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Më shumë

Kisha e Shën Marisë në Bënjë, monument kulture me vlera të veçanta kulturore e historike

Kisha e Shën Marisë në Bënjë të Përmetit,  monument kulture i kategorisë së I-rë, është një objekt me vlera të veçanta, ndërtuar mes viteve 1789 dhe 1891. Sipas Drejtorisë së Kulturës Kombëtare, Gjirokastër, kisha filloi së ndërtuari në 1789 dhe ndërtimet e zbukurimet mbaruan përfundimisht në 1891. Ajo u mbyll në 1967 dhe […]

Përgjaket xhamia në qendër të Tiranës, plagosen me thikë 5 besimtarë

5 besimtarë muslimanë u plagosën sot gjatë një sulmi me thikë nga ana e një 34 vjeçari, Rudolf Nikollaj, në xhaminë Dine Hoxha, në Tiranë. Agresori, u kap nga vetë besimtarët, të cilët më pas e dorëzuan atë në polici. Besimtarët e plagosur u dërguan menjëherë në spital jashtë rrezikut për jetën. Ende nuk […]

I kthehen Kishës Orthodhokse Lipsanet e Shën Joan Vladimirit

Dorëzimi i lipsaneve (eshtrave) të Shën Gjon Vladimirit, Mitropolitit të Elbasanit, Shpatit dhe Librazhdit, Imzot Andonit, në Manastirin që mban emrin e shenjtorit, në Shijon të Elbasanit, ishte një ditë e veçantë për besimtarët orthodhoksë. Ky akt, i shoqëruar me një marrëveshje të nënshkruar nga drejtori i Muzeut Kombëtar, Dorian Koçi dhe Imzot Andoni, […]

80 vjet më parë u dha Autoqefalia e Kishës Ortodokse

Më 12 prill u mbushën 80 vjet nga një ngjarje shumë e rëndësishme për komunitetin Orthodhoks të vendit tonë – dhënia e Autoqefalisë nga Patriarkana Ekumenike. Kjo ngjarje e futi Kishën Orthodhokse Autoqefale të Shqipërisë si të barabartë në familjen e Kishave Orthodhokse. Kryepiskopi Anastas, në studimin “Kisha Orthodhokse Autoqefale e Shqipërisë nga ditët apostolike […]

  • © 2017 Albanian Profile Të gjitha të drejtat e rezervuara