e martë 21 shtator 2021
e martë 21 shtator 2021

 

Në Gjermani kush është vaksinuar dy herë, mund të paraqesë një test negativ apo është shëruar nga COVID-19 ka mundësi të lëvizë lirshëm. Ky rregull rrit presionin ndaj atyre, që nuk janë vaksinuar.

 

Për një kohë të gjatë njerëzit në Gjermani ishin shpesh të paqartë mbi rregullat e shumta ndaj pandemisë së koronavirusit, të cilat ndryshonin nga landi në land. Por që nga e hëna (23.08) kjo ka ndryshuar. Kush do të qendrojë brenda në restorant, në kafene, do të shkojë në kinema apo në pishinë, të vizitojë të afërmit në spital apo në strehimoret e kujdestarisë duhet të paraqesë dëshminë e vaksinimit të plotë, ose vërtetimin që është shëruar nga COVID-19 ose një test aktual. Disa lande si p.sh. Berlini e kanë aplikuar këtë rregullore që nga dita e premte (19.08). Situata do të vështirësohet për ata që janë të pavaksinuar. Ata duhet të paraqesin kurdoherë një test negativ jo më të vjetër se 24 orë. Kush do të kalojë pushimet në hotel do të detyrohet ta bëjë testin çdo tri ditë.

 

Kurs me rregulla të reja

 

Qeveria dhe landet do të ndjekin një kurs me rregulla të reja në situatën e pandemisë: Edhe nëse do të rritet numri i të infektuarve, synimi është të shmanget me çdo kusht një lockdown si vjeshtën e kaluar. Për më tepër që aktualisht  më shumë se 64,1 përqind e njerëzve  në Gjermani kanë marrë të paktën dozën e parë të vaksinës dhe 59 përqind janë plotësisht të vaksinuar, sikurse njoftoi të hënën (23.08) ministri i Shëndetësisë Jens Spahn.

Në fundjavë edhe kandidatët për kancelar Armin Laschet i CDU-së dhe Olaf Scholz i SPD-së theksuan, se të paktën për ata që janë vaksinuar ose janë shëruar nuk do të ketë më një lockdown edhe nëse rriten shifrat e infeksionit. Për të arritur imunitetin e tufës, sipas virologëve duhet një kuotë vaksinimi në varësi të grupmoshës deri në 85 përqind. Ndonëse është rritur aktualisht ritmi i vaksinimeve, shifrat janë larg për një imunitet tufe. Për më tepër tani që pas hapjes së shkollave dhe kthimit pas pushimeve të verës numri i infeksioneve po rrritet sërish. Numri i infeksioneve të reja për 100.000 banorë në shtatë ditë të hënën arriti në 56,4. Kjo është më pak se në pranverë, kur incidencashënonte 160, gjë që çoi në vendosjen e kufizimeve të shumta. Në disa qytete si në Leverkusen incidenca tani ka arritur në 200. Pra pavarësisht se shumë janë vaksinuar, pandemia vazhdon të jetë e pranishme.

 

Testet së shpejti me pagesë

 

Kur qeveria në pranverë i zbuti masat kufizuese, bashkë me landet vendosi, që të aplikojë rregulloren e detyrimit për paraqitjen e dëshmisë së vaksinimit, të shërimit apo testin aktual ndaj koronavirusit. Duke nisur nga 11 tetori do të përforcohet edhe më shumë presioni ndaj të pavaksinuarve. Deri tani testet janë falas, por nga tetori testi do të jetë me pagesë nga 35 deri në 50 euro, nëaeroporte madje testi do të kushtojë 60 euro. Kush nuk është i vaksinuar në të ardhmen do të duhet të paguajë testin ndaj koronavirusit për të marrë pjesë në aktivitetet e jetës në shoqëri. Përjashtime do të ketë vetëm për fëmijët dhe ata që nuk mund të vaksinohen për arsye shëndetësore.

 

Më shumë

Merkeli flet në Kiev në favor të një samiti të ri

Gjatë vizitës në Kiev, kancelarja Merkel foli në favor të një samiti të ri për Ukrainën, për të qetësuar konfliktin në lindje të vendit.   Takimi duhet të zhvillohet me pjesëmarrjen e krerëve të shteteve të Rusisë, Francës dhe Ukrainës, tha kancelarja në një takim me Presidentin e Ukrainës Selenskyj. Merkeli tha se deri […]

Gjermania frikësohet se mijëra persona kanë marrë ujë të kripur në vend të vaksinës

Autoritetet në veri të Gjermanisë u kanë kërkuar më shumë se 8,000 personave që të vaksinohen sërish kundër koronavirusit, pasi një infermiere dyshohet se u ka dhënë atyre ujë me kripë, në vend të dozës së vaksinës.   Policia është duke hetuar veprimet e infermieres në një qendër vaksinimi në Friesland, transmeton BBC.   […]

Përmbytje në mes të verës, plazh në sheshin “San Marco” të Venecias

Sheshi “San Marco” në Venecia u përmbyt në mes të verës për shkak të shirave të rrëmbyeshëm, që janë të rrallë në këtë periudhë të vitit në këtë qytet.   Ndryshe nga përmbytjet që ndodhin gjatë vjeshtës dhe dimrit, të dielën në mbrëmje, turistët e shijuan mbushjen e sheshit me ujë, me të rriturit […]

Berlin: “Muret bien, kur njerëzit nuk mund t’ i durojnë ato“

Muri vazhdoi të zgjatet duke u ndërtuar edhe në segmente të tjera. Në fotografi punimet nga ndërtimi i zgjatjes së murit në rrugën Zimmerstrasse në vitin 1964     Më 13 gusht 1961, udhëheqja e RDGJ-së filloi ndërtimin e murit që do ta mbante për gati 30 vjet Gjermaninë të ndarë dhe që u kthye […]

  • © 2017 Albanian Profile Të gjitha të drejtat e rezervuara