e diel 28 shkurt 2021
e diel 28 shkurt 2021

 

 

Mijëra rusë janë ndaluar në gjithë Rusinë, pas protestave në të cilat është bërë thirrje për lirim të liderit opozitar Aleksei Navalny, ndërkohë që policia ka tentuar të shtypë dhunshëm ato që janë konsideruar protestat më të mëdha kundër qeverisë në vjetët e fundit në këtë vend.

 

Navalny është burgosur fundjavën e kaluar teksa ka arritur në Moskë nga Gjermania.

 

Në shtetin gjerman, Navalny është trajtuar pas helmimit me agjentin nervor, Noviçok.

 

Ende nuk është bërë e qartë se çfarë efekti do të kenë protestat e 23 janarit për Qeverinë e presidentit rus, Vladimir Putin, i cili vazhdon të ketë mbështetje nga populli.

 

Në ndryshimet kushtetuese të bëra vitin e kaluar, Putinit i është mundësuar që potencialisht të qëndrojë në pushtet deri më 2036.

 

Mirëpo dalja e dhjetëra mijëra personave në protestë nga Moska dhe Vladivostok, ka treguar për interesimin e popullit për fushatën e Navalnyt kundër korrupsionit.

 

Deri më 24 janar, gati 3,300 persona janë raportuar të ndaluar në gjithë shtetin, bazuar në të dhënat e grupit vëzhgues, OVD-Info.

 

Pothuajse gjysma e ndalimeve është kryer në Moskë, duke përfshirë gruan e Navalnyt, Yulia, dhe njërën prej aleateve të tij më të afërta, Lybov Sobol, e cili është tërhequr zvarrë nga policia, teksa ka qenë duke folur me gazetarët.

 

Pamjet e protestave me prezencë të madhe policore janë dënuar nga Uashingtoni dhe Moska.

 

Ndalimi i Navalnyt dhe shtypja ndaj mbështetësve të tij, japin “shenja shqetësuese për kufizime shtesë ndaj shoqërisë civile dhe lirive themelore”, ka thënë zëdhënësi i Departamentit amerikan të Shtetit, Ned Price.

 

Shefi i Bashkimit Evropian për Politikë të Jashtme, Josep Borrell ka folur me keqardhje për “ndalimet” dhe “përdorimin e joproporcional të dhunës”.

 

Ministrat e Jashtëm të bllokut evropian do të diskutojnë “hapat e ardhshëm” më 25 janar, ka thënë ai në një postim në Twitter.

 

Këto deklarata kanë nxitur reagime nga Ministria e Jashtme ruse, e cila ka pretenduar se Shtetet e Bashkuara kanë ndihmuar në nxitjen e protestave.

 

 

Më shumë

Biden mban qëndrim të ashpër ndaj Turqisë

Administrata e presidentit të Shteteve të Bashkuara, Joe Biden po mban një qëndrim të ashpër ndaj Turqisë për shkak të blerjes së sistemit raketor rus.   Biden nuk e ka ndryshuar qëndrimin e administratës së paraardhësit të tij, Donald Trump për këtë çështje.   “Pozicioni ynë nuk ka ndryshuar. Ne i bëjmë thirrje Turqisë […]

Një bombardues amerikan ka fluturuar mbi Gjirin Persik

Shtetet e Bashkuara njoftuan se një bombardues B-52 ka kryer një fluturim mbi Gjirin Persik si shenjë e demonstrimit të fuqisë dhe “parandalimit të një agresioni të mundshëm”. Njoftimi i ushtrisë amerikane vjen në kohën e tensioneve në rritje me Iranin dhe frikës se shkaku i tyre mund të vie deri te ndonjë sulm […]

G7 kërkon lirimin e menjëhershëm të Navalnyt

Vendet e grupit G7 e quajtën të “motivuar politikisht” burgosjen e kritikut të Kremlinit, Aleksei Navalny dhe kundërshtuan “shtypjen e dhunshme” të protestuesve pro-Navalny nga ana e Rusisë.   Përmes një deklarate të përbashkët, ministrat e jashtëm të Shteteve të Bashkuara, Kanadasë, Francës, Gjermanisë, Italisë, Japonisë dhe Mbretërisë së Bashkuar kërkuan “lirimin e menjëhershëm […]

Forumi i Davosit – Presidenti i Kinës Xi Jinping, i bën thirrje komunitetit ndërkombëtar për bashkim

Presidenti i Kinës Xi Jinping mori pjesë në Ngjarjen Virtuale të Forumit Ekonomik Botëror (WEF) të Axhendës së Davosit dhe mbajti një fjalim të posaçëm të hënën në Pekin përmes lidhjes me video.   “Pandemia është larg përfundimit. Ringjallja e fundit e rasteve të epidemisë na kujton se duhet të vazhdojmë luftën,” tha […]

  • © 2017 Albanian Profile Të gjitha të drejtat e rezervuara