e premte 22 tetor 2021
e premte 22 tetor 2021

 

 

Ministria e Jashtme Ruse ka reaguar pas deklaratës së kryeministrit Rama për bashkimin e Shqipërisë me Kosovën.

 

Përmes zëdhënëses, Ministria e Jashtme e konsideron të papranueshme deklaratën e kryeministrit Rama dhe thotë se promovimi i planeve për krijimin e një Shqipërie të madhe minon stabilitetin në rajon.

 

“Deklarata e kryeministrit shqiptar, Edi Rama, në lidhje me bashkimin e Shqipërisë me Kosovën na duket tërësisht e papranueshme. Të nxitësh plane për të krijuar Shqipërinë e Madhe, do të thotë t’i kundërvihesh rezolutës të Këshillit të Sigurimit të Kombeve të Bashkuara, 1244, dhe kërcënon stabilitetin në rajon”, tha zëdhënsja Maria Zakharova.

 

 

Deklaratat e kryeministrit Rama cilësohen nga Rusia si “të gabuara”, që sipas saj shkojnë kundër nismës së “Open Balkan”.

 

“Kjo lloj deklarate e pavend nuk i qëndron kontekstit të përpjekjeve të përbashkëta të Beogradit dhe Tiranës për të krijuar një treg të përbashkët nën nismën rajonale të Ballkanit të Hapur, e zhvilluar në bashkëpunim me Shkupin”, thuhet më tej.

 

Dy ditë më parë, në një intervistë televizive, kryeministri Rama deklaroi se bashkimi i Shqipërisë dhe Kosovës është në aspirata e tij, por jo të jetë në krye të saj.

 

Më shumë

Pas vizitës në Uashington, Yuri Kim takon Lulzim Bashën

Ambasadorja e SHBA-ve në Shqipëri, Yuri Kim, e sapokthyer nga Uashingtoni, zhvilloi sot një takim me kryetarin e Partisë Demokratike, Lulzim Basha.   Pas takimit me zotin Basha, ambasadorja Kim deklaroi se SHBA është e gatshme për të bashkëpunuar me PD, dhe e di që PD-ja ndodhet në një pozitë të vështirë reformimi, […]

LSI pa grup parlamentar, PD nuk i vjen në ndihmë

Rezultati i dobët në zgjedhjet e 25 Prillit, me vetëm 4 mandate, nga 19 deputetë që siguroi në 2017-ën, i kushtoi Lëvizjes socialiste për integrim, pamundësinë për të krijuar një grup parlamentar. Partia Demokratike, duket se nuk u ofrua ta ndihmonte aleaten e saj kryesore në 4 vitet e shkuara, duke shënuar në […]

Zbutet Meta, dekreton Ramën Kryeministër

Presidenti Ilir Meta para zgjedhjeve të 25 prillit ka deklarur se nuk do t’ia japë fimrën për kryeministër Edi Ramës, edhe nëse ky i fundit merr mandatin e tretë, pa cënuar zgjedhjet e lira. Por sot Ilir Meta ka ndryshuar qëndrim, është zbutur dhe ka hedhur firmën për Ramën si kryeministër në mandatin e […]

Presidenti Meta i shtrin dorën e bashkëpunimit Kryetares së re të Parlamentit

Presidenti Ilir Meta në një reagim pas votimit të Lindita Nikollës si Kryetare e Kuvendit, i shprehu kësaj të fundit urimet dhe e cilësoi ditën e sotme si fundin e dy viteve më të errëta të historisë parlamentare në vendin tonë.   “Urime Kryetares të zgjedhur sot nga Kuvendi i ri i konstituar i […]

  • © 2017 Albanian Profile Të gjitha të drejtat e rezervuara