e enjte 27 janar 2022
e enjte 27 janar 2022

 

Në momentet kur Bashkimi Europian po përballet me një sërë dilemash e sfidash, liderët më të pushtetshëm të tij rikonfirmuan unitetin e Unionit. BE thekson rëndësinë e bashkëpunimit me Aleancën e Atlantikut të Veriut.

 

Në ditën e parë të samitit të BE-së në Brdo afër Kranjës në Slloveni u dhanë mesazhe të forta nga krerët më të lartë.

 

“Ne duhet të dëgjojmë njëri-tjetrin para se të forcojmë unitetin tonë, pasi qasja jonë e përbashkët është ADN-ja e Bashkimit Europian” – deklaroi për gazetarët presidenti i Këshillit Europian, Charles Michel.

 

Ai vuri theksin gjithashtu tek rëndësia e bashkëpunimit me Aleancën e Atlantikut të Veriut.

 

“Duke qenë në të njëjtën linjë me partnerët dhe aleatët tanë, një çështje shumë e rëndësishme që do të diskutojmë është një deklaratë e përbashkët mes nesh dhe NATO-s. Do të punojmë rreth saj dhe gjatë darkës informale do të shkëmbejmë këndvështrimet tona” – tha Michel para darkës informale mes krerëve të BE-së.

 

Marrëdhëniet e trazuara me SHBA-në për shkak të mosmarrëveshjeve me Francën për aleancën AUKUS në Paqësorin Jugor ishin interesi i gazetarëve në pyetjen drejtuar liderit francez Emmanuel Macron. Ai u pyet nëse presidenti i SHBA-së Biden do ta kuptojë tashmë rëndësinë e Francës si aleat.

 

“Do ta shohim, por unë u besoj vetëm fakteve. Shpresoj dhe besoj se është e dukshme dhe më frytdhënëse për të dyja vendet që të diskutojmë bashkarisht gjatë G20 dhe besoj se ky është rasti i duhur për të parë se si mund të riangazhohemi. Kjo nuk është çështje fjalësh dhe perceptimesh por ka të bëjë me faktin se çfarë mund të bëjmë bashkë.

 

Kancelarja gjermane Angela Merkel iu bashkua samitit të Brdo-s, duke u shfaqur fillimisht vetëm në momentet e fotografisë së përbashkët protokollare.

 

Në ditën e dytë të takimit (06.10) në qendër të bisedimeve pritet të jetë perspektiva e anëtarësimit të vendeve të Ballkanit Perëndimor në Bashkimin Europian.

 

Samiti i Brdos do të ketë në fokus të ardhmen e rajonit, por pritet të diskutohen një sërë temash me interes ndërkombëtar si: marrëdhënia me Kinën, situata e pasigurt në Afganistan, marrëdhëniet e trazuara me SHBA-në për shkak të mosmarrëveshjeve me Francën për aleancën AUKUS në Paqësorin Jugor dhe rritja e çmimeve të gazit.

 

Më shumë

Merkeli më e preferuar se Macroni për të drejtuar Evropën

Mijëra qytetarë të BE e vlerësojnë Gjermaninë si përfaqësuese të besueshme të interesave të tyre. Evropianët, madje edhe francezët do ta preferonin Merkelin si lidere përpara presidentit Macron, shkruan Auron Dodi. Kandidatët për kancelarë në zgjedhjet parlamentare këtë vit në Gjermani mund të ëndërrojnë për kuotat e mbështetjes të kancelares Merkel. Në fund të […]

Konfuzion në lidhje me hyrjen e personave të vaksinuar në BE

Rregullat e hyrjes në BE për njerëzit e vaksinuar janë të pakuptueshme, sepse çdo shtet anëtar bën të vetën. Nevojë për sqarim ka edhe për Ballkanin.   Çertifikata e vaksinimit e BE që hyri në fuqi zyrtarisht në 1 korrik është një dokument, i cili supozohet se lehtëson udhëtimet brenda BE. Por atë mund […]

Francezët ndëshkojnë Macron, partia e presidentit pikiatë në zgjedhjet rajonale!

Francezët mbështeten konservatorët në raundin e parë të zgjedhjeve rajonale duke i nxjerrë ata fitues me votën e tyre, e duke renditur në vend të pestë partinë e presidentit Emmanuel Macron.   Konservatorët e shohin kështu shumë më real shansin për ta përmbysur Macronin vitin që vjen. Partia e ish presidentit, Sarkozy, Les Republicans […]

Cila do të jetë politika e jashtme gjermane nën një kancelar Armin Laschet?

Konservatori Laschet dëshiron ta zhvillojë Evropën me një bërthamë shtetesh vullnetare, të orientuara te Gjermania dhe Franca. Ai ka për ushtrinë, Kinën e Rusinë pikëpamje të ndryshme nga Të Gjelbrit, shkruan Auron Dodi. Fjalimi programatik i Armin Lashetit, kryetarit të partisë së kancelares Merkel, CDU dhe kandidatit për kancelar të CDU/CSU-së i drejtohej si […]

  • © 2017 Albanian Profile Të gjitha të drejtat e rezervuara