e premte 28 janar 2022
e premte 28 janar 2022

 

 

Një hetim i pavarur ka ngarkuar me përgjegjësi për vrasjen e gazetares Daphne Caruana Galizia qeverinë malteze.

 

Hetimi tha se autoritetet malteze kishin krijuar një “kulturë mosndëshkimi” që çoi në vrasjen e gazetares.

 

Caruana Galizia u vra me një bombë teksa po udhëtonte me makinë në tetor 2017. Ajo dyshohej se po hetonte korrupsionin në një biznes të lidhur me një sipërmarrësin e majmë, Yorgen Fenech.

 

Fenech – i cili ka pasur lidhje të afërta me qeverinë – është akuzuar si organizatori i dyshuar i vrasjes. Ai ka mohuar çdo përgjegjësi.

 

Të enjten, një komision hetimor tha se megjithëse qeveria e Maltës nuk luajti një rol të drejtpërdrejtë, ajo nuk kishte arritur ta mbronte gazetaren Caruana Galizia nga kërcënimet me jetë.

 

Raporti tha gjithashtu se vrasja e saj ishte e lidhur qartë me punën që bënte, ndërsa theksohet se “kultura e mosndëshkimit” u rrit ndjeshëm në periudhën para vitit 2017 duke çuar në “zbehjen e sundimit të ligjit”.

 

Pas trysnisë së fortë nga Bashkimi Evropian, hetimi publik për vrasjen e gazetares Galizia nisi në qershor të vitit 2019 dhe gjatë kësaj periudhe u kryen 93 seanca dëgjimi ekspertësh dhe dëshmitarësh. Rezultatet u njoftuan sot nga kryeministri i Maltës Robert Abela përmes një postimi në Twitter.

 

Për vrasjen e Galizias gjykatat kanë dënuar me 15 vite burg një person, ndërsa dy të tjerë, të cilët akuzohen se vunë bombën në makinë, janë ende në gjykim.

 

Ish-kryeministri Joseph Muscat u dërhoq në janar 2020 pasi biznesmeni Fenech u arrestua dhe vendi u përfshi nga protestat. Sidoqoftë Muscat nuk është akuzuar asnjëherë për asgjë në lidhje me çështjen.

 

Përmes një postimi në Facebook, Muscat u përpoq të distanconte qeverinë e tij nga etiketimi në raport si “qeveri që promovoi pandëshkueshmërinë”. Ai tha se arrestimi i të dyshuarve pak muaj pas vrasjes dëshmon të kundërtën.

 

 

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara