e shtunë 17 prill 2021
e shtunë 17 prill 2021

 

Myftiu i Shkodrës, Muhamed Sytari, e ka fituar betejën me koronavirusin. Prej disa ditësh ai po kurohej në një spital në Turqi bashkë me të atin, i cili pas komplikacioneve të shkaktuar nga COVID-19 humbi jetën.

 

Ceremonia mortore e të ndjerit është zhvilluar ditën e djeshme në qytetin e Shkodrës, me pjesëmarrjen shumë qytetarëve, edhe nga Kosova, Maqedonia e Mali i Zi ndërsa sot, përmes një postimi në Facebook, Myftiu ka edhe një mesazh.

 

“Falënderim e mirënjohje! Në emrin e familjes së Haxhi Bardhyl Sytarit me djem, ju shprehim mirënjohjen dhe falënderimet tona më të përzemërta për mbështetjen dhe lutjet e panumërta, me të cilat na keni qëndruar pranë në këto ditë”, – shkruan ai mes të tjerash në një postim në Facebook.

 

 

 

Postimi i Myftiut të Shkodrës, Muhamed Sytari në Facebook:

 

 

Falënderim e mirënjohje!

 

Në emrin e familjes së Haxhi Bardhyl Sytarit me djem, ju shprehim mirënjohjen dhe falënderimet tona më të përzemërta për mbështetjen dhe lutjet e panumërta, me të cilat na keni qëndruar pranë në këto ditë.

 

Allahu ju shpërbleftë dhe e pranoftë këtë mirësi tuajën, Babën tonë të shtrenjtë e mëshiroftë, shëndetin tuaj e begatoftë, të mirat e kësaj bote e të përtejmes jua shtoftë e paçi përherë bekimet e mëshirën e Tij në këtë botë e në të përtejmen!

 

Mirënjohje e falënderim pa fund për myftilerët, imamët, hoxhallarët, thirrësit islamë, prijësit fetarë, drejtuesit e shoqatave, medresesë Shkodër, mediat lokale, organet e rendit, policisë rrugore e miqtë e shtrenjtë nga qytetet e ndryshme të vendit dhe në veçanti ata që na nderuan nga Maqedonia e Veriut, Kosova e Mali i Zi, të cilët na dhanë forcë e mbështetje shpirtërore e qytetare në këtë rast, me pjesëmarrjen e tyre në ceremoninë e lutjes së përcjelljes së Babës tonë.

 

Një falënderim i veçantë për stafin e Myftinisë Shkodër, për mbështetjen, angazhimin dhe përkujdesjen për mbarëvajtjen e ceremonisë dhe nderimin e miqve!

 

Falënderime të përzemërta për krejt miqtë e mirë të diasporës, shokë, komshi e vllazëri dhe mesazhet e tyre të përzemërta, të cilat ishin si balsam në plagë.

 

Ju jemi mirënjohës dhe lutemi me zemër për secilin prej jush!

 

Imam Muhamed Sytari dhe Denis Sytari.

Shkodër, më 25 nëntor 2020

 

Më shumë

Tyrbja e Abaz Aliut në malin e Tomorit, pamje magjepsëse nën “vellon” e dëborës

Tyrbja e Abaz Aliut në lartësinë 2417 m mbi nivelin e detit, në Çukën e Tomorit ofron këtë fillim viti një pamje magjepsëse e mbuluar me ‘vellon’ e dëborës. Kjo tyrbe ndodhet në malin i Tomorit, i cili është një destinacion turistik për adhuruesit e aventurës, vëzhgimit dhe patjetër edhe për besimtarët që kryejnë […]

Imzot George Frendo, Arqipeshkvi i Tiranës dhe Durrësit, shërohet nga koronavirusi: Të dielën do të mbajë meshën

Arqipeshkvi i Durrësit dhe Tiranës, imzot George Frendo është shëruar nga Covid-19.   Lajmin e bëri të ditur vetë imzot Fredo, përmes një njoftimi, ku shkruan:     Mesazhi i Imzot George Frendos: Falenderoj Zotin se së shpejti do të jem përsëri me grigjen time. Larg grigjes jam ndjerë si kokë pa trup. Gëzohem […]

Imzot George Frendo mund COVID-in, del nga spitali

Lajm i mirë për besimtarët katolikë. Imzot George Frendo ka fituar betejën me COVID-19 dhe ka dalë nga spital. Frendo po trajtohej në Bari të Italisë.   Imzot Frendo u shpreh pak ditë më parë se ishte i paduruar për t’u kthyer në përditshëmrinë në Arqidioqezën në Tiranë dhe jetën baritor.   Kujtojmë se […]

Shërohet Myftiu i Shkodrës, por babai i tij nuk e fitoi dot betejën me COVID-in

Myftiu i Shkodrës, Muhamed Sytari, e ka fituar betejën me koronavirusin. Prej disa ditësh ai po kurohej në një spital në Turqi bashkë me të atin, i cili pas komplikacioneve të shkaktuar nga COVID-19 humbi jetën.   Ceremonia mortore e të ndjerit është zhvilluar ditën e djeshme në qytetin e Shkodrës, me pjesëmarrjen shumë […]

  • © 2017 Albanian Profile Të gjitha të drejtat e rezervuara