e shtunë 8 maj 2021
e shtunë 8 maj 2021

 

 

Pas daljes nga Bashkimi Europian, Shqipëria ka nënshkruar një marrëveshje të partneritetit, tregtisë dhe bashkëpunimit me Mbretërinë e Bashkuar dhe Irlandën e Veriut.

 

“Nënshkrimi i kësaj marrëveshjeje shënon një hap të mëtejshëm në përmbushjen e kuadrit ligjor mes dy vendeve në këtë fushë, pasi synon sigurimin e vijimit të bashkëpunimit dhe vazhdimin e tregtisë midis Shqipërisë dhe Mbretërisë së Bashkuar, me të njëjtat kushte preferenciale dhe pas daljes së saj nga BE.

 

Kjo marrëveshje ka një qasje trepalëshe ndaj rregullave të origjinës, midis Mbretërisë së Bashkuar, Shqipërisë dhe Bashkimit Evropian, ku palët bien dakord që në tregtinë mes tyre të ruajnë po ato kushte preferenciale të cilat rezultojnë nga Marrëveshja e Stabilizim Asociimit BE-Shqipëri, si për produktet bujqësore ashtu edhe për produktet industriale, si dhe angazhohen të sigurojnë një platformë për liberalizimin e mëtejshëm të tregtisë midis tyre.

 

Promovimi dhe zgjerimi i tregtisë dypalëshe përmes zhvillimit të harmonizuar të marrëdhënieve ekonomike mes dy vendeve dhe eliminimit të barrierave dhe kufizimeve në tregtinë e mallrave dhe shërbimeve do të kontribuojë në zhvillimin dhe intensifikimin e bashkëpunimit bilateral mes dy vendeve tona”, thuhet në njoftimin e Ministrisë së Jashtme.

 

“Referuar të dhënave, ekziston një potencial ende i pashfrytëzuar i rritjes së bashkëpunimit ekonomik dhe tregtar mes dy shteteve tona. Britania e Madhe përbën rreth 1.4% të totalit të importeve tona nga vendet anëtare të BE-së dhe 0.4% të totalit të eksporteve në vendet e BE-së. Për këtë qëllim, miratimi i kësaj marrëveshjeje do të vazhdojë në thellimin e bashkëpunimit ekonomik mes dy shteteve, pasi pritet të ndikojë ndjeshëm në nivelin e flukseve të FDI në Shqipëri, si edhe të rrisë eksportet shqiptare, duke përmirësuar ndjeshëm bilancin tregtar të vendit”.

Më shumë

FMN parashikon rimëkëmbje më të madhe ekonomike

Fondi Monetar Ndërkombëtar parashikon që përshpejtimi i shpërndarjes së vaksinave kundër koronavirusit, në kombinim me stimujt fiskalë dhe monetarë, do të ndihmojnë rritjen e ekonomisë globale këtë vit dhe vitin e ardhshëm.   Huadhënësi global tha në raportin e ri, të publikuar të martën, se ekonomia e botës pritet të rritet për 6 për […]

Banka e Shqipërisë parashikon rritje ekonomike me 4.9% për këtë vit

Banka e Shqipërisë parashikon se ekonomia shqiptare do të rritet me 4.9% për këtë vit dhe 4.1% për vitin e ardhshëm. Guvernatori Gent Sejko, tha sot pas mbledhjes së Këshillit Mbikëqyrës se aktiviteti ekonomik është në përmirësim gradual, por ekonomia neglet ende nën nivelet e para pandemisë. Sipas tij, rritja e vëllimit të […]

Projekti për Gazin Natyror të Lëngshëm në Shqipëri mund të fillojë në vitin 2023

Në foto: Termocentrali i Vlorës     Presidenti i kompanisë amerikane që synon futjen e Gazit të Lëngshëm Natyror (GNL) në Shqipëri, thotë se ky burim energjie do të plotësonte nevojat për energji në vend dhe do ta kthente atë në një pikë për eksportin e tij në vende të tjera të Ballkanit. Steven Kobos, […]

Shpenzimet për rindërtimin ecuri të dobët edhe në janar, realizohet më pak se 1% e fondit të planifikuar

Qeveria shqiptare premtoi transparencë maksimale në përdorimin e fondeve të rindërtimit të pasojave të tërmetit shkatërrues të 26 nëntorit 2019, por tani kur kanë kaluar 14 muaj nga ngjarja nuk ka evidenca të sakta, përveç faktit se fondet po shpenzohen me ritme shumë më të ulëta se planifikimi.   Vitin e kaluar, sipas […]

  • © 2017 Albanian Profile Të gjitha të drejtat e rezervuara