e premte 28 janar 2022
e premte 28 janar 2022

 

 

Urdhri i ri i Presidentit Joe Biden për vaksinim të detyrueshëm kundër COVID-19, ka bërë që guvernatorët republikanë që kërcënojnë me padi. Një qëndrim që zoti Biden e ka cilësuar si zhgënjyes.

 

Administrata po përgatitet për një përplasje tjetër të madhe mes pushtetit federal dhe atij shtetëror. Por ndërsa shumë detaje rreth udhëzimeve të reja mbeten ende të panjohura, Presidenti Biden duket se gëzon një bazë të fortë ligjore për të nxjerrë një urdhër të tillë në emër të garantimit të sigurisë për shëndetin e punonjësve, sipas disa ekspertëve të intervistuar nga agjencia “Associated Press”.

 

“Ata (administrata) janë në një pozitë mjaft të fortë duke pasur parasysh provat që sugjerojnë fuqimisht shkallën e rrezikut që individët e pavaksinuar paraqesin, jo vetëm për veten e tyre, por edhe për të tjerët”, thotë profesori i Drejtësisë në Universitetin e Konektikatit, Sachin Pandya.

 

Republikanët denoncuan me shpejtësi vendimin për imunizim të detyruar që mund të ndikojë tek 100 milionë amerikanë. Ata thanë se do të ngrenë padi kundër këtij vendimi gjë mund ta bëjnë edhe ato kompani private që zgjedhin t’i rezistojnë kërkesave për imunizim.

 

Guvernatori i Teksasit Greg Abbott e quajti vendimin një “sulm ndaj bizneseve private”, ndërsa Guvernatori i Karolinës së Jugut Henry McMaster premtoi se “do të përpiqet deri në fund për të mbrojtur lirinë dhe mënyrën e jetesës” së çdo banori të shtetit të tij. Komiteti Kombëtar Republikan ka thënë gjithashtu se do të padisë administratën “për të mbrojtur amerikanët dhe liritë e tyre”.

 

Rastet e tilla mund të paraqesin një përplasje tjetër mes autoriteteve shtetërore dhe federale në një kohë kur Departamenti i Drejtësisë i Presidentit Biden tashmë po padit Teksasin për ligjin e tij të ri shtetëror që ndalon shumicën e aborteve, duke argumentuar se ai u miratua “në kundërshtim të hapur me Kushtetutën”.

 

Shtëpia e Bardhë po përgatitet për sfida ligjore dhe beson se edhe nëse humbet disa prej çështjeve, miliona amerikanë do të marrin doza për shkak të kërkesave të reja, duke shpëtuar jetë dhe parandaluar përhapjen e virusit.

 

Presidenti Biden i ka kërkuar Administratës së Sigurisë dhe Shëndetit në Punë të mbikëqyrë respektimin e urdhrit. Jeffrey Zients, koordinatori i përgjigjes ndaj koronavirusit në Shtëpinë e Bardhë paralajmëroi se “nëse një kompani refuzon të ndjekë standardin, gjobat mund të jenë mjaft domethënëse”.

 

Gjykatat kanë mbështetur kërkesat për vaksinim si kusht për punësim, si para pandemisë ashtu edhe pas, në sfidat e ngritura nga punonjësit e kujdesit shëndetësor, thotë Lindsay Wiley, drejtoreshë e Programit për Ligjin dhe Politikën e Shëndetit në Universitetin Amerikan në Washington.

 

Ajo thotë se udhëzimet e zotit Biden mbi vaksinat mund të jenë më të hapura për padi rreth asaj nëse administrata ndoqi procesin e duhur për t’i zbatuar ato.

 

Vaksinimi “është politizuar dhe ka shumë gjykatës republikanë të cilët mund të jenë armiqësorë ndaj urdhrit, për arsye politike”, thotë Michael Harper, një profesor në Universitetin e Bostonit.

 

Sipas rregullave të reja të gjitha kompanitë me më shumë se 100 punonjës t’u kërkojnë atyre që të vaksinohen ose të testohen për virusin çdo javë. Presidenti Biden ka kërkuar gjithashtu vaksinimin e detyrueshëm për punonjësit e degës ekzekutive dhe kontraktorët që bëjnë biznes me qeverinë federale, por pa i ofruar si mundësi testimin e përjavshëm. VOA

 

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara