e enjte 27 janar 2022
e enjte 27 janar 2022

 

Gjatë një veprimtarie në përkujtim të 110 vjetorit të ngritjes së flamurit kombëtar në Deçiç dhe Kuvendit të Greçes, zhvilluar sot në Shkodër, Presidenti i Shqipërisë, Ilir Meta, nderoi me titullin “Nderi i Kombit” prijësin dhe luftëtarin popullor të Kelmendit, Prek Cali. Gjithashtu, u nderuan me titullin “Kaloresi i Flamurit” edhe tre luftetare të tjerë të Malësisë së Madhe, për kontributin e tyre në mbrojtje të trojeve shqiptare.

 

Dekoratën e lartë, “Nderi i Kombit”, Presidenti Meta ia dorëzoi stërnipit të Prek Calit, Gjek Gjonajt, gjatë një veprimtarie të organizuar nga shoqata “Kanga jonë” në Shkodër.

 

Përmes kësaj dekorate, Presidenti Meta vlerëson kontributin e shquar të Perk Calit në mbrojtjen e kufijve shqiptar, në Kelmend të Malësisë së Madhe gjatë viteve 1911- 1926. Presidenti Meta tha se ai mbetet një nga figurat më të spikatura të kohës që, jo vetëm luftoi për të ruajtur të paprekur kufijtë e atdheut, por edhe udhëhoqi me drejtësi dhe urtësi popullin e tij.

 

“Kryengritja e malësisë dhe gjithë përpjekjet e popullit tonë për liri dhe pavarësi janë udhëhequr dhe drejtuar nga udhëheqës të zot, të pushkës e të penës, njëri prej të cilëve ishte dhe mbetet edhe Prek Cali”, deklaroi presidenti Meta.

 

Duke shprehur falenderime për vlerësimin ndaj Prek Calit, stërnipi i tij, Gjek Gjonaj, tha se kryengritja e Malësisë së Madhe e vitit 1911, e drejtuar nga Prek Cali, është e rëndesishme për kombin, sepse dëshmon qendresën popullore në mbrojtje të trojeve shqiptare.

 

“Për ne, si pasardhësit e tij, e vlerësojmë shumë mirënjohjen e meritave që i ka bërë Presidenti i Shqipërisë Ilir Meta kësaj figure madhore, jo vetëm të Kelmendit, Malësisë së Madhe, por edhe të gjithë shtetit shqiptar”, tha ai.

 

Ndërsa Rrok Gjolaj, nip i Prek Ded Gjolaj, këshilltar për arsimin në Mal të Zi, u shpreh se figurat e shquara të malësisë kanë dhënë një kontribut të shquar për çështjen kombëtare, ndaj meritojnë të nderohen me respekt.

 

“Vlerësoj shumë lart kontributin e figurave te shquara të Malësisë së Madhe, duke fillu nga Prek Cali i Kelmendit, Kol Maçi i Hotit, Pretash Zeka i Grudës edhe gjyshi im Prek Deda Gjonaj nga Gruda. Ata kanë lanë kontribut të jashtëzakonshmëm, në kohëra të caktuara, për historinë e malësisë dhe të gjithë Shqipërisë”, tha zoti Gjolaj.

 

Prek Cali gjatë viteve 1908-1912 udhëhoqi kryengritjet antiosmane të kelmendasve. Në gusht të 1920 mori pjesë në Luftën e Koplikut, ndërsa në janar të vitit 1945 udhëhoqi kryengritjen antikomuniste të Kelmendit, pas shtypjes së të cilës, në mars të po atij viti, u pushkatua bashkë me 13 burra të tjerë të malësisë.

 

 

Më shumë

Abedin D. Çiçi, babai i hortikulturës Shqiptare

Lindi në Nepravishtë të Gjirokastrës më 28 nëntor 1911. Shkollën e mesme e kreu pranë Shkollës Teknike të Tiranes me nota të shkëlqyera. Vitet 30’ do ta gjenin atë në Itali, në Firence, në Institutin Pomoligjik (Hortikulturës) dhe nga vlerësimet e shkëlqyera pranë këtij Instituti rikthehet të punojë në atdhe për të ngritur fidanishtet […]

Akademikët dhe intelektualët në Filatelinë Shqiptare për vitin 2021

– Akad. Kristo Frashëri, akademik Shaban Demiraj, prof. Ramadan Sokoli, aktori Sandër Prosi; shkrimtari dhe përkthyesi Vexhi Buharaja   Filatelia shqiptare ka nderuar për veprën e tyre akademikët dhe intelektualët shqiptarë me emetimin në pullat e postës. Pullat e postës me portretet dhe emrat e akademik Kristo Frashërit, akademik Shaban Demirajt, studiuesit Ramadan Sokoli, […]

Anëtarë të Akademisë së Shkencave të nderuar ndër vite nga Filatelia Shqiptare

-Akademikët Aleks Buda, Dritëro Agolli, Dhimitër Shuteriqi, Ismail Kadare, Mahir Domi, personalitete të shquara në fushën e shkencës dhe krijimtarisë   Akademikët Aleks Buda, Dritëro Agolli, Dhimitër Shuteriqi, Ismail Kadare, Mahir Domi, personalitete të shquara në fushën e shkencës dhe krijimtarisë janë vlerësuar ndër vite nga Filatelia Shqiptare. Emrat dhe portretet e tyre vit […]

Petro Nini Luarasi – Veprimtari i Rilindjes Kombëtare dhe Mësuesi i Popullit

Petro N. Luarasi lindi në Luaras të Kolonjës më 1865. Mësimet e para në gjuhën shqipe i mori kur ishte nxënës në shkollën e Qestoratit nga mësuesi Koto Hoxhi. Më 1887 hapi në Ersekë shkollën e parë shqipe dhe më 1892-1893 shkollat shqipe në krahinën e Kolonjës dhe të Vakëfeve. Ishte mësues dhe drejtor […]

  • © 2017 Albanian Profile Të gjitha të drejtat e rezervuara