e hënë 1 mars 2021
e hënë 1 mars 2021

 

Rusia ka autorizuar ministrinë e saj të Mbrojtjes që të hapë një zyrë në Serbi, raportoi agjencia e lajmeve Reuters duke ju referuar një dokumenti qeveritar, ndërsa po përpiqet të zgjerojë lidhjet ushtarake me aleatin e saj tradicional në Ballkan, ndonëse Beogradi kërkon të anëtarësohet në Bashkimin Evropian.

 

Muajin e kaluar Serbia pezulloi stërvitjet ushtarake më trupat e huaja për gjashtë muajsh, duke theksuar se është vënë nën trysninë e Bashkimit Evropian që të tërhiqet nga stërvitjet e përbashkëta me Rusnë dhe Bjellorusinë.

 

Urdhri i qeverisë ruse për hapjen e zyrës në Serbi që daton nga 15 tetori dhe është nënshkruar nga kryeministri rus, Mikhail Mishustin, parasheh që shefi i zyrës së propozuar do të ndihmojë në zgjidhjen e çështjeve ushtarake dhe teknike, në kuadër të bashkëpunimit ruso-serb, raporton voa.

 

Marrëveshja, pasi të jetë nënshkruar nga të dyja palët, do t’i jepte zyrtarit rus në Serbi të drejtën për të vizituar divizionet serbe që përdorin armë dhe pajisje ushtarake ruse, pasi të ketë bërë njoftim paraprak dhe të ketë marrë pëlqimin.

 

Në një deklaratë të shkurtër të martën, ministria e mbrojtjes e Serbisë tha se “një procedurë ligjore që i paraprin përfundimit të marrëveshjes” tashmë ishte nisur.

 

Serbia, ushtria e së cilës përdor kryesisht teknologjinë ish sovjetike të armatimeve, ka blerë avionë ushtarak MiG-29 si dhe helikopterë Mi-35, tanke T-72 dhe transportues të blinduar nga Rusia përgjatë viteve të fundit.

 

Më 10 tetor, në një shfaqje të fuqisë së ripërtërirë ushtarake, Serbia zhvilloi një stërvitje të madhe duke demonstruar përdorimin e armëve të prodhuara nga Rusia, përfshirë sistemin kundërajror Pantsir. Ajo përdori gjithashtu dronë ushtarak të blerë kohët e fundit nga Kina.

 

Serbia po përpiqet të balancojë ambicien e saj për t’u integruar në BE me lidhjet tradicionale me Rusinë dhe Kinën, të cilat mbështesin refuzimin e saj për të njohur pavarësinë e Kosovës.

 

Rusia, po përpiqet të mbajë Serbinë brenda sferës së saj të ndikimit gjeopolitik dhe hapja e zyrës së ministrisë së Mbrojtjes është një sinjal i qëllimit të Moskës.

 

Më shumë

Biden mban qëndrim të ashpër ndaj Turqisë

Administrata e presidentit të Shteteve të Bashkuara, Joe Biden po mban një qëndrim të ashpër ndaj Turqisë për shkak të blerjes së sistemit raketor rus.   Biden nuk e ka ndryshuar qëndrimin e administratës së paraardhësit të tij, Donald Trump për këtë çështje.   “Pozicioni ynë nuk ka ndryshuar. Ne i bëjmë thirrje Turqisë […]

Një bombardues amerikan ka fluturuar mbi Gjirin Persik

Shtetet e Bashkuara njoftuan se një bombardues B-52 ka kryer një fluturim mbi Gjirin Persik si shenjë e demonstrimit të fuqisë dhe “parandalimit të një agresioni të mundshëm”. Njoftimi i ushtrisë amerikane vjen në kohën e tensioneve në rritje me Iranin dhe frikës se shkaku i tyre mund të vie deri te ndonjë sulm […]

G7 kërkon lirimin e menjëhershëm të Navalnyt

Vendet e grupit G7 e quajtën të “motivuar politikisht” burgosjen e kritikut të Kremlinit, Aleksei Navalny dhe kundërshtuan “shtypjen e dhunshme” të protestuesve pro-Navalny nga ana e Rusisë.   Përmes një deklarate të përbashkët, ministrat e jashtëm të Shteteve të Bashkuara, Kanadasë, Francës, Gjermanisë, Italisë, Japonisë dhe Mbretërisë së Bashkuar kërkuan “lirimin e menjëhershëm […]

Forumi i Davosit – Presidenti i Kinës Xi Jinping, i bën thirrje komunitetit ndërkombëtar për bashkim

Presidenti i Kinës Xi Jinping mori pjesë në Ngjarjen Virtuale të Forumit Ekonomik Botëror (WEF) të Axhendës së Davosit dhe mbajti një fjalim të posaçëm të hënën në Pekin përmes lidhjes me video.   “Pandemia është larg përfundimit. Ringjallja e fundit e rasteve të epidemisë na kujton se duhet të vazhdojmë luftën,” tha […]

  • © 2017 Albanian Profile Të gjitha të drejtat e rezervuara