e diel 14 gusht 2022
e diel 14 gusht 2022

 

Tregu shqiptar i energjisë po përparon duke shënuar risi. Me interes të veçantë janë zhvillimet domethënëse në energjitë alternative të rinovueshme.  Kështu për energjitë nga fotovoltaiket është rritur kapaciteti nga 120 MW në 490 MW, energjitë e erës kanë planifikuar rritje nga 70 MW në 150 MW dhe madje edhe energjia e biomasës parashikohet të sillet nga 8 MW në 41 MW deri në fund të vitit.

 

Shqipëria ishte vendi i parë në rajonin e Ballkanit Perëndimor që paraqiti një ankand për prodhuesit e energjisë së rinovueshme me mbështetjen e BERZH.  Kështu, impiantet e mëdha të energjisë së rinovueshme, parashikohet të kenë një kohëzgjatje prej 15 vjetësh.  Një transformim i rëndësishëm vjen gjithashtu me krijimin e ALPEX, ndërsa  shumë HEC -e të vegjël do ta kenë të vlefshme të hyjnë në treg duke përdorur gazin natyror si rezervë.  Referuar strategjisë së re, deri në vitin 2030, është planifikuar të vazhdohet me përfundimin e reformave të liberalizimit të tregut në kuadrin e integrimit rajonal dhe promovimin e zhvillimit të qëndrueshëm. Skenari i Promovimit të Gazit Natyror, parashikon që kërkesën për gaz natyror, për të gjithë sektorët, të jetë  mbi 1520 Mm3, duke bërë që depërtimi i gazit natyror kundrejt furnizimit të përgjithshëm të burimeve primare të energjisë pritet të arrijë në 20% deri në vitin 2030.

 

Në tregun e gazit në Europën Juglindore ka tre zhvillime me rëndësi: Serbia do të furnizohet tanimë me gaz rus nga Bullgaria përmes, Balkan Stream, një degëzim i gazsjellësit Turkish Stream.

 

Furnizimet nga Azerbajxhani drejt Bullgarisë përmes gazsjellësit, Trans Adriatik, i njohur si gazsjellësi TAP.  Duke shënuar fundin e monopolit të koncernit Gazprom në tregun bullgar. Vënia në punë e terminalit të ri të lëvizshëm për gazin e lëngshëm, LNG në ishullin kroat, Krk me gazin amerikan, i cili u modifikua dhe u fut në rrjetin e tubacioneve të vendit, që po ashtu është i lidhur me rrjetin europian. Korridori jugor i gazit tanimë është funksional me dy gazsjellës: TANAP dhe TAP. Përmes kësaj lidhjeje, gazi vjen në Shqipëri, ku tashmë po mendohet për një treg të domosdoshëm të gazit natyruro. Albgaz ka aplikuar pranë ERE për t’u certifikuar si operator i kombinuar i gazit natyror çka i jep të drejtë që të ushtrojë disa funksione specifike në sector. Kjo kompani ka marrë statusin e vëzhguesit pranë Rrjetit Europian të Operatorëve të Transmetimit të Gazit Natyror.

 

Qeveria shqiptare ka nënshkruar një marrëveshje bashkëpunimi mes Shqipërisë e SHBA-së përmes Ministrisë së Infrastrukturës dhe Energjisë dhe Exxon Mobil&Excelerate Energy për futjen e gazit të lëngshëm natyror nga Amerika në Shqipëri.

 

 

Më shumë

Në gjashtë mujorin e parë të vitit më tepër mallra u transportuaran nëpërmjet hekurudhës

Gjatë gjysmës së parë të vitit volumi i mallrave të transportuar me hekurudhë llogaritet 14.9 milionë ton-kilometër.   Sipas raportit të publikuar së fundmi nga INSTAT volumi i mallrave të transportuar me hekurudhë u rrit me 23,3 %, krahasuar me të njëjtën periudhë të vitit 2020-ës.   Por volumi i mallrave të transportuara […]

Gati 10 miliardë lekë eksportet drejt Kosovës, kryesojnë materialet e ndërtimit dhe metalet

Shqipëria dhe Kosova po zgjerojnë marrëdhëniet e tyre tregtare në vitet e fundit. Sipas raportit të publikuar nga Instituti i Statistikave (INSTAT), eksportet drejt Kosovës gjatë periudhës janar-prill arritën gati 10 miliardë lekë, ndërsa importet llogariten gati 3 miliardë lekë.   Eksportet kryesore të Shqipërisë drejt Kosovës përfaqësohen nga eksporti i materialeve të […]

Shtëpitë u shtrenjtuan 11 %. Rritja më e lartë është në Tiranë dhe në zonat bregdetare

Çmimet e apartamenteve në Tiranë kanë parë rritje të vazhdueshme ndër vite, duke e bërë gjithnjë e më të vështirë blerjen e një banese. Veç qendrës së kryeqyteti ku çmimet arrijnë deri në 3200 euro/m2, shtrenjtim kanë parë edhe zonat periferike. Eksperti për pasuritë e paluajtshme Lefter Sila shpjegon se me gjithë çmimet e […]

“Bitcoin” futet në tregun shqiptar

Qeveria është duke i hapur rrugë dhënies së licencave në prodhimin dhe shitjen e monedhës Bitcoin. Përmes një projektligji të depozituar në Kuvend, Këshilli i Ministrave propozon të shtojë në ligjin bazë të lejeve dhe licencave edhe ato në sektorët e teknologjisë financiare.   Dy janë licencat bazë që do të jepen në fushën […]

  • © 2017 Albanian Profile Të gjitha të drejtat e rezervuara