e enjte 27 janar 2022
e enjte 27 janar 2022

“Shqipëria thërret” është guida që Agjencia Shqiptare e Zhvillimit të Investimeve (AIDA) ka vënë në dispozicion të investitorëve të interesuar për vendin tonë. Dokumenti bën një paraqitje të përgjithshme të vendit, treguesve kryesorë të tij mbi popullsinë, sipërfaqen, për të vijuar më pas me kontekstin ekonomik, sistemin e taksave si dhe pikave të forta që mund të gjejnë këtu bizneset e interesuara përpara se të kalohet në sektorët potencialë. Por cila është oferta që Shqipëria ka për investitorët në vitin 2020?

Ashtu sikurse ndodh prej vitesh e para në listë është energjia veçse këtë herë ka një fokus të zgjeruar tek pjesa e energjisë nga burimet e rinovueshme, kryesisht dielli dhe era. Kjo vjen në të njëjtën kohë kur vetë qeveria ka deklaruar se për energjinë nga dielli në planin kombëtar janë të parashikuar 490 MW si kapacitet i ri. Hidroenergjia është gjithashtu në listën e investimeve atraktive potenciale.

Sektori minerar është i dyti në ofertën e përgjithshme të AIDA për investitorët e huaj. Përshkruar shkurt thuhet se kjo industri ka si prioritet të saj prodhimin, zgjerimin, promovimin dhe teknologjinë më të fundit.

Turizmi është i treti nga sektorët ku përmenden incentivat dhënë këtij sektori nga përjashtimi i taksave për investitorët me status special deri tek qiradhënia për 99 vite apo mbështetja me investime në infrastrukturë, energji dhe ujë për investime të mëdha të dedikuara në këtë sektor.

Manifaktura mbetet sërish në ofertën e Shqipërisë për investitorët ku referuar publikimit të AIDA pikë e fortë është krahu i lirë i punës ndërkohë që nënvizohet se tashmë është krijuar një eksperiencë 20 vjeçare në këtë sektor.

Agrikultura cilësohet si një tjetër sektor me potencial duke nënvizuar se Shqipëria ofron kushte klimatike të favorshme, skema mbështetëse të reja që rrisin konkurrencën si dhe rritje të qëndrueshme të sektorit.

Transporti dhe logjistika vijnë si paketë më vete duke nënvizuar se Shqipëria ofron akses përmes tokës detit dhe ajrit një avantazh që mund të shfrytëzohet nga investitorët.

Shërbime outsorcing janë një tjetër pikë dhe kjo përfshin pjesën e call centers si dhe incentivat për kompanitë e teknologjisë së informacionit ku pak vite më parë u reduktua në 5 për qind tatimfitimi për rastet e prodhimit dhe zhvillimit të softwarve.

Po kështu zonat e lira ekonomike sillen edhe një herë vëmendje. Shqipëria ka tentuar disa herë të kalojë tek investitorët këto zona duke nisur nga Spitalla por deri më tani përpjekjet nuk kanë qenë të suksesshme. Monitor

Më shumë

Politikat e copëtuara për bujqësinë

Shqipëria është vendi më bujqësor në Europë, me këtë sektor jetik që sjell gati 19% të Prodhimit të Brendshëm Bruto (PBB). Pavarësisht rënies së fortë në krahasim me fillimin e viteve ’90, kjo peshë është shumë më e lartë se mesatarja e Bashkimit Europian (2%) dhe gati dy herë më e lartë se […]

Shqiptarët shpenzuan 13.6 milionë euro në 9 muaj për të siguruar pronat, si ndahet tregu mes kompanive

Për nëntë muajt e parë të këtij viti, shqiptarët shpenzuan rreth 1.67 miliardë lekë ose rreth 13.6 milionë euro për sigurimin e pronave.   Të dhënat nga Autoriteti i Mbikëqyrjes Financiare (AMF) tregojnë se primet e shkruara bruto nga sigurimet e pronës u rritën me 31% krahasuar me të njëjtën periudhë të një […]

Drafti: Rritet kufiri i pagës së pataksueshme në 40 mijë lekë, përgjysmohet nga 30-50 mijë lekë, pragu për shtresën e mesme bëhet 200 mijë lekë

Nga korriku i vitit 2022 pritet që të ndryshojë sërish tatimi mbi pagat, duke rritur si dyshemenë për kufirin e pataksueshëm të pagës minimale në 40 mijë lekë (nga 30 mijë lekë që është sot), po ashtu dhe kufirin mbi të cilin pagat taksohen me normën maksimale prej 23%, në 200 mijë lekë, nga […]

Çmimet e naftës shtrenjtohen për herë të gjashtë në pak muaj, arrijnë 184 lekë, afër rekordit historik

Çmimet e karburanteve kanë shënuar një tjetër rritje ditët e fundit, për herë të gjashtë radhazi në vetëm pak muaj.   Në pikat e tregtimit të“Kastrati”, më i madhi në vend për shumicën dhe pakicën, nafta tregtohet me 184 lekë, ose 8 lekë më shumë se më parë. Benzina është shtrenjtuar në 186 lekë, […]

  • © 2017 Albanian Profile Të gjitha të drejtat e rezervuara