e diel 17 tetor 2021
e diel 17 tetor 2021

 

Trupat amerikane dhe të NATO-s kanë filluar të tërhiqen nga Afganistani, thanë Shtëpia e Bardhë dhe disa zyrtarë të aleancës më 29 prill.

 

Sipas CNN, më pak se 100 trupa, së bashku me pajisjet ushtarake, janë zhvendosur kryesisht përmes aeroplanëve. Edhe NATO-ja ka filluar tërheqjen e misionit të saj nga Afganistani, i tha agjencisë AFP një zyrtar i NATO-s.

 

“Ky do të jetë një proces i rregullt, i koordinuar dhe i qëllimshëm”, tha ai.

 

Anëtarët e aleancës së mbështetur nga SHBA-ja ranë dakord këtë muaj për të përfunduar misionin e tyre me 9.600 njerëz në Afganistan, pasi presidenti amerikan, Joe Biden bëri thirrje për t’i dhënë fund luftës më të gjatë të Uashingtonit.

 

Zyrtarë të lartë afganë thonë se talibanët po përdorin forcë në përpjekje për të fituar territor derisa trupat e huaja po tërhiqen. Talibanët kanë zhvilluar një kryengritje dy dekadëshe që kur u dëbuan nga pushteti nga trupat e udhëhequra nga SHBA-ja më 2001.

 

Administrata e ish-presidentit amerikan, Donald Trump, pati arritur një marrëveshje me talibanët për tërheqje të trupave të huaja në këmbim të garancive se nuk do të lejojnë që Afganistani të bëhet strehë e grupeve terroriste si dhe të pranojnë negociatat e paqes me qeverinë afgane.

 

Zyrtari i NATO-s tha se siguria e trupave të aleancës “do të jetë një përparësi kryesore në çdo hap të rrugës” dhe se po marrin të gjitha masat e nevojshme për të siguruar personelin.

 

“Çdo sulm i talibanëve gjatë tërheqjes do të ketë një përgjigje të fuqishme. Ne planifikojmë që tërheqja jonë të përfundojë brenda disa muajsh”, tha zyrtari.

 

Presidenti amerikan, Joe Biden pati thënë se tërheqja e plotë e trupave do të ndodhë deri më 11 shtator, përvjetorin e njëzetë të sulmeve terroriste të 11 shtatorit në SHBA që nxitën edhe përfshirjen e saj ushtarake në Afganistan.

Ministria e Mbrojtjes e Gjermanisë ka thënë se ka në plan të largojë 1.300 ushtarët e saj deri në fillim të korrikut.

 

 

Më shumë

Princ William, mesazh për miliarderët: Në vend që të udhëtoni në hapësirë, shpëtojeni Tokën

Së fundmi BBC ka publikuar një intervistë të zhvilluar me Princ William. Në intervistë, William ka dhënë një mesazh për të gjithë miliarderët që udhëtojnë në hapësirë. Duka i Cambridge  është shprehur se mendjet e mëdha duhet të mendojnë se si t’i zgjidhin problemet në planetin Tokë, në vend që të udhëtojnë në hapësirë […]

Gratë afgane protestojnë për rikthimin e të drejtave të tyre në arsim dhe punësim

Një grup i grave në Afganistan protestuan për rikthimin e të drejtave të tyre për arsim dhe punësim të cilat janë kufizuar pasi talebanët morën administrimin e vendit, raporton Anadolu Agency (AA).   Rreth 15 gra u mblodhën në parkun Shahr-e Naw që ndodhet në qendër të Kabulit dhe hodhën slogane duke mbajtur në […]

Talebanët i kërkojnë Uashingtonit të zhbllokojë rezervat e Bankës Qendrore të Afganistanit

Talebanët i kërkuan Uashingtonit të shtunën që të lirojnë rezervat e bllokuara të bankës qendrore të Afganistanit, gjatë një takimi me një delegacion amerikan në Katar, dialogu i parë ballë për ballë në një nivel të lartë që kur grupi islamik mori kontrollin e vendit pas tërheqjes së Shteteve të Bashkuara në fund […]

Xi Jinping në 110-vjetorin e Revolucionit: Kina do të “arrijë ribashkimin” me Tajvanin

Presidenti kinez Xi Jinping tha të shtunën se Revolucioni i vitit 1911 hapi rrugën për ndryshimet e thella shoqërore që kanë ndodhur në Kinën moderne.   Xi, gjithashtu sekretar i përgjithshëm i Komitetit Qendror të Partisë Komuniste të Kinës dhe kryetar i Komisionit Qendror Ushtarak, i tha këto në një konferencë në Pekin me […]

  • © 2017 Albanian Profile Të gjitha të drejtat e rezervuara