e mërkurë 19 janar 2022
e mërkurë 19 janar 2022

Votat e para të zgjedhjeve paraprake të këtij viti në Shtetet e Bashkuara do të hidhen të hënën, në Ajova. Në 50 vitet e fundit, partitë politike të Amerikës kanë organizuar zgjedhje paraprake për të përcaktuar kandidatin e tyre për president. Korrespondenti i Zërit të Amerikës, Steve Redisch shpjegon procesin e këtyre zgjedhjeve.

Imagjinoni organizimin e më shumë se një mijë takimeve, të gjitha në të njëjtën ditë, në të njëjtën kohë. Kjo ndodh në shtetet si Ajova, që përdorin një formë të veçantë zgjedhjesh.

Për çdo zonë votimi në shtetin e Ajovës, votuesit mblidhen në një shkollë ose bibliotekë dhe deklarohen hapur se cilin kandidatë presidencial e mbështesin.

Votat numërohen, dhe kandidatët marrin delegatët bazuar në rregullat e partisë.

Partitë politike në gjashtë shtete që do të organizojnë këtë formë zgjedhjesh në vitin 2020 janë: Ajova, Nevada, Kentaki, Havai, Dakota e Veriut dhe Uajoming.

Ajova është shteti më i njohur për këtë proces zgjedhjesh. Që nga viti 1972, Ajova ka qenë shteti i parë që organizon zgjedhjet paraprake. Rezultatet e zgjedhjeve në këtë shtet analizohen thellësisht, duke ofruar provat e para të nivelit të mbështetjes për cilindo nga kandidatët.

Zgjedhjet në Ajova do të mbahen në mbrëmjen e 3 shkurtit. Fokusi është te demokratët sepse Presidenti Donald Trump e ka pothuajse të siguruar emërimin e republikanëve në kuvendin e partisë në gusht.

Për dallim nga natyra e hapur e zgjedhjeve në Ajova, votimi në zgjedhjet paraprake është i fshehtë dhe bëhet në një kabinë votimi.

Votat numërohen dhe në bazë të rezultatit partitë marrin një numër të caktuar delegatësh që pastaj mbështesin kandidatin përkatës në kuvendet e partive.

Më shumë se 40 shtete do të zhvillojnë zgjedhje paraprake në vitin 2020.

Në bazë të ligjit, Nju Hampshir është shteti i parë që mban zgjedhjet e rregullta paraprake në vend. Këtë vit, ky shtet i mban zgjedhjet më 11 shkurt.

Për shkak se janë shtetet e para në të cilat votohet, Ajova dhe Nju Hampshir tërheqin më shumë vëmendje sesa shtetet më të populluara, më të larmishme dhe me më shumë delegatë. Një kritikë e sistemit aktual është se Ajova dhe Nju Hampshir janë shtete me banorë kryesisht të bardhë.

Kandidatët presidencialë kalojnë muaj me radhë duke biseduar me banorët e këtyre dy shteteve, duke vizituar restorante, panaire shtetërore dhe duke marrë pjesë në takime të bashkive në përpjekje për të takuar sa më shumë votues.

Për kandidatët që mbijetojnë në Ajova dhe Nju Hampshir, testi i tyre i radhës është 3 Marsi 2020, i njohur si Super e Marta për shkak të numrit të madh të shteteve që mbajnë zgjedhje në këtë ditë.

Në këtë ditë 14 shtete zhvillojnë zgjedhje, përfshirë dy shtetet më të populluara të Amerikës, Kalifornia dhe Teksasi. Rreth 30 për qind e delegatëve për secilën kuvend të partive përcaktohen në ditën që quhet Super e Marta.

Zgjedhjet paraprake vazhdojnë deri në javën e parë të qershorit. Zakonisht, një kandidat siguron fitoren para këtij afati, duke e bërë kuvendin e partisë në verë një moment kurorëzimi, së bashku me emërimin nga partia të kandidatit për nënpresident.

Por nëse asnjë kandidat nuk fiton gjatë zgjedhjeve paraprake, atehërë në kuvendin e partisë mund të ketë një dramë politike verore. VOA

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara