e diel 5 dhjetor 2021
e diel 5 dhjetor 2021

 

Kryetari i Aleancës për Ardhmërinë e Kosovës (AAK), Ramush Haradinaj, ka qenë sot në Pejë, ku dhe ka mbajtur një takim me drejtuesit e OVL të UÇK-së në Dukagjin.

 

“Vizitën e sotme në Pejë, e përmbylla me takimin me drejtuesit e OVL të UÇK-së në Dukagjin, bashkëluftëtarë të mi në Z.O. të Dukagjinit gjatë Luftës Çlirimtare”, ka shkruar Haradinaj.

 

Ish-kryeministri i Kosovës i është rikthyer sërish idesë për mbajtjen e referendumit për bashkim me Shqipërinë, nëse Kosova do vijojë të mbetet e bllokuar në rrugën e saj euroatlantike.

 

“I falënderova për punën e tyre në rindërtimin e vendit dhe angazhimin e vazhdueshëm në ruajtjen dhe kultivimin e vlerave të luftës. Fola për rëndësinë e Kosovës në NATO dhe mundësisë së referendumit për bashkim me Shqipërinë, nëse vendi jonë mbetet i bllokuar edhe në vitet e ardhshme”, shtoi ai.

 

Ai shtoi se lista e kandidatëve për deputetë e Aleancës për 14 shkurtin, përfshin edhe udhëheqës të luftës, luftëtarë e familjarë të dëshmorëve.

 

Më tej z. Haradinaj ka shkruar se tani është koha për të marrë vendime të guximshme për të ardhmen e Kosovës dhe qytatarëve të saj.

 

“Tani është koha për vendime të guximshme për vendin, ekonominë dhe sigurinë e tij. Koha për unitet e bashkim në tejkalimin e krizës dhe ecjen përpara”, shtoi ai.

 

 

 

Deklarata e Haradinajt për bashkim të Kosovës me Shqipërinë, Ministria e Jashtme ruse: Provokim i radhës

Ministria e Jashtme e Rusisë ka reaguar pas deklaratës së disa ditëve më parë të kreut të Ardhmërisë për Kosovën, Ramush Haradinaj se nëse Kosova nuk pranohet sa më shpejt në Bashkimin Evropian dhe organizatat ndërkombëtare, do të kërkonte referendum për bashkim me Shqipërinë.

Në faqen e vet zyrtare, Ministria e Jashtme ruse e cilëson këtë deklaratë një provokim të radhës që kërcënon drejtpërdrejt integritetin territorial të shteteve të Ballkanit.

“Këtu po bëhet fjalë për një provokim të radhës, të implikuar në ideologjinë e Shqipërisë së Madhe, e cila kohët e fundit ka përparuar gjithnjë e më intensivisht në rajon dhe kërcënon drejtpërdrejt integritetin territorial të shteteve të Ballkanit.

Shantazhi politik është i papranueshëm dhe pikërisht kështu duhet të interpretohet fjalimi i R. Haradinajit, i cili me lehtësi propozon të rishikojë në mënyrë arbitrare kufijtë në Ballkan”, thuhet në deklaratën e Ministrisë së Jashtme ruse.

Në një deklaratë gjatë takimit me mbështetës të tij, kandidati për president të Kosovës, Ramush Haradinaj tha se nëse pas 4-5 vitesh Kosova nuk është në NATO, nuk janë liberalizuar vizat, nuk është njohur nga 5 vendet e BE dhe nuk është anëtarësuar në OKB, do të kërkonte referendum për bashkim me Shqipërinë.

Menjëherë pas kësaj deklarate reagoi edhe presidenti i Serbisë, Aleksandër Vuçiç i cili u shpreh se Serbia do të ketë “një përgjigje adekuate”, në rast të një referendumi për bashkim nga shqiptarët.

Më shumë

Albin Kurti: Sipas kushtetutës së Kosovës nuk mund të ketë asociacion mbi baza etnike, pikë!

Kryeministri i Kosovës flet në një intervistë ekskluzive për DW për Asociacionin e Komunave Serbe, rrezikun e bosnjëzimit të Kosovës, dialogun me Serbinë dhe për “Open Balkan” ndaj të cilit është kategorisht kundër.     DW: Zoti Kurti, ju keni disa muaj në qeveri si kryeministër i Kosovës me një mandat të fituar me […]

Kosova shpall persona të padëshiruar dy zyrtarë rusë

Në Kosovë, ministria e Punëve të Jashtme ka shpallur persona të padëshiruar dy zyrtarë të Zyrës Ndërlidhëse të Federatës Ruse që punojnë në këtë vend. Lajmi u njoftua në median sociale nga Presidentja e Kosovës Vjosa Osmani, e cila më herët tha se i kishte kërkuar ministrisë së Jashtme t’i shpallte këta persona si të […]

Zgjedhjet lokale në Kosovë; më shumë se gjysma e komunave shkojnë në balotazh, bie Vetëvendosja

Rezultatet paraprake të zgjedhjeve komunale të së dielës në Kosovë, tregojnë se në 21 nga 38 komunat e vendit do të ketë një raund të ri zgjedhjesh, meqë asnjëri nga kandidatët nuk ka siguruar votat e mjaftueshme për t’u zgjedhur në raundin e parë.   Lëvizja Vetëvendosja e Albin Kurtit që udhëheq qeverinë, […]

Festivali “Mirëdita, Dobar dan” në Prishtinë, debat për marrëdhëniet Kosovë – Serbi

Përfaqësues të shoqërisë civile të Kosovës dhe Serbisë thanë se qytetarët e të dyja vendeve nuk duhet të presin vetëm nismat e elitave politike për normalizimin e marrëdhënieve, por kjo duhet të jetë pjesë e angazhimit më të gjerë.     Këto komente u bënë gjatë një debati në Prishtinë me temën “Cila […]

  • © 2017 Albanian Profile Të gjitha të drejtat e rezervuara