e hënë 1 mars 2021
e hënë 1 mars 2021

 

Shqipëri dhe SHBA angazhohen të rrisin bashkëpunimin në fushën e ekonomisë, investimeve të ndërsjellta dhe tregtisë, sipas një njoftimi zyrtar nga Ministria e Financave dhe Ekonomisë.

 

Memorandumi i Bashkëpunimit u firmos për palën shqiptare nga Ministrja e Financave dhe Ekonomisë, Anila Denaj, dhe për palën amerikane Nënsekretari i Shtetit për Rritjen Ekonomike, Energjinë dhe Mjedisin, Z. Keith Krach.

 

Ky Memorandum i Bashkëpunimit Ekonomik është i pari, që firmoset mes Shqipërisë dhe Shteteve të Bashkuara të Amerikës, pas Marrëveshjes Ekonomike të vitit 1992.

 

Partneriteti shqiptaro-amerikan mbart ende potencial të pashfrytëzuar, në bashkëpunimin ekonomik dhe tregtar mes dy shteteve.

 

Për këtë qëllim, miratimi i një Memorandumi të Bashkëpunimit Ekonomik, pritet të ndikojë ndjeshëm në nivelin e flukseve të investimeve të huaja direkte në Shqipëri, t’i mundësojë bizneseve shqiptare akses të shtuar në tregun amerikan, të rrisë eksportet shqiptare, duke përmirësuar ndjeshëm bilancin tregtar të vendit.

 

Angazhimi i përbashkët i ndërmarrë sot, riforcon angazhimin dhe vullnetin se Shqipëria dhe Shtetet e Bashkuara të Amerikës kanë një interes të përbashkët për forcimin e lidhjeve tregtare dhe promovimin e pjesëmarrjes aktive të kompanive amerikane në projektet e Republikës së Shqipërisë, me qëllim rritjen e mirëqënies, sigurisë dhe lidhjeve rajonale në Shqipëri.

 

Memorandumi shërben edhe si një ftesë e të dyja vendeve për nxitjen e veprimtarisë ekonomike në Shqipëri, në përputhje me praktikat ndërkombëtare dhe Udhëzimet e OECD për Kompanitë Shumëkombëshe.

 

Sektorët me përparësi në kuadër të këtij bashkëpunimin, janë eksplorimi dhe zhvillimi i burimeve energjitike, infrastruktura, energjia, transporti, teknologjia e informacionit dhe komunikimit, turizmi dhe bujqësia.

 

Nëpërmjet këtij Memorandumi Bashkëpunimi,  Shtetet e Bashkuara të Amerikës angazhohen të promovojnë partneritete midis bizneseve me përfitim reciprok të kompanive amerikane dhe aktorëve vendas në Shqipëri, duke përfshirë zhvillimin e fuqisë punëtore, fuqizimin ekonomik të grave dhe mundësitë për inovacion.

 

Një pikë e vecantë në këtë memorandum i kushtohet bashkëpunimit mes dhomave të tregtisë të dy vendeve për të promovuar dhe zhvilluar aktivitete ekonomike të përbashkëta,  si shkëmbimi i informacioniit dhe eksperiencave, si dhe organizimin e Forumeve të Biznesit, Panaireve të Tregtisë dhe Investimeve dhe shkëmbimit të eksperiencave.

 

Finalizimi i këtij Memorandumi është vijimësi e angazhimit dhe komunikimit mes Qeverisë Shqiptare dhe Ambasadës së Shteteve të Bashkuara të Amerikës.

 

***Investimet e Huaja Direkte nga SHBA kanë arritur këtë vit nivelin më të lartë të stokut në 6 vitet e fundit, në 123 Milion EUR në 6 mujorin e parë të vitit 2020.

Më shumë

BSH ka shitur gati 1 ton ar gjatë pandemisë, 930 kg më pak në arka

Banka e Shqipërisë gjatë vitit të kaluar, atë të pandemisë, ka frenuar tërësisht blerjen e arit monetar, si mjet rezerve. Shifrat më të fundit nga institucioni tregojnë se në dhjetor të vitit të kaluar, vlera e shufrave të arit në arkat e saj prekte 136 milionë euro. Në vlerë kjo shifër është lehtë më […]

Vënia në punë e TAP: Konkurrencë për gazin rus në Ballkan

Tre zhvillime në ndërrimin e viteve do të kenë efekt afatgjatë në biznesin e koncernit Gazprom në Europën Juglindore, me pasoja edhe në tregun e BE-së. Kush fiton dhe kush humbet?   Me ndërrimin e viteve në tregun e gazit në Europën Juglindore pati tre zhvillime me rëndësi që do të kenë vazhdë […]

Pandemia ul remitancat e emigrantëve në nivelin më minimal të pesë viteve të fundit

Të dhënat e Bankës së Shqipërisë tregojnë se të ardhurat neto nga ky zë në Bilancin e Pagesave për 9-mujorin 2020 kishin vlerën e 155 milionë eurove, në rënie me 30% krahasuar me të njëjtën periudhë të vitit të kaluar. Ky është njëkohësisht niveli më i ulët i pesë viteve të fundit.   Metodika […]

Fasonet po sjellin më shumë të ardhura se turizmi

Sektori fason shënoi një rritje të ndjeshme të ardhurave në tremujorin e tretë të vitit 2020. Mbështetur në të dhënat e bilancit të Pagesave të Bankës së Shqipërisë, të ardhurat për shërbimet e përpunimit të mallrave të porositësve nga jashtë vendit arriti në 125 milionë euro, në rritje me 30 milionë euro krahasuar me tremujorin […]

  • © 2017 Albanian Profile Të gjitha të drejtat e rezervuara