e diel 16 maj 2021
e diel 16 maj 2021

 

 

Mandatari për formimin e Qeverisë së re të Malit të Zi, Zdravko Krivokapiç, paraqiti propozimin përfundimtar të përbërjes së kabinetit qeveritar.

 

Zëvendëskryeministër do të jetë Dritan Abazoviç, udhëheqësi i Aksionit të Reformës së Bashkuar (URA), dhe i koalicionit “E zeza në të bardhë”.

 

Ministre e Mbrojtjes është propozuar Olivera Injac, profesoreshë e çështjeve të sigurisë. Në pozitën e ministrit të Brendshëm, Sergej Sekuloviç, ndërsa për atë të punëve të Jashtme, Gjorgje Raduloviç.

 

Millojko Spaiç është emëruar për ministër të Financave dhe Mirëqenies Sociale, ndërsa në qeverinë e re do të bashkohen katër resore: i arsimit, shkencës, kulturës dhe sporteve, për udhëheqjen e kësaj ministrie është emëruar, Vesna Bratiç.

 

Sipas propozimit të Krivokapiçit, ministre e Shëndetësisë duhet të jetë Jelena Boroviniç Bojoviç, ministër i Zhvillimit Ekonomik Jakov Milatoviç, ministër i Investimeve Kapitale, Mladen Bojaniç, ministre e Administratës Publike, Shoqërisë Dixhitale dhe Media, Tamara Srzentiç.

 

Ministri i Ekologjisë, Urbanizmit dhe Planifikimit Hapësinor duhet të jetë Ratko Mitroviç, Ministri i Bujqësisë, Pylltarisë dhe Menaxhimit të Ujërave Aleksandar Stijoviç dhe Ministri i Drejtësisë dhe të Drejtave të Pakicave Vladimir Leposaviç.

 

Krivokapiç tha se negociatori kryesor me BE-në do të emërohet rreth datës 15 dhjetor.

 

Për përbërjen e re të qeverisë së Malit te Zi parlamenti do të votojë më 2 dhjetor.

 

“Nëse për katër vjet arrijmë të realizojmë paktën 50 për qind të asaj që kemi planifikuar, ne do t’i afrohemi mjaftueshëm një cilësie ndryshe të jetësës”, tha Krivokapiç në një konferencë për media, duke shtuar se kjo është një qeveri e ekspertëve dhe se gjëja më e rëndësishme tani është që ata të fillojnë punën.

 

Në 8 tetor, presidenti malazes Millo Gjukanoviç emëroi Krivokapiçin si mandatar për formimin e qeverisë, pasi opozita fitoi zgjedhjet e 30 gushtit.

 

Pas tre dekadash, Partia Demokratike e Socialistëve (DPS) e Gjukanoviçit, u largua nga pushteti dhe një shumicë e re në parlament tani përbehet nga tre koalicione: “Për Ardhmërinë e Malit të Zi”, “Paqja është kombi ynë” dhe koalicioni “E zeza në të bardhë”.

 

Më shumë

Mali i Zi, gjykata rrëzon dënimet për 2 rusë të akuzuar për përfshirje në puçin e dështuar

Një gjykatë malazeze të premten rrëzoi dënimet ndaj dy rusëve dhe 11 personave të tjerë që akuzoheshin për pjesëmarrje në një përpjekje për grusht shteti kundër qeverisë pro-perëndimore në vitin 2016 dhe urdhëroi hapjen e një procesi të ri gjyqësor ndaj tyre.   Gjykata e Apelit tha se vendimi i vitit 2019 ishte […]

Vdes kreu i Kishës Ortodokse Serbe në Mal të Zi, ishte prekur nga Covid-19

Kreu i Kishës Ortodokse Serbe në Mal të Zi, mitropoliti Amfilohije, vdiq mëngjesin e së premtes.   Lajmi u konfirmua nga Kisha, e cila tha se Amfilohije, 82 vjeç, vdiq në Qendrën Klinike të Malit të Zi në Podgoricë.   Udhëheqësja e Klinikës së Pulmologjisë në këtë spital, Jellena Boroviniq Bojoviq, tha pas mesnatës […]

Abazoviç refuzon postet e ofruara nga qeveria e re në Mal të Zi, kërkon më shumë

I mandatuari për krijimin e qeverisë së re në Mal të Zi, Zdravko Krivokapic, raportohet t’i ketë ofruar nëntë ministri dhe pozitën e zëvendëskryeministrit, Frontit Demokratik.   Po ashtu, tre ministri dhe postin e zëvendëskryeministrit i është ofruar koalicionit, “Bardh e Zi”, i cili kryesohet nga politikani shqiptar, Dritan Abazoviçi   Sipas raportimeve, koalicionet […]

Kryekomunari i Tuzit u zgjodh deputet, jep dorëheqjen për të mbajtur qytetin

Nik Gjeloshaj në zgjedhjet e fundit parlamentare të Malit të Zi u zgjodh deputet si përfaqësues i “Listës Shqiptare”.   Gjeloshaj përveç mandatit të deputetit mbante dhe postin e kryetarit të Komunës së Tuzit.   I gjetur përballë dilemës për të vendosur se cilën detyrë do të pranonte, ai ka zgjedhur të heqë dorë […]

  • © 2017 Albanian Profile Të gjitha të drejtat e rezervuara