e diel 24 tetor 2021
e diel 24 tetor 2021

 

 

Transportuesi amerikan i avionëve USS Nimitz do të mbetet në Gjirin Persik, për shkak të “kërcënimeve të fundit” nga Irani, bëri të ditur Pentagoni.

 

Ushtruesi i detyrës së sekretarit të Mbrojtjes, Christopher Miller, tha se udhëheqësit iranianë “kanë kërcënuar presidentin e Shteteve të Bashkuara, Donald Trump, dhe zyrtarë të tjerë të Qeverisë amerikane”.

 

Gazeta New York Times ka raportuar në fundjavë se Nimitz, i cili ka qenë duke patrulluar në ujërat e Gjirit që nga fundi i nëntorit, do të kthehet në SHBA.

 

Zyrtarë amerikanë, të cituar nga New York Times, kanë thënë se ky vendim vjen pas sinjaleve “shtensionuese” nga Irani, por Miller e bëri të qartë se anija do të mbetet në Gji.

 

“Nimitz do të mbetet në stacion, në zonën e operacioneve të Komandës Qendrore të SHBA-së. Askush nuk duhet të dyshojë në vendosmërinë e Shteteve të Bashkuara të Amerikës”, tha ai.

 

Deklarata erdhi në përvjetorin e parë të vrasjes së një gjenerali të lartë iranian dhe udhëheqësit të një milicie të fuqishme shiite irakiane nga Shtetet e Bashkuara.

 

Sulmi me dron pranë aeroportit të Bagdadit ka vrarë gjeneral-major Qasem Soleimanin, komandant i Forcës Elite Quds të Trupave të Gardës Revolucionare Islamike të Iranit, dhe Abu Mahdi al-Mohandesin, nënkryetar i milicisë Hashd al-Shaabi të Irakut, së bashku me disa milicë të tjerë aleatë të Iranit.

 

Autoritetet iraniane janë zotuar se do të hakmerren për vrasjet dhe zyrtarët amerikanë kanë paralajmëruar se Irani ose milicia irakiane mund të kryejë sulme hakmarrëse rreth përvjetorit.

 

Më shumë

Lindja e Mesme, në fokus të bisedimeve Izrael-Rusi

Kryeministri i Izraelit, Naftali Bennett, po viziton për herë të parë Rusinë që nga zgjedhja e tij në këtë pozitë në muajin qershor të këtij viti. Bisedimet me presidentin rus, Vladimir Putin, pritet të fokusohen në Lindjen e Mesme. Televizioni shtetëror rus transmetoi pamjet e fillimit të bisedimeve në qytetin turistik të Soçit në […]

Rusia njofton pezullimin e misionit rus në NATO

Ministri i Jashtëm rus Sergey Lavrov njoftoi të hënën se vendi i tij do të pezullonte misionin rus në NATO.   Zoti Lavrov tha se masa ishte në përgjigje ndaj vendimit të javës së kaluar të NATO-s, për të dëbuar tetë anëtarë të misionit rus në aleancën ushtarake.   Pas njoftimit se Rusia […]

Ish-Sekretari i Shtetit Colin Powell, humb jetën nga COVID-19

Colin Powell, Sekretari i parë afrikano-amerikan i Shtetit dhe një ushtarak i lartë amerikan, vdiq të hënën në moshën 84 vjeçare si pasojë e ndërlikimeve të shkaktuara nga sëmundja e COVID-19-s.   Në një deklaratë në Facebook, ku njoftohej lajmi i vdekjes së zotit Powell, familjarë të tij shkruanin se ai ishte plotësisht […]

Një parti algjeriane bën thirrje për dërgimin e Francës në gjykata për krime koloniale

Lëvizja për Shoqërinë dhe Paqen tha se: “Nderimi i dëshmorëve kërkon padi (ndaj Francës) në nivel ndërkombëtar”     Një parti politike në Algjeri të dielën bëri thirrje për ndjekjen penale të Francës në gjykatat ndërkombëtare për krimet që ajo kreu në Algjeri gjatë 132 viteve të sundimit të saj kolonial, transmeton Anadolu […]

  • © 2017 Albanian Profile Të gjitha të drejtat e rezervuara