e diel 17 tetor 2021
e diel 17 tetor 2021

 

Gjermania është angazhuar si pjesë e një marrëveshjeje me Uashingtonin të ndërmarrë veprime të nivelit kombëtar dhe për të bërë presion, përfshirë sanksione në nivelin evropian, nëse Rusia përdor energjinë si armë në marrëdhëniet me vendet e tjera, tha të mërkurën një zyrtar i lartë Departamentit të Shtetit.

Shtetet e Bashkuara nuk hynë në detaje lidhur me marrëveshjen për gazsjellësin Nord Stream 2 lidhur me hapat që do të marrë, në mënyrë që të mos “i jepte Rusisë informacione që mund ta ndihmonin atë t’u shmangej këtyre masave”, u tha zyrtari gazetarëve, në kushte anonimiteti.

Ministri i Jashtëm gjerman Heiko Maas mirëpriti marrëveshjen e nënshkruar midis vendit të tij dhe Shteteve të Bashkuara mbi gazsjellësn që Uashingtoni e kishte kundërshtuar prej kohësh.

“Jam i lehtësuar që kemi gjetur një zgjidhje konstruktive në lidhje me Nord Stream 2 me Shtetet e Bashkuara,” shkroi ai në Twitter.

“Ne do të ndihmojmë Ukrainën të ndërtojë një sektor energjie të gjelbër dhe do të bëjmë përpjekje për të siguruar tranzit gazi përmes Ukrainës në dekadën e ardhshme,” shtoi ai.

Ndërkohë Ministri i Jashtëm i Ukrainës, Dmytro Kuleba tha se Kievi ka filluar zyrtarisht konsultimet me Bashkimin Evropian dhe Gjermaninë për gazsjellësin Nord Stream 2, që sipas Ukrainës kërcënon sigurinë e vendit dhe shkel parimin e BE-së për diversifikimin e energjisë.

Marrëveshja synon të lehtësojë ato që kritikët i shohin si rreziqet strategjike të gazjellësit me vlerë 11 miliardë dollarë, që tani është 98% i kompletuar dhe po ndërtohet nën Detin Baltik për të transportuar gaz nga rajoni Arktik i Rusisë në Gjermani.

SHBA ka qenë kundër këtij gazsjellësi që e lejon Rusinë të eksportojë gaz direkt në Gjermani dhe të bllokojë vendet e tjera, por administrata e zotit Biden ka zgjedhur të mos përpiqet ta neutralizojë atë plotësisht me sanksione.

Ajo ka negociuar një marrëveshje me Gjermaninë që synon t’i imponojë Rusisë kosto për ta parandaluar atë nga përdorimi i gazsjellësit për të dëmtuar Ukrainën ose vendet e tjera në rajon.

 

Ukraina dhe anëtarësimi në NATO

 

Të mërkurën kreu i kompanisë shtetërore të energjisë së Ukrainës “Naftogaz” Yuriy Vitrenko tha se Kievit duhet t’i ofrohet anëtarësimi në NATO për të garantuar siguri ndërsa Rusia po përdor gazsjellësin Nord Stream 2 si një armë gjeopolitike.

Komentet zoti Vitrenko i bëri pak përpara se Gjermania dhe Shtetet e Bashkuara të bënin publike një marrëveshje ku parashikohen pasojat për Rusinë nëse e përdor projektin prej 11 miliardë dollarësh, për të dëmtuar Ukrainën ose vendet e tjera të Evropës Lindore.

Gjatë një telefonate me video ndërsa ndodhet për një vizite në Uashington, zoti Vitrenko tha se Presidenti rus Vladimir Putin “po e përdor tashmë gazin si një armë gjeopolitike kundër Ukrainës dhe të gjithë rajonit”.

Meqenëse shqetësimet tona lidhen mbi të gjitha me sigurinë, anëtarësimi në NATO me siguri do t’i jepte zgjidhje këtij shqetësimi të lidhur me sigurinë“, tha ai.

Më shumë

Princ William, mesazh për miliarderët: Në vend që të udhëtoni në hapësirë, shpëtojeni Tokën

Së fundmi BBC ka publikuar një intervistë të zhvilluar me Princ William. Në intervistë, William ka dhënë një mesazh për të gjithë miliarderët që udhëtojnë në hapësirë. Duka i Cambridge  është shprehur se mendjet e mëdha duhet të mendojnë se si t’i zgjidhin problemet në planetin Tokë, në vend që të udhëtojnë në hapësirë […]

Gratë afgane protestojnë për rikthimin e të drejtave të tyre në arsim dhe punësim

Një grup i grave në Afganistan protestuan për rikthimin e të drejtave të tyre për arsim dhe punësim të cilat janë kufizuar pasi talebanët morën administrimin e vendit, raporton Anadolu Agency (AA).   Rreth 15 gra u mblodhën në parkun Shahr-e Naw që ndodhet në qendër të Kabulit dhe hodhën slogane duke mbajtur në […]

Talebanët i kërkojnë Uashingtonit të zhbllokojë rezervat e Bankës Qendrore të Afganistanit

Talebanët i kërkuan Uashingtonit të shtunën që të lirojnë rezervat e bllokuara të bankës qendrore të Afganistanit, gjatë një takimi me një delegacion amerikan në Katar, dialogu i parë ballë për ballë në një nivel të lartë që kur grupi islamik mori kontrollin e vendit pas tërheqjes së Shteteve të Bashkuara në fund […]

Xi Jinping në 110-vjetorin e Revolucionit: Kina do të “arrijë ribashkimin” me Tajvanin

Presidenti kinez Xi Jinping tha të shtunën se Revolucioni i vitit 1911 hapi rrugën për ndryshimet e thella shoqërore që kanë ndodhur në Kinën moderne.   Xi, gjithashtu sekretar i përgjithshëm i Komitetit Qendror të Partisë Komuniste të Kinës dhe kryetar i Komisionit Qendror Ushtarak, i tha këto në një konferencë në Pekin me […]

  • © 2017 Albanian Profile Të gjitha të drejtat e rezervuara