e shtunë 23 janar 2021
e shtunë 23 janar 2021

 

Data 20 nëntor 2020 shënon përfundimin e proçedurave për hapjen dhe njohjen zyrtare të Ambasadës së parë shqiptare në Australi.

 

Flamuri shqiptar u ngrit në këtë datë për herë të parë në brigjet e liqenit Burley Griffin në kryeqytetin australian Canberra në sheshin ku çdo Mision Diplomatik ka flamurin dhe pllakën me emrin e vendit që përfaqëson.

 

 

Kjo ishte një ceremoni me konotacion historik për komunitetin shqiptar që prej dekadash kishte pritur hapjen e Ambasadës dhe ngritjen e Flamurit shqiptar nën tingujt e Himnit Kombëtar.

 

 

Njëkohësisht hapja e Ambasadës është një hap konkret në drejtim të zhvillimit dhe forcimit të mëtejshëm të marrëdhënieve të bashkëpunimit mes Shqipërisë dhe Australisë.

 

 

Ky ka qenë një vit i çuditshëm për të ngarkuarin me punë, Dr Edmund Trako. Ai shkoi në Canberra me bashkëshorten e tij Iris në Mars për të hapur ambasadën në Australi, duke mbërritur aty 48 orë para se kufijtë ndërkombëtarë të mbylleshin.

 

 

“Mendova se ndoshta të ishte e pamundur të hapej ambasada në këto kushte, krejt i vetëm, në hotel, me praninë e  COVID-19,” tha ai.

 

Dr Trako ka një karrierë 25-vjeçare në diplomaci. Ai ka qenë më parë Ambasador i Shqipërisë në Argjentinë dhe Portugali dhe ka përvoja të mëparshme në ngritjen e ambasadave.

 

Ndërkohë,  Canberra ka një komunitet të vogël të diasporës shqiptare, ndërkohë që shqiptarët janë në numër më të madh në qytete të tjera të vendit si Melburn, Adelaide, Sheparton dhe në disa zona të Kuinsland. Dr Trako do të udhëtojë drejt Melburnit në një ceremoni tjetër më 28 Nëntor, që shënon Ditën e Flamurit.

 

I ngarkuari me punë u shpreh se dëshiron të shohë që Australia dhe Shqipëria të forcojnë raportet.

 

“Tashmë është radha e Australisë të hapë ambasadë në Shqipëri, sepse ende Australia e mbulon Shqipërinë nga Italia.”

 

 

Më shumë

Akademia e Shkencave miraton Përkufizimin Universal të Antisemitizmit

Institucioni ka promovuar historikisht studimin e Holokaustit dhe mësimet e tij; si i tillë, miratimi i përkufizimit të punës së IHRA është “një hap plotësisht i natyrshëm”.     JNS – Akademia e Shkencave e Shqipërisë, institucioni më i rëndësishëm shkencor i vendit, miratoi të enjten përkufizimin e punës së Aleancës Ndërkombëtare të Përkujtimit […]

177 vjet nga lindja e Atit të Kombit, Ismail Qemali

Udhëheqës i Lëvizjes Kombëtare Shqiptare. Lindi në Vlorë më 16 Janar 1844 në një nga familjet më të mëdha të Shqipërisë së Jugut. Pasi kreu shkollën fillore në vendlindje, vijoi studimet në shkollën plotore turke në Selanik, ku ishte internuar familja e tij dhe më pas kreu gjimnazin “Zosimea” në Janinë. Në vitin 1860 […]

Urgjenca Kombëtare bën bilancin: Në 2020 ndodhën 6248 aksidente rrugore me 159 viktima

Pavarësisht se viti 2020 ishte pjesësisht në karantinë dhe me dalje të kufizuara, aksidentet rrugore kanë regjistruar sërish një bilanc të errët. Sipas të dhënave, gjatë 2020, në të gjithë vendin janë regjistruar 6248 aksidente, ndërsa 159 persona kanë humbur jetën. Numrin më të lartë të aksidenteve e regjistron Tirana me 2631 aksidente, e […]

157 – vjetori i lindjes së Isa Boletinit

Isa Boletini i njohur si Isë Boletini u lind në Boletin afër Mitrovicës më 15 janar 1864 dhe u shua në Podgoricë më 23 janar 1916.   Është një ndër figurat qendrore kombëtare dhe kryengritës shqiptar në Vilajetin e Kosovës, pjesëmarrës në rini në veprimet e Lidhjes së Prizrenit. Më pas shërbeu si kryetar […]

  • © 2017 Albanian Profile Të gjitha të drejtat e rezervuara