e diel 17 tetor 2021
e diel 17 tetor 2021

 

 

Kryeministri i Kosovës, Albin Kurti, tha se nuk merr merr pjesë në takimin e 11 majit të paralajmëruar nga shefi i diplomacisë evropiane Josep Borrel, që do të shënonte rifillimin e dialogut Kosovë-Serbi.

 

Këtë deklaratë kryeministri i Kosovës e bëri nga Brukseli ku po qëndron për vizitë dy ditore dhe po zhvillon takime me krerët më të lartë të BE-së.

 

“Unë nuk mund të marr pjesë në takim për të cilin nuk e kam konfirmuar paraprakisht pjesëmarrjen, ajo që mund t’ju konfirmoj është që do të vij në Bruksel për një drekë ose darkë pune të organizuar nga Komisioneri Borrell, nga mesi i muajit maj, ku do të bëjnë pjesë liderët e Ballkanit Perëndimor. Vizita që e kemi këtu dy ditë është në kuadër të marrëdhënieve tona bilaterale, që na nevojiten edhe më shumë marrëdhëniet e tilla të forcuara dhe takimet e tilla të rajonit para se të fillojmë kapitullin e ri të dialogut që duhet të jetë i përgatitur mirë edhe me parime pasi nuk e kemi komoditetin për dështime të reja”, tha Kurti.

 

Shefi i diplomacisë evropiane, Josep Borrell, më 26 prill, pas një takimi që zhvilloi me Presidentin e Serbisë Aleksander Vuciq, tha se dialogu ndërmjet Kosovës dhe Serbisë, do të vazhdojë më 11 maj.

 

Nga ana tjetër, Presidenti i Serbisë Aleksandër Vuçiq, tha se se ai s’ka problem nëse Albin Kurti nuk merr pjesë në takimin e 11 majit në Bruksel. “Jam ftuar për këtë takim me 11 maj dhe do të shkojë në dialog më 11 maj nëse do të mbahet. Nëse thonë se nuk mbahet, edhe më mirë, do të bëjë diçka të mirë në vend të kësaj e do të kem më pak probleme atë ditë”, citon Presidentin  Vuҫiq mediumi serb Tanjug.

 

Non-paper e pranueshme

 

Kryeministri i Kosovës Albin Kurti, nga Brukseli foli edhe për dokumentin “non-paper”, të publikuar ditët e fundit në medie, për zgjidhjen e mundshme të çështjes ndërmjet Kosovës dhe Serbisë, ku përmendet edhe mundësia e ndryshimit të kufijve në Ballkanin Perëndimor.

 

“Unë besoj që të gjithë këtyre dokumenteve ‘non-papers’  është më së miri t’u përgjigjemi me no comment, sepse përmes përgjigjeve po përpiqen të marrin jetë në kohë që nuk dihet autori dhe synimet, por pasojat nuk mund të jenë të mira. Nuk mund të lejojmë as ringjalljen e projekteve të dështuara për shkëmbim territorial dhe as bosnjëzimin e Kosovës”, tha Albin Kurti.

 

Kurse Presidenti i Serbisë Aleksandër Vuciq, tha se “me paraqitjen e non-paper-it po shtohet presioni ndaj Serbisë. “Kjo paraqitje e non-paperit do të thotë se presionet ndaj Serbisë do të rriten dhe se ne po u afrohemi presioneve përfundimtare në të cilat duhet të arrihet një zgjidhje, ose duhet gjetur një fajtor”, tha Vuciq në Novi Sad dhe shtoi: “Më lejoni t’ju them menjëherë se ajo që është shkruar në të nuk do të ndodhë, njohja nuk është e pranueshme për Serbinë.”

 

Kryeministri i Kosovës Albin Kurti do ta vazhdojë vizitën në Bruksel me takime të merkurën në darkë me të ngarkuarin e BE-së për dialogun Kosovë-Serbi Mirosllav Lajqak, ndërsa të enjten me Presidenten e Komisionit Evropian Ursula von der Leyen dhe me Përfaqësuesin e lartë për Politikën e Jashtme dhe të Sigurisë të BE-së, Josep Borrell.

 

Më shumë

Në pritje të zbatimit të marrëveshjes për krizën në veriun e Kosovës

Anëtarë të Partisë Socialdemokrate vendosën në makinat e qeverisë së Kosovës letra ngjitëse me targa që duken si ato të lëshuara nga Serbia për makinat e serbëve të Kosovës në shenjë pakënaqësie me marrëveshjen e një ditë më parë të arritur në Bruksel, për shtensionimin e situatës në veriun e vendit.   Sipas marrëveshjes […]

Përgjaket fushata e zgjedhjeve vendore në Kosovë, dy politikanë të PDK-së vrasin njëri-tjetrin!

Policia e Kosovës bëri të ditur se dy persona kanë humbur jetën në një incident me armë zjarri në qytetin e Pejës, rreth 85 kilometra në perëndim të Prishtinës.   Policia tha se si pasojë e të shtënave tre persona janë plagosur dhe janë dërguar në spitalin Rajonal në Pejë. “Nga ekipi mjekësor […]

Fantazi serbe për largimin e SHBA nga Kosova

Tërheqja e trupave amerikane nga Afganistani ka shkaktuar satisfaksion të hapur në Serbi, ku ndërkohë disa politikanë fantazojnë për një largim të ngjashëm të trupave amerikane edhe nga Kosova, shkruan “Die Presse”.     Prej javësh gjendja kaotike në Afganistan pas marrjes rrufeshëm të pushtetit nga talibanët është në fokus të mediave botërore. Shumë […]

Kosovë: Shumë kandidatë për zgjedhjet lokale me probleme ligjore

Të paktën 160 kandidatë nga 30 subjekte politike nuk mund të garojnë në zgjedhjet lokale të 17 tetorit. Sipas KQZ ka edhe kandidatë për kryetarë të komunave që kanë probleme me ligjin.   Jo të gjithë kandidatët për asambletë komunale dhe ata për kryetar komunash që duan të garojnë për zgjedhjet lokale të 17 […]

  • © 2017 Albanian Profile Të gjitha të drejtat e rezervuara