e diel 16 maj 2021
e diel 16 maj 2021

 

 

Ministri rus i Mbrojtjes urdhëroi të enjten trupat të kthehen në bazat e tyre të përhershme nisur nga dita e premte, pas stërvitjeve masive në Krime që përfshinë dhjetëra anije të marinës, avionë luftarakë dhe mijëra trupa, në një shfaqje të forcës mes tensioneve me Ukrainën.

 

Sipas asaj që raporton agjencia e lajmeve, Associated Press, pasi vëzhgoi stërvitjet ministri rus i Mbrojtjes, Sergei Shoigu deklaroi se ato kishin mbaruar dhe urdhëroi ushtrinë të tërhiqte trupat që morën pjesë në manovrat në Krime dhe Rusinë perëndimore përsëri në bazat e tyre të përhershme.

 

“Unë i konsideroj të përmbushura qëllimet e kontrollit të shpejtë të gatishmërisë. Trupat kanë treguar aftësinë e tyre mbrojtëse dhe unë vendosa të përfundoj stërvitjet ushtarake në jug dhe perëndim”, citohet të ketë thënë ministri rus i Mbrojtjes, Sergei Shoigu.

 

Sipas deklaratës së zotit Shoigu trupat duhet të kthehen në bazat e tyre deri më 1 maj. Por disa armatime të rënda do të qëndrojnë të pozicionuara në Rusinë perëndimore, pasi sipas tij një tjetër stërvitje masive ushtarake do të zhvillohet gjatë këtij viti.

 

Ushtria ruse nuk e ka raportuar numrin e trupave shtesë që janë zhvendosur në Krime dhe pjesë të Rusisë jugperëndimore, pranë Ukrainës dhe nuk ishte menjëherë e qartë nga deklarata e ministrit Shoigu nëse të gjitha trupat tani do të tërhiqen.

 

SHBA dhe NATO kanë thënë se grumbullimi i trupave ruse pranë Ukrainës ishte më i madhi që nga viti 2014, kur Rusia aneksoi Krimenë.

 

Ministria ruse e Mbrojtjes tha se manovrat në Krime përfshinin më shumë se 60 anije, mbi 10 mijë trupa, rreth 200 avionë dhe rreth 1200 automjete ushtarake.

 

Presidenti i Ukrainës, Volodymyr Zelenskiy përshëndeti vendimin e Moskës për tërheqjen e trupave në kufi, por tha se Kievi do të qëndrojë vigjilent.

 

“Reduktimi i trupave në kufirin tonë në mënyrë proporcionale zvogëlon tensionin”, shkruajti në rrjetin social Twitter zoti Zelenskiy. VOA

 

Më shumë

Parisi, kryeqyteti i mbeturinave

Parisi kryeqyteti i dashurisë tanimë është shndërruar në atë të mbeturinave. Ditët e fundit qeset e mëdha me mbeturina kanë pushtuar vendin. Hashtag-u “qeskat e Parisit” u bë virale gjatë Pashkëve, ku shumica e qytetarëve akuzonin organet drejtuese të bashkisë për shkatërrimin e kryeqytetit. Ata u ankuan për mbeturina të pa mbledhura, trotuare të […]

Stoltenberg: BE nuk mund t’a mbrojë Evropën e vetme

Sekretari i përgjithshëm i NATO-s, Jens Stoltenberg, paralajmëroi kundër përpjekjeve “për të ndarë Evropën nga Amerika Veriore” dhe tha se Bashkimi Evropian “nuk mund t’a mbrojë kontinentin i vetëm”, përballë kërcënimit të terrorizmit dhe “sjelljes destabilizuese” të Rusisë.   “Çdo përpjekje për të ndarë Evropën nga Amerika Veriore jo vetëm që do ta […]

Mafia italiane tashmë synon miliardat evropiane që Italia do të marr për rimëkëmbjen

Organizatat kriminale ashtu si homologët e tyre legjitimë kanë vuajtur pasojat e krizës ekonomike të shkaktuar nga pandemia. Por mafia italiane ka hedhur bazat për rimëkëmbjen e madhe ekonomike që pritet të ndodhë përmes fondeve evropiane. Vitin e kaluar, kur vendet u bllokuan, mafia filloi të infiltronte kompanitë që kishin nevojë më shumë se […]

Ministri gjerman i Punëve të Jashtme, Maas: Jo ndryshimit të kufijve në Ballkan

Ministri gjerman i Punëve të Jashtme: Diskutimet për ndryshimin apo zhvendosjen e kufijve në Ballkan nuk na çojnë përpara.   Ministria gjermane e Punëve të Jashtme po zhvillon gjatë tre muajve të parë të vitit një sërë takimesh virtuale dhe fizike me kolegë nga Ballkani Perëndimor. Të martën ministri gjerman i Punëve të […]

  • © 2017 Albanian Profile Të gjitha të drejtat e rezervuara