Albanian Profile
e enjte 2 dhjetor 2021
e enjte 2 dhjetor 2021

Shërbimi Informativ i Shtetit raporton se biznese të ligjshme në ndërtim dhe hoteleri -turizëm mbeten sektorët kryesorë të pastrimit të parave “të pista” me origjinë nga aktivitetet kriminale.

SHISH në raportin e dytë për 2019 ngre shqetësimin se të ardhurat e paligjshme të krijuara ndër vite nga aktivitetet kriminale po pastrohen nëpërmjet bizneseve të ligjshme, sidomos në zonat urbane dhe në bregdet.

“Në vendin tonë, një sasi e konsiderueshme e parave “të pista” e ka origjinën nga aktiviteti kriminal ndër vite i individëve dhe grupeve të përfshira. Të ardhurat e fituara në mënyrë të paligjshme janë investuar në vijimin e aktiviteteve kriminale, si dhe në biznese të ligjshme. Sektorët mbizotërues për pastrimin e parave mbeten biznesi i ndërtimit, pasuritë e paluajtshme, hoteleri-turizmi, etj. Zonat bregdetare e ato urbane mbeten më tërheqëset, pasi ofrojnë potencial për kthimin shumëfish të investimit fillestar”, thuhet në raport.

Sipas SHISH niveli i lartë i informalitetit dhe korrupsionit po favorizojnë një sërë krimesh në ekonomi, si mashtrimet me taksat, kontrabandën, krijimi i kompanive fiktive që mbeten faktorë me risk të lartë për qëndrueshmërinë ekonomike.

“Ndër aktivitetet më të përhapura të krimeve në ekonomi evidentohen mashtrimet në fushën e taksave dhe doganave, hartimi i faturave fiktive të shit-blerjes, krijimi i operatorëve ekonomikë fiktivë, kontrabanda e mallrave të akcizës, pastrimi i parave të gjeneruara nga aktiviteti kriminal. Faktorë favorizues evidentohen korrupsioni dhe niveli i informalitetit në ekonomi. Pavarësisht përpjekjeve serioze për reduktimin e informalitetit nëpërmjet modernizmit të shërbimeve dhe rritjes së ndëshkueshmërisë, mbetet problematikë shqetësuese, që vështirëson procesin e identifikimit të të ardhurave me origjinë të paligjshme dhe sekuestrimin apo konfiskimin e tyre”, thekson raporti i SHISH.

Sipas Shërbimit Shtetëror Informativ rrjetet energjetike nuk kanë qenë target i organizatave terroriste. “Vlerësojmë se mundësia për sulme terroriste kundër infrastrukturës energjetike, mbetet relativisht e ulët. Rreziku për sulme kibernetike nga aktorë shtetërorë kundër infrastrukturës në sektorin energjetik, nuk është i përjashtuar”, thuhet në dokument, citon ‘monitor’.

SHISH-i sipas të dhënave të publikuar në raport, ka prodhuar për vitin 2019, 4087 informacione për klientët brenda dhe jashtë vendit. Krahasuar me vitin 2018, ka 486 produkte informative më shumë, ose rreth 13% më shumë.

Për shkak të rritjes të veprimtarisë antiligjore që zhvillohet jashtë vendit, SHISH ka rritur informacionin e destinuar për jashtë vendit, duke zënë peshën kryesore me 2,366 informacione, ose 58% të informacionit, ndërsa ai për klientët brenda vendit është 1,721 informacione, ose 42% të totalit.

Më shumë

Indeksi Global i Drejtësisë, Shqipëria në vendin e 78 në 120 shtete, përkeqësohet me 4 vende në vitin e reformës

Edhe pse Shqipëria ka bërë një reformë thelbësore në sistemin e drejtësisë, duke vënë në funksion institucione të reja dhe një proces të gjatë vettingu për gjyqtarët dhe prokurorët, Shqipëria bëri hapa pas në Indeksin Global për sundimin e ligjit në vitin 2020 i publikuar nga “World Justice Project”, një institut ndërkombëtar me qendër […]

Shqipëria ndër vendet e Europës, me më shumë vdekje nga aksidentet rrugore 

Në Shqipëri, në vitin 2019 humbën jetën 227 persona, sipas të dhënave të INSTAT.   Në raport me popullsinë, vendi shënoi 80 fatalitete nga aksidentet rrugore për 1 milionë banorë.   Kjo shifër e rendit Shqipërinë ndër vendet me vdekjet më të larta nga aksidentet rrugore në raport me popullsisë dhe gati 60% […]

Shqipëria, e fundit në Europë për të ardhurat për frymë dhe konsumin edhe më 2020, thellohet diferenca me rajonin

Shqipëria u rendit e fundit në Europë për të ardhurat dhe konsumin për frymë, në raport me mesataren e BE-së edhe për vitin 2020.   Sipas të dhënave të Eurostat, Prodhimi i Brendshëm Bruto (PBB) për Frymë në Shqipëri ishte sa 31% e mesatares së BE-së në vitin 2020 i njëjti nivel si viti […]

Sondazhi: Besim minimal tek partitë, qeverisja perceptohet si jotransparente dhe e korruptuar

Instituti për Demokraci dhe Ndërmjetësim publikoi sot Sondazhin e përvitshëm të opinionit publik “Besimi në qeverisje 2020”.   Qytetarët pohuan se besimin më të lartë, afro 70 për qind, e kanë tek institucionet fetare, e më pas vijnë ato arsimore brenda vendit dhe tek NATO, OKB dhe BE jashtë Shqipërisë.   Ndërsa institucionet me […]

  • © 2017 Albanian Profile Të gjitha të drejtat e rezervuara