e hënë 16 maj 2022
e hënë 16 maj 2022

 

 

Qindra veta protestuan në Podgoricë para qeverisë së Malit të Zi, kundër siç u tha, dhunës policore dhe vendimit të autoriteteve për të regjistruar Manastirin e Cetinës si pronë të Kishës Ortodokse Serbe.

 

Organizatorët e protestës thanë se zëvendës kryeministrit të Malit të Zi, Dritan Abazoviq, do t’i dorëzohen dëshmitë për dhunën e ushtruar nga policia e shtetit me 5 shtator, gjatë shugurimit të kryepeshkopit të Kishës Ortodokse Serbe në Mal të Zi.

 

Veprimtari për të drejtat e njeriut, Aleksandar Sasha Zekoviç, tha se policia ka përdorur dhe po përdorë në mënyrë të paligjshme mjete të dhunës kundër qytetarëve që janë vënë në mbrojtje të identitetit të tyre malazez.

 

Ndërsa duke kundërshtuar vendimin për regjistrimin e Manastirit të Cetinës si pronë të Kishës Ortodokse Serbe, zoti Zekoviç tha se ai manastir ka jo vetëm rëndësi fetare, por edhe shtet ndërtuese dhe është simbol i trashëgimisë kulturore për të gjithë qytetarët e Malit të Zi.

 

“Ne po u themi atyre që do të formojnë ose mbështesin qeverinë e re se vendimi i Administratës së Kadastrës dhe Pronës Shtetërore duhet të tërhiqet menjëherë. Nëse kjo ndodhë, do të krijohet një pikënisje për vendosjen e besimit dhe dialogut. Një qeveri që bëhet kërcënim për të drejtat e njeriu, është e dënuar”, tha zoti Zekoviç.

 

Veprimtarja e shoqërisë civile, Jelena Markoviç, tha se gjatë shugurimit të kryepeshkopit të Kishës Ortodokse Serbe në Cetinë, policia kishte shkelur të drejtat e qytetarëve.

 

“Jo vetëm që ne u sjellim atyre dëshmi, por dëshmi të shumta erdhën këtu, njerëz të gjallë, qytetarë me identitet të plotë. Ata erdhën për të dëshmuar për brutalitetin policor vetëm sepse nuk pajtohen me politikën e asimilimit”, tha ajo.

 

Protestuesit brohoritën “Kjo nuk është Serbi”, “Tradhtarët poshtë”, “Malazezët nuk i duan zinxhirët” etj, ndërsa ndezën pishtarë dhe kënduan himnin malazez. Në mesin e protestueseve ishte Mitropoliti i Kishës Autoqefale të Malit të Zi, Mihailo.

 

Mali i Zi u pavarësua në vitin 2006, por kisha e tij nuk u bë autonome dhe mbeti nën Kishën Ortodokse Serbe, që për shumëkënd është një simbol i ndikimit serb.

 

Çështja e pronësisë së Kishës Ortodokse Serbe ka shkaktuar tensione të shumta gjatë viteve të fundit në Mal të Zi.

Ligji për Liritë fetare, i miratuar në kohën kur në pushtet ishte Partia Demokrate e Socialistëve e presidentit Milo Gjukanoviç, kërkonte nga Kisha Ortodokse Serbe të dëshmojë për pronat përgjatë viteve të kaluara.

 

Qeveria e re e dalë nga zgjedhjet e gushtit të vitit 2020 e ndryshoi Ligjin duke ia njohur të drejtën e pronës kishës serbe, e cila selinë e ka në Beograd.

 

Mali i Zi është anëtar i NATO-s dhe aspiron që të bëhet anëtar i Bashkimit Evropian.

 

Më shumë

Lira në rënie drastike, të huajt dynden për të blerë banesa në Turqi

Shitjet e banesave në Turqi për të huajt u rritën me 48.4% në një nivel rekord në nëntor, sipas shifrave zyrtare të publikuara sot, pasi një rënie e lirës turke bëri që blerjet të jenë dukshëm më të lira për ata që blejnë me valutë “të fortë”.   Tregu i pasurive të paluajtshme […]

BIRN hap ekspozitën në nder të gazetarëve të vrarë në luftërat në Ballkan

  Rrjeti Ballkanik i Gazetarisë Investigative do të hapë një ekspozitë dhe do të botojë një libër që përkujton gazetarët dhe punonjësit e medias që u vranë gjatë dhe menjëherë pas shpërbërjes së përgjakshme të Jugosllavisë.     Një ekspozitë e BIRN, e titulluar “Last Despatches”, do të hapet në Sarajevë më 14 dhjetor […]

Maqedoni e Veriut: Alternativa bëhet pjesë e koalicionit qeveritar

Partia opozitare Alternativa është bërë pjesë e koalicionit qeveritar në RMV. Kryeministri Zoran Zaev dhe kryetari i Alternativës Afrim Gashi kanë nënshkruar marveshjen 9 pikëshe për hyrjen e Alternativës në Qeveri.     Kryeministri i Maqedonisë së Veriut, Zoran Zaev tha se kjo marrëveshje paraqet një qëndrueshmëri politike për të hapur negociatat me BE-në, […]

Kosovë-Serbi: Normalizim i marrëdhënieve apo bllokim?

Kosova dhe Serbia në javën e fundit ashpërsuan retorikën politike me akuza dhe kundërakuza dhe ndaluan vizitat e ndërsjella të zyrtarëve qeveritarë, duke bërë kështu që të reagojë edhe Bashkimi Evropian. Autoritetet e Prishtinës i ndaluan hyrjen në Kosovë kreut të Zyrës për Kosovën në Qeverinë e Serbisë, Petar Petkoviç, njëherësh edhe drejtues i […]

  • © 2017 Albanian Profile Të gjitha të drejtat e rezervuara