e shtunë 16 janar 2021
e shtunë 16 janar 2021

 

Nga 1 janari i këtij viti, paga minimale për efekt të llogaritjes së sigurimeve shoqërore është rritur në 30 mijë lekë, nga 26 mijë lekë që ishte më parë, kujton revista e specializuar ekonomike Monitor.

Vendimi është zyrtarizuar në 16 dhjetor 2020, ku sipas Këshillit të Ministrave “Paga bazë minimale mujore, për punonjësit, në shkallë vendi, që është e detyrueshme të zbatohet nga çdo person, juridik a fizik, vendas ose i huaj, të jetë 30 000 (tridhjetë mijë) lekë”.

Pas rritjes së pagës minimale, pritet që të rritet edhe ajo maksimale për efekt të pagimit të sigurimeve shoqërore. Vendimi nuk është marrë akoma, por sipas burimeve nga Ministria e Financave, paga maksimale pritet të rritet me 15%. Një rritje e tillë do ta çonte pagën maksimale nga 114.7 mijë lekë, që është sot, në rreth 131 mijë lekë.

Si rritja e pagës minimale, ashtu dhe ajo maksimale do të sjellin një shtim të taksave që do të duhet të paguajnë të punësuarit në vend.

Sipas të dhënave zyrtare nga INSTAT, me pagë minimale paguhen rreth 180 mijë të punësuar në vend, ose rreth 27% e totalit të të punësuarve kontribuues në vend. Për këta punonjës pagesa e sigurimeve do të rritet me rreth 1,100 lekë në muaj, (13.3 mijë lekë në vit). Ministria e Financave ka llogaritur në projektbuxhetin 2021 se efekti i rritjes së pagës minimale në buxhet do të jetë rreth 3 miliardë lekë, ose rreth 24 milionë euro, një pjesë e të cilave paguhet nga të punësuarit dhe një pjesë nga punëdhënësit.

Rritja e pagës minimale prek më pak të punësuar. Në total, ka 660 mijë të punësuar me kontribute në vend, nga të cilët rreth 74% janë të sektorin privat jo bujqësor. Nga totali i të punësuarve, rreth 30 mijë persona (ose 4.5% e totalit) marrin paga mbi 120 mijë lekë. Për këta persona do të paguhet (nga punëdhënësi dhe punëmarrësi) maksimumi 4,500 lekë më shumë çdo muaj (54 mijë lekë ne vit) ose në total 1.2-1.6 miliardë lekë më shumë (rreth 10-13 milionë euro) për vitin 2021.

Si rrjedhojë, nga rritja e pagës minimale dhe maksimale në 2021, punëdhënësit dhe punëmarrësit do të paguajnë në total rreth 37 milionë euro më shumë taksa mbi pagën. Monitor

Më shumë

Eksportet shqiptare me vendet e CEFTA-s shënuan rritje me 14%

Eksportet shqiptare me vendet e CEFTA-s shënuan rritje me 14% në vitin 2019, ndërsa rritje me 4% shënuan edhe importet drejt vendit tonë.   Ministrja e Financave dhe Ekonomisë, Anila Denaj bëri të ditur se së bashku me vendet e rajonit, Shqipëria ka marrë masa për të bërë më të lehtë tregtinë mes vendeve, […]

Autostrada Milot-Fier, me koncesion, do t’u kushtojë taksapaguesve 2.5 herë më shumë se bypass i Tiranës me fondet e donatorëve dhe rrugët e tjera rajonale

Taksapaguesit shqiptarë do të duhet të paguajnë shumë më shtrenjtë projektet e reja rrugore, që janë përzgjedhur të jepen me koncesion, ndërkohë vendi ka mundësinë që në kuadër të axhendës së ndërlidhjes së Ballkanit të përfitojë nga grantet e Bashkimit Europian (BE) dhe kreditë e buta nga institucionet financiare ndërkombëtare.   Shembujt më të […]

Kredia për individët në rritje

Kredia për individët ka njohur rritjen më të lartë të një viti në fund të muajit tetor.  Pas një stepje të bankave për shkak të karantinës për të financuar blerjet e shtëpive, huaja për këtë kategori ka njohur një rritje të shpejtë.   Sipas të dhënave të Bankës së Shqipërisë, që nga muaji prill, […]

  • © 2017 Albanian Profile Të gjitha të drejtat e rezervuara