e diel 17 janar 2021
e diel 17 janar 2021

 

SHBA ka vendosur të ashpërsojë tarifat ndaj disa vendeve për shkak të mosmarrëveshjeve mbi subvencionet për prodhuesit e avionëve Airbus dhe Boeing. Janë prekur edhe prodhuesit e pijeve alkoolike.

 

SHBA dhe Bashkimi Evropian kaherë janë në grindje rreth subvencioneve për industrinë e aviacionit. Për 16 vjet me radhë vazhdojnë mosmarrëveshjet. Tani SHBA po zgjeron tarifat ndëshkuese. Në veçanti të prekura janë kompanitë që merren me prodhimin e pjesëve të avionëve nga Franca dhe Gjermania, por edhe prodhuesit e verës, konjakut dhe pijeve alkoolike të tjera nga këto shtete, bëri të ditur zyra e përfaqësuesit të tregtisë amerikane.

 

Organizata Botërore e Tregtisë (OBT) i ka lejuar Bashkimit Evropian në nëntor të vendosë tarifa ndëshkuese me vlerë katër miliardë dollarësh në vit për produktet e SHBA-së, për shkak të ndihmave të paligjshme shtetërore amerikane për prodhuesin e avionëve Boeing. Shtetet e Bashkuara gjithashtu morën dritën jeshile në 2019 për tarifa shtesë në importe me vlerë 7.5 miliardë dollarë për shkak të subvencioneve të paligjshme të BE për konkurrencën evropiane të Boeing Airbus. Prej asaj kohe janë vënë tarifa ndëshkuese për importet nga Evropa si vera, djathi dhe vaji i ullirit ose uiski skocez, si dhe një taksë prej 15 përqind për avionët Airbus.

 

 

SHBA mendojnë se po mashtrohen

 

Qeveria amerikane tani akuzon Brukselin për marrjen e vendimeve të padrejta në vendosjen e tarifave, prandaj mendon se duhet të përgjigjet me kundërmasa. Për shembull, thuhet se BE e bazoi vendimin e vet në tarifat ndëshkuese në vëllimin tregtar të 27 shteteve të BE-së, duke përjashtuar Britaninë e Madhe, e cila ka rezultuar në masa më të larta si hakmarrje kundër SHBA-së. “BE duhet të marrë masa për të përmirësuar këtë padrejtësi,” tha përfaqësuesi i tregtisë.

 

BE shpreson se pasardhësi i Donald Trumpit në Shtëpinë e Bardhë, demokrati Joe Biden, do të pranojë të flasë për një zgjidhje të mosmarrëveshjes që po po zgjatë prej vitit 2004, rreth financimit të shtetit për kompanitë Boeing dhe Airbus. BE dhe SHBA e akuzojnë njëra-tjetrën për mbështetje të paligjshme të prodhuesve të tyre të avionëve.

 

Më shumë

Trump: Nuk do të marr pjesë në inaugurimin e Biden

Presidenti i SHBA Donald Trump tha të premten se nuk do të marrë pjesë në inaugurimin e pasardhësit të tij, Presidentit të zgjedhur demokrat Joe Biden, më 20 janar.   Ai i bëri komentet disa orë pasi premtoi për një tranzicion paqësor të pushtetit. Një burim që kishte dijeni për zhvillimet tha se […]

Australia ndryshon tekstin e himnit kombëtar

Një ndryshim i vogël me ndikim të madh: me fillimin e vitit të ri Australia ndryshon tekstin e himnit kombëtar si një shenjë vlerësimi për popullsinë aborigjene.     Në të ardhmen vargu i dytë i himnit nuk do të jetë më “se jemi të rinj dhe të lirë”, por “se jemi të […]

SHBA mban praninë në Gjirin Persik për shkak të kërcënimeve nga Irani

Transportuesi amerikan i avionëve USS Nimitz do të mbetet në Gjirin Persik, për shkak të “kërcënimeve të fundit” nga Irani, bëri të ditur Pentagoni.   Ushtruesi i detyrës së sekretarit të Mbrojtjes, Christopher Miller, tha se udhëheqësit iranianë “kanë kërcënuar presidentin e Shteteve të Bashkuara, Donald Trump, dhe zyrtarë të tjerë të Qeverisë […]

Alarmi demografik – Koreja e Jugut regjistron më shumë vdekje sa sa lindje

Koreja e Jugut po përballet me sfida të mëdha demografike, ku për herë të parë në histori, vendi regjistroi më shumë vdekje sesa lindje në vitin 2020.   Si rezultat i kësaj, popullata po plaket shpejt dhe qeveria, pavarësisht përpjekjeve të veta më të mira, duket se nuk ka përgjigje.   Për herë […]

  • © 2017 Albanian Profile Të gjitha të drejtat e rezervuara