e martë 25 janar 2022
e martë 25 janar 2022

 

Turizmi që sapo doli nga vështirësitë e pandemisë po goditet këtë herë nga mungesa e menaxhimit të mbetjeve. Pas Durrësit edhe Kavaja po përballet me të njëjtin problem. Turistët e huaj e kanë quajtur situatën “masakër”, ndërsa Ministria e Turizmit dhe Mjedisit nuk ka reaguar ende.

 

Në mes të sezonit turistik, zona e njohur si plazhi i Golemit në Kavajë i ka pritur turistët vendas dhe të huaj me erën dhe pamjen e mbeturinave. Mbetjet shoqërojnë të gjitha rrugët që të çojnë drejt detit dhe resorteve me 5 yje në këtë zonë.

 

Disa turistë nga Polonia, e përshkruan vetëm me një fjalë situatën:

 

“Masakra, masakra”.

 

Pushuesit vendas thonë se mbetjet nuk pastrohen prej më shumë se një javë.

 

“Të paktën që një javë që jam unë këtu, kështu janë, pa u hequr. As nuk merret kush me atë punë”, u shpreh një qytetar.

 

“Ku është Blendi Klosi që thotë pastërti në plazhin e Golemit, e në qytet të Kavajës?”, tha një qytetar.

 

“Nuk rrihet kështu. Turpi më i madh, të vijnë turistët këtu, të shohin këto gjëra”, u shpreh një tjetër.

 

E njëjta pamje gjendet edhe brenda lagjeve të Kavajës. Qytetarët dhe bizneset shprehen të shqetësuar për fatin e taksave të tyre.

 

“Ka një kohë të gjatë, nuk e di, unë e kam lagjen andej, po edhe atje te lagjja jonë ashtu është. Ka dy javë që nuk pastrohen. Atje të mbyt era”, u shpreh një qytetare.

 

Për shërbimin e pastrimit në qytet dhe Njësinë Administrative Golem, rezulton se Bashkia Kavajë, ka kontrata aktive me shoqërinë Alko Impex Construction SH.P.K.

 

Ndërkohë prej më shumë se një javë, një nga vend-depozitimet e mbetjeve të Bashkisë Kavajë pranë kodrës së Kazies, vazhdon të digjet.

 

Sipas burimeve të Euronews Albanian, Prokuroria e Kavajës ka regjistruar procedim penal në lidhje me ngjarjen.

 

Dy akuzat që po hetohen janë “shpërdorim detyre” dhe “ndotja e ajrit dhe detit”.

Më shumë

Turizmi, kombinimi mes modelit masiv dhe ekskluziv pati sukses

Intervistë me Arben Çipa, Shoqata e Hotelierëve në Sarandë     Saranda, që pati vitin më të mirë turistik këtë verë, pas një sezoni të dobët të vitin 2020, duket se ka gjetur sekretin për suksesin. Arban Çipa, nga Shoqata e Hotelierëve në Sarandë, shprehet se modeli i kombinuar mes turizmit ekskluziv dhe atij masiv […]

Pashaliman – Orikum: Baza ushtarake, parku arkeologjik, apo të dy? Kjo është çështja!

Vizita turistike në Parkun Arkeologjit të Orikut aktualisht  kalon nëpërmjet portës dhe territorit të Bazës Ushtarake të Pashalimanit. Turistit dhe vizitorit  i duhet që përveç biletës hyrëse, të paraqesë kartën e identitetit dhe në hapësirën rreth një km të bazës ushrarake detyrimisht duhet të shoqërohet nga një punonjës i shërbimit të funksioneve  të tyre: […]

Njerëzit u lidhën dorë më dorë për të shpëtuar pushuesit, çfarë ndodhi në Shëngjin

Një akt heroik kanë kryer sot Vrojtuesit e Plazhit në Shëngjin.   Luçjano Marku dhe Bekris Dragusha me shumë guxim kanë shmangur një tragjedi të vërtetë.   Federata e Vrojtuesve e Shqipërisë thotë se tre pjesëtarë të një familje nga Ferizaj i Kosovës, babai dhe dy vajzat e tij adoleshente kanë rrezikuar jetën.   […]

”Corriere della sera”: Plazhet më të bukura shqiptare, limane të fshehura dhe gjire të virgjëra

Vendi i shqiponjave, me pamje nga Adriatiku dhe Joni, është një destinacion i ri për turizmin veror. Arsyet? Ndodhet afër Italisë, është i pasur me bukuri natyrore dhe ka disa nga plazhet më të bukura në Ballkan, shkruan Francesca Masotti për gazetën më të njohur italiane ”Il corriere della sera” (https://viaggi.corriere.it) Vitet e fundit […]

  • © 2017 Albanian Profile Të gjitha të drejtat e rezervuara