e shtunë 18 shtator 2021
e shtunë 18 shtator 2021

 

Një zëdhënës i talebanëve ka dhënë një intervistë me një femër spikere lajmesh në televizionin privat afgan Tolo, në atë që disa thonë se është një tregues i një qëndrimi pak më të butë ndaj grave.

 

Nën regjimin e mëparshëm taleban të Afganistanit në vitet 1996-2001, gratë rrallë lejoheshin të dilni jashtë shtëpisë. Por pak më herët, Enamullah Samangani, një anëtar i Komisionit Kulturor të talebanëve, sugjeroi që nën një administratë të re talebane, gratë mund të shërbenin edhe në qeveri.

 

“Emirati Islamik nuk dëshiron që gratë të jenë viktima,” tha Samangani. “Ato duhet të jenë në strukturën qeveritare sipas ligjit të Sheriatit.”

 

Ndërkohë, në Kanul gratë me ferexhe organizuan një demonstrim të shkurtër, duke mbajtur parulla ku kërkonin nga talebanët që të mos “i eliminonin gratë” nga jeta publike.

 

UNICEF: Disa talibanë e mbështesin edukimin e grave:

Agjencia për të drejtat e fëmijëve e Kombeve të Bashkuara, UNICEF, thotë se në disa pjesë të Afganistanit përfaqësuesit e talibanëve kanë shprehur mbështetje për edukimin e vajzave dhe grave. Kjo organizatë është duke ofruar ndihmë në shumicën e pjesëve të Afganistanit dhe shpreson shumë për bashkëpunim me përfaqësuesit e talibanëve, tha Mustapha Ben Messaoud, shefi i operacioneve në terren të UNICEF në Afganistan.

 

Ai deklaratat i bëri gjatë një konference të Kombeve të Bashkuara në Gjenevë të martën më 17 gusht.

 

“Kemi diskutime të vazhdueshme dhe jemi mjaft optimistë. Në zyrat që kemi në terren ne nuk kemi asnjë telashe me talibanët”, tha ai.

 

Sipas tij, aktualisht 11 nga 13 zyrat në terren të kësaj organizate janë funksionale.

 

Talibanët e sunduan Afganistanin midis viteve 1996 dhe 2001. Ata nuk i lejuan gratë të punonin, vajzat nuk lejoheshin të ndiqnin shkollën dhe gratë duhej të mbulonin fytyrat dhe të shoqëroheshin nga një i afërm mashkull, nëse donin të dilnin nga shtëpitë e tyre.

 

Sekretari i Përgjithshëm i OKB-së, Antonio Guterres, paralajmëroi të hënën për raportime të shkeljeve të të drejtave të grave pasi talibanët morën kontrollin e Afganistanit pas 20 vjetësh të prezencës së huaj ushtarake atje të udhëhequr nga Shtetet e Bashkuara.

 

UNICEF citoi disa përfaqësues lokalë të talibanëve të kenë thënë se ata ishin duke pritur për udhëzime nga udhëheqësit e tyre për çështjen e edukimit të vajzave, ndërsa të tjerët kanë thënë se duan që shkollat të “funksionojnë”.

 

Një drejtor shëndetësor i talibanëve në provincën Herat u kishte kërkuar punonjësve që të paraqiteshin në vendet e punës, tha Ben Messaoud.

 

Megjithatë UNICEF ende nuk ka krijuar një komunikim të drejtpërdrejtë me udhëheqësit talibanë në kryeqytetin Kabul, shtoi ai.

 

 

 

 

Më shumë

20 vjetori i sulmeve terroriste në SHBA, Biden në kërkim të mbylljes së një epoke

Sulmet e 11 shtatorit 2001 ndodhën brenda një periudhe prej më pak se 102 minutash, duke shkaktuar vdekjen e 2,996 njerëzve në atë ditë. Ky është sulmi më i rëndë terrorist në historinë moderne të Shteteve të Bashkuara.   Sulmet u pasuan nga lufta në Afganistan që zgjati gati 20 vjet, që sipas […]

Senatori amerikan: “Agjencia e Faucit i dha fonde Institutit të Wuhan e financoi studime për Covid-19 në Kinë”

Këshilltari kryesor i Shtëpisë së Bardhë për Covid-19, Anthony Fauci, po përballet me thirrjet për të dhënë dorëheqjen pasi dokumentet e sapo publikuara sugjeruan që agjencia e tij financoi kërkime ‘të rrezikshme’ lidhur me Institutin e Wuhan në Kinë, pavarësisht mohimeve të mëparshme.   Kërkesat për shkarkimin e këshilltarit shëndetësor vijnë pasi Intercept […]

Afganistan: Turqia iu afrohet talibanëve

SHBA janë tërhequr nga Afganistani. Turqia po përpiqet të zerë vendin e amerikanëve si fuqi rajonale, edhe për shkak të interesave të saj. Shumë turq nuk e shohin me sy të mirë afrimin e presidentit Erdogan me talibanët.     Shifrat e Kombeve të Bashkuara e bëjnë të qartë gjendjen dramatike në Afganistan: […]

Talebanët: Kina do të mbajë ambasadën e saj në Kabul

Kina do të mbajë ambasadën e saj në kryeqytetin e Afganistanit, Kabul, theksuan talebanët, raporton Anadolu Agency (AA).   Njoftimi erdhi pasi Abdul Salam Hanafi, zëvendës drejtor i zyrës politike të talebanëve në Doha, Katar, foli në telefon me zëvendësministrin e Jashtëm të Kinës, Wu Jianghao, tha zëdhënësi i talebanëve, Suhail Shaheen.   […]

  • © 2017 Albanian Profile Të gjitha të drejtat e rezervuara