e premte 30 korrik 2021
e premte 30 korrik 2021

 

Presidenti rus, Vladimir Putin ka gjithnjë me vete instrumentet e nevojshme të komunikimit, përfshirë ata strategjikë, kudo që ai ndodhet. Këtë e ka pohuar zëdhënësi i Kremlinit, Dimitri Peskov, kur u pyet nëse Putini kishte me vete valixhen e tij bërthamore, gjatë fundjavës së kaluar në Siberi, bashkë me ministrin e tij të mbrojtjes. Për pushimin e shkurtër, është shpërndarë nga vetë Kremlini një reportazh i gjatë. Presidenti rus, Vladimir Putin, gjatë disa ditësh pushim në Siberi, i shoqëruar edhe nga ministri i mbrojtjes Sergei Shoigu, ka drejtuar një automjet që përshkon të gjitha llojet e terreneve, mes pyjeve të dendur dhe kaloi madje edhe një urë të varur. Dhe pamjet janë shpërndarë nga vetë Kremlini.

Jo rrallë presidenti Putin shfaqet në televizionin shtetëror rus ndërsa merr pjesë në aventura të ndryshme në natyrë dhe duket qartë se ai synon të ndërtojë imazhin e një lideri të shëndetshëm dhe të fuqishëm, të aftë të udhëheqë vendin edhe për shumë vite në vijim.

Eksplorimet e tij me gjoks të zhveshur, kanë ngulitur tek shumëkush imazhin e 68 vjeçarit Putin si një model i formës së shkëlqyer fizike. Videot e fundit të shpërndara nga Kremlini, me presidentin me një lloj traktori të fuqishëm, e tregonin atë teksa çante përmes borës dhe një pylli të dendur.

Putin dhe Shoigu, shihen teksa ecin mes borës që mbërrin deri në gju dhe kalojnë një urë të varur në litarë mbi një lum të ngrirë. Më herët gjatë viteve, kemi parë Putinin ndërsa peshkon, drejton një skaf të fuqishëm apo që merr rreze dielli. Ndërsa fraza Valixhja bërthamore, e theksuar nga Moska, duket se është pjesë e strategjisë diplomatike të saj kundër SHBA.

Tensionet u acaruan së fundmi pas refuzimit të Biden për një takim me Putinin e pasi ai e kishte quajtur këtë të fundit, vrasës.

 

Më shumë

Bush: Tërheqja e trupave nga Afganistani, e gabuar

Ish-Presidenti i Shteteve të Bashkuara, George W. Bush, i cili mori vendimin për të dërguar trupat amerikane në Afganistan në vitin 2001 për të luftuar al-Kaidën pas sulmeve të 11 shtatorit, thotë se mendon se është e gabuar që trupat amerikane të tërhiqen tani ndërsa kryengritësit talebanë marrin kontrollin e një pjese gjithnjë […]

Tërheqja amerikane nga Afganistani, vendet e rajonit rrisin angazhimin diplomatik

Ndërsa tërheqja ushtarake Amerikane nga Afganistani është afër përfundimit, vendet e rajonit po shtojnë përpjekjet diplomatike që synojnë të ushtrojnë trysni mbi fraksionet afgane për të rifilluar bisedimet e bllokuara të paqes, të ndërmjetësuara nga Shtetet e Bashkuara, dhe për të parandaluar rrëshqitjen e vendin në një luftë të plotë civile.   Frika […]

Monstra e Kaspikut – Avioni sovjetik që duhej të kërcënonte perëndimin

Ekranoplani ka qenë gjatë Luftës së Ftohtë kërcënimi luftarak më serioz i sovjetikëve. Sot atraksion turistik.      

Talibanët marrin nën kontroll vendkalimin kryesor kufitar me Iranin

Zyrtarët afganë kanë njoftuar se talibanët kanë marrë nën kontroll një vendkalim të madh kufitar midis Afganistanit dhe Iranit.   Disa pamje të publikuara kanë treguar sesi forcat e talibanëve e heqin flamurin afgan nga çatia e zyrës doganore kufitare.   Vendkalimi kufitar – Islam Qala – është një nga pikat doganore më […]

  • © 2017 Albanian Profile Të gjitha të drejtat e rezervuara