Rritet çmimi i mishit të qenve dhe maceve, njerëzit mendojnë se lufton koronavirusin. Çfarë thotë veterinerja

Çmimi i mishit të qenve dhe maceve është rritur në Vietnam dhe Kambodia që prej shpërthimit të koronavirusit.

Disa veterinerë po i thonë njerëzve se mishi mund të largojë virusin duke sjellë një numër të madh kërkesash, thotë një fondacion kafshësh, raporton noa.al duke cituar të përditshmen britanike “The Sun”.

Një hetim tregon se kërkesa është aq e madhe sa restorantet po ofrojnë pjata me mish qeni ose maceje për ta shpërndarë nëpër shtëpi.

Kathrine Polak, një veterinere e hedh poshtë këtë teori duke thënë se ngrënia e mishit të qenit dhe maces rrit rrezikun e përhapjes së sëmundjes.

“Kushtet johigjienike që lidhen me tregun e mishit të maceve dhe qenve, e shoqëruar me rrezikun e kontaminimit pasi ka shumë kafshë të ndryshme që kanë qëndruar mbyllur ose janë vrarë pranë njëri-tjetrit mund të paraqesin shumim të sëmundjeve të reja dhe vdekeprurëse si Covid-19”, thotë ajo.

Fondacioni i ka bërë thirrje qeverive që të mbyllin marketet e kafshëve që konsiderohen si “bomba me sahat”.

Thuhet se kryeqyteti i Kambodias, Phnom Penh ka 110 restorante që shërbejnë mish qeni, të cilat lidhen me rastet e sëmundjes së kolerës dhe trikinelës.