e hënë 19 prill 2021
e hënë 19 prill 2021

 

Kryeministri i Libanit, Hassan Diab, ka njoftuar të hënën për dorëheqjen e qeverisë që i takon atij, pas shpërthimit që ka ndodhur në Bejrut më 4 gusht, duke lënë të vdekur mbi 200 persona.

Përgjatë fjalimit të tij, ai ka thënë se u bashkohet thirrjeve të popullsisë për të mbajtur përgjegjës ata që kanë nxitur “këtë krim”.

Deri më tani, tre ministra kanë dhënë dorëheqje, ndërkohë që ka pasur thirrje për largim të tërë kabinetit qeveritar.

Shumë persona kanë akuzuar liderët e Libanit për këtë shpërthim, i cili besohet të ketë ndodhur si pasojë e neglizhencës dhe korrupsionit.

Presidenti dhe kryeministri kanë thënë se shpërthimi ka qenë rezultat i ndezjes së 2,750 tonëve të nitratit të amonit, i cili është ruajtur në mënyrë të pasigurt për gjashtë vjet në portin e Bejrutit.

Përgjatë fundjavës, protestuesit kundër qeverisë kanë hyrë në ndërtesat e disa ministrive dhe janë përleshur me policinë.

Ky shtet ka qenë duke u përballur me probleme të thella financiare edhe para shpërthimit, meqë shumë familje është thënë se përballen me uri dhe varfëri.

Disa agjenci të Kombeve të Bashkuara kanë paralajmëruar për krizë humanitare nëse ushqimi dhe kujdesi shëndetësor nuk sigurohen shpejt.

Donatorët ndërkombëtarë janë zotuar për dhënie të 297 milionë dollarëve si ndihmë për Libanin, përmes një samiti virtual të organizuar nga presidenti francez, Emmanuel Macron.

Më shumë

Mbërrijnë në Greqi turistët e parë nga Izraeli, secili me çertifikata vaksinimi

Një nga fluturimet e para me turistë nga Izraeli, mbërriti pak para orës 11 të mëngjesit në Greqi. Turistët nga Tel Aviv kishin në duar çertifikatën e vaksinimit, e cila u lejon atyre të fillojnë pushimet menjëherë, pa karantinë.   Sipas Presidentes së Komisionit, Ursula von der Leyen, çertifikata dixhitale e gjelbër është një […]

Provokimi i ri i Kremlinit – Putin ka gjithnjë me vete valixhen bërthamore

Presidenti rus, Vladimir Putin ka gjithnjë me vete instrumentet e nevojshme të komunikimit, përfshirë ata strategjikë, kudo që ai ndodhet. Këtë e ka pohuar zëdhënësi i Kremlinit, Dimitri Peskov, kur u pyet nëse Putini kishte me vete valixhen e tij bërthamore, gjatë fundjavës së kaluar në Siberi, bashkë me ministrin e tij të mbrojtjes. […]

A është mirë presidenti? Joe Biden pengohet disa herë në shkallët e avionit , Air Force One

Në një video të fundit të presidentit amerikan Joe Biden shihet ky i fundit teksa pengohet në shkallët e avionit Air Force One.   Ai është parë të pengohet disa herë duke ngjitur shkallët e avionit të premten.   Presidenti 78-vjeçar pavarësisht incidentit, u ngrit, por përsëri u pengua për herë të dytë […]

Takim i tensionuar SHBA-Kinë në Alaskë

Administrata e Presidentit Biden filloi të enjten bisedimet e para të nivelit të lartë në prani fizike me Kinën rivale, duke thënë se veprimet kineze kërcënojnë rendin global të bazuar në rregulla dhe duke u zotuar se Uashingtoni do të mbështesë miqtë e tij.   “Ne nuk kërkojmë konflikt, por ne e mirëpresim konkurrencën […]

  • © 2017 Albanian Profile Të gjitha të drejtat e rezervuara