Presidenti Ilir Meta është përplasur me efektivë të policisë në ambientet e Partisë Fryma e re Demokratike. Kreu i shtetit tha se ishte telefonuar nga drejtuesi i kësaj partie Sali Shehu, ndërkohë që policia kishte shkuar në zyrat e FRD-së me një vendim të Bashkisë së Tiranës.
Në shkresën e dërguar 10 ditë më parë e që mban datën 3 mars, kreut të FRD-së Sali Shehu i kërkohet që të lirojë ambientet brenda 10 ditëve, për shkak të nevojës që ka për rikonstruksion godina nga amortizimi. Sipas bashkisë së Tiranës këto ambiente do t’i kalojnë për zyra stafit dhe njësisë administrative.
Por drejtues të FRD-së dhe presidenti Ilir Meta nuk e lejuar policinë të bënte detyrën, duke shkaktuar tension e përplasje.
“Dilni përjashta ose do ju çoj në burg me duart e mia”.
Pas përplasjes kreu i shtetit ashpërsoi më shumë tonet duke e cilësuar veprimin e policisë përpjekje për grusht shteti.
“E konsideroj përpjekje për të realizuar grusht shteti, sepse t’i sjellësh një partie zyrtare, opozitare, menjëherë pasi nënshkruan një marrëveshje me PD-në dhe partitë e opozitës për të marrë pjesë në zgjedhje t’i sjellësh një shkresë të tillë pa vulë, pa numër protokolli, e bërë me vrap për të dhunuar fizikisht dhe psikologjikisht çdo forcë opozitare, duke keqpërdorur bashkinë bandë padyshim që është tepër irrutuese.”
Gjuhën e ashpërsoi jo vetëm me kryebashkiakun Veliaj por edhe vetë opozitën.
“I bëj thirrje të gjithë opozitës që të zgjohet dhe të mos lejojë më asnjë prekje të rregullave të garës. Do të jetë vonë edhe për të jo vetëm për qytetarët në rast se do të tolerojë partinë bandë. Po i paralajmëroj edhe një herë policinë bashkiake dhe policinë e shtetit. Të mos përfundoni si policët e Mubarakut nën këpucët e popullit shqiptar”.
Por Bashkia e Tiranës reagoi duke sqaruar arsyen se përse e kishte marrë këtë vendim. Sipas saj ligji “Për partitë politike”, neni 22, pika b, thotë se “partitë parlamentare pajisen me ndërtesë për selinë e tyre qendrore dhe zyra vendore. Këtë të drejtë e ka edhe partia politike, mesatarja e votave të së cilës në tri zgjedhjet e fundit parlamentare ka qenë mbi 1 për qind në shkallë vendi.”
FRD-ja nuk plotëson asnjë prej parashikimeve ligjore të mësipërme dhe për këto arsye ajo nuk mund të mbajë në mënyrë të kundërligjshme ambientet në pronësi të Bashkisë Tiranë.
Fryma e re Demokratike është njoftuar njësoj si të gjitha partitë e tjera, të cilat nuk kanë përfaqësi në Parlament për të liruar mjediset publike në pronësi të Bashkisë së Tiranës. Kjo ka ndodhur me herët me parti si PDS e Paskal Milos apo parti të tjera, që nuk plotësojnë kushtin e ligjit për partitë politike.
Më shumë
-
Basha në Kuvend, Berisha në referendum, kundër njëri tjetrit
-
Berisha sfidon Bashën; hyn me të vetët në selinë e PD-së
-
Kuvendi i Berishës, shkarkon Bashën
-
Çarja e PD/ Basha mbush sallën Anti-Foltore, Berisha: Kuvendi i 11 Dhjetorit në Air Albania
-
Dy kuvendet e PD, si po përgatiten strukturat për 11 dhe 18 dhjetorin
-
“O Sali o hero, Amerika ty të do!”/ Shpërthejnë demokratët në New Jersey. Berisha: U shpalla non-grata prej lobimit të Soros dhe Ramës
“Non-grata”, Berisha shkon me ‘Foltoren’ në SHBA
Të dielën e 5 dhjetorit ora 12:00 me orën lokale, do të zhvillohet ‘Foltorja’ e ish-kryeministrit Sali Berisha me shqiptarët e Amerikës. Njoftimin e ka bërë publik lideri historik i PD përmes një postimi në Facebook. Organizimi është bërë nga diaspora shqiptare në SHBA. Takimi do të zhvillohet me video-konferencë njësoj sikur të […]
Dekriminalizim e dorëheqje, si mbetën 6 bashki pa kryetar
Vënia nën akuzë nga SPAK i kryebashkiakut të Mallakastrës, Qerim Ismailaj, dhe mënyra se si do t’i rrjedhë përballja me drejtësinë për akuzën e “falsifikimit”, nuk e përjashton mundësinë e ndërprerjes së mandatit të tij. Por nga ana tjetër, në vend janë gjashtë bashki të cilat nuk e kanë një kryetar të […]
Shtyhet ngritja e komisionit të reformës zgjedhore
Miratimi i komisionit të posaçëm të reformës zgjedhore është tërhequr nga seanca e sotme në Kuvendin e Shqipërisë. Vendimi ka ardhur pas kërkesës së kreut të grupit parlamentar të Partisë Demokratike, Alfred Rushaj. Kjo për faktin se palët ende nuk janë dakordësuar për objektin e komisionit të posaçëm të reformës zgjedhore. […]
Kuvendi i Shqipërisë ratifikon konventën me Izraelin për shmangien e taksimit të dyfishtë
Kuvendi i Shqipërisë ratifikon konventën me Izraelin për shmangien e taksimit të dyfishtë. Ministrja e Financave Delina Ibrahimaj ka prezantuar në Kuvend projektligjin që do të votohet ditën e sotme mbi konventën e nënshkruar mes Shqipërisë dhe Izraelit. Sipas saj kjo konventë do të bëjë që çdo shtetas apo biznes që zhvillon […]
- © 2017 Albanian Profile Të gjitha të drejtat e rezervuara