e shtunë 29 janar 2022
e shtunë 29 janar 2022

Protestat për drejtësi që së fundmi ka organizuar opozita maqedonase, që u pasuan nga marshimi për drejtësi të mbajtur nga partia në pushtet, sipas njohësve të çështjeve juridike, nuk kontribuojnë në demokratizimin e institucioneve. Sipas njohësve, mbajtja e këtyre protestave dhe marshimeve, po bëjnë që institucionet e drejtësisë të vendosen para presionit politik.

Pas marshit për drejtësi, të organizuar nga socialdemokratët e Zoran Zaevit, të martën mbrëma, partia maqedonase, VMRO-DPMNE ka protestuar para Prokurorisë, nën moton “kundër padrejtësisë”, duke shprehur pakënaqësinë për funksionimin e sistemit gjyqësor gjatë qeverisjes aktuale të socialdemokratëve.

Kjo protestë vjen pas miratimit të Ligjit për punën e Prokurorisë Publike.

“Kërkojmë rishikimin e menjëhershëm të punës së gjykatësve supremë dhe vendimeve të tyre. Kërkojmë reforma në gjyqësor, kërkojmë ndihmën e ekspertëve ndërkombëtarë për realizimin e reformave”, deklaroi para protestueseve, lideri i VMRO-DPMNE-së, Hristijan Mickoski, duke shtuar se Zaev duhet të hetohet për keqpërdorim të detyrës zyrtare, gjatë kohës që ka qenë kryeministër i Maqedonisë së Veriut.

Por, njohësit e çështjeve juridike thonë se partitë në vend se të protestojnë, duhet të fokusohen në reformat që do të bëjnë në sistemin e drejtësisë, që sipas tyre, është një nga shtyllat kryesore në procesin e integrimit të vendit në Bashkimin Evropian.

Ish-kryetari i Gjykatës Supreme, Dane Iliev, tha për Radion Evropa e Lirë se është paradoksale që as partitë opozitare kur ishin në pushtet, e as pushteti aktual, nuk kanë kontribuar që të ndëshkohet korrupsioni në nivele të larta. Prandaj, ai thotë se protestat e mbajtura së fundmi, po përdoren si “vegël” për të përfituar vota.

“Edhe pushteti dhe opozita janë duke protestuar kundër vetvetes. Edhe njëra palë dhe tjera kishin mundësinë, që përmes ligjeve, të mundësonin që të realizohej drejtësia. Me rëndësi është miratimi i ligjeve përmes së cilave qytetarët do të jenë të mbrojtur, përkatësisht ligje që do të mundësojnë që të arrihet drejtësia. Por, kjo nuk mund të arrihet përmes protestave, por përmes guximit për të realizuar reforma të thella në sistemin e drejtësisë”, thotë Iliev.

Ndërkaq, Arsim Sinani, drejtues i Institutit për studime ballkanike, thotë për Radion Evropa e Lirë se as pushteti dhe as opozita, me mbajtjen e protestave dhe marsheve, nuk po tregojnë se janë të angazhuar për demokratizimin e institucioneve.

“Në mungesë të një sistemi të mirëfilltë të organizimit shtetëror, por edhe të aparatit të tij të sistemit demokratik, kuptohet se kjo lojë vazhdon të jetë aktuale në këto tri dekadat e fundit, për shkak se vazhdimisht kemi tranzicion, por nuk kemi institucione të mirëfillta”, thotë Sinani, duke shtuar se kjo formë e joshjes së elektoratit përmes veprimeve në rrugë e jo në institucione, duket se nuk do të jetë fitimprurëse për politikëbërësit, pasi siç thotë Sinani, elektorati kësaj radhe do të ndëshkojë partitë politike që garojnë me figura që janë të përfshirë në afera korruptive.

Zgjedhjet e parakohshme parlamentare në Maqedoninë e Veriut janë paraparë që të mbahen më 12 prill.

Ndryshe, sipas një ankete të Evrobaromentit, të realizuar më herët, shtatë nga dhjetë qytetarët e anketuar në Maqedoninë e Veriut, janë shprehur se nuk kanë besim në sistemin e drejtësisë. REL

Më shumë

Zgjedhjet lokale: Bilall Kasami kryetar i Tetovës

Partia opozitare në Maqedoninë e Veriut, VMRO-DPMNE, shpalli të dielën mbrëma fitoren në shumicën e komunave në raundin e dytë të zgjedhjeve për pushtetin lokal.   Ndërsa nga partitë shqiptarë, Bashkimi Demokratik për Integrim tha se është fituese në këto zgjedhje, ndonëse humbi Tetovën që vlerësohet si komuna me e rëndësishme për shqiptarët […]

Maqedonia e Veriut shënon 30 vjetorin e pavarësisë

Me rastin e festimit të kësaj dite, në qendër të kryeqytetit do të parakalojnë punonjësit shëndetësorë, sportistët, zjarrfikësit, policia dhe ushtarët, minatorët, fermerët, vullnetarët e Kryqit të Kuq, si dhe ansamble kombëtare dhe shoqatat kulturore dhe artistike.   Festa qendrore do të jetë e hapur para Kuvendit duke filluar nga ora 17:30 dhe […]

Digjet spitali në Tetovë – viktima dhe të plagosur

Një zjarr përfshiu të mërkurën mbrëma spitalin në Tetovë ku ishin të shtrirë të sëmurë nga COVID-19 duke lënë pas vetes viktima të dhe të plagosur.   Ministri i Shëndetësisë i Maqedonisë së Veriut, Venko Filipçe, tha se deri tash janë konfirmuar 10 viktima, por numri mund të rritet.   Në Tetovë ndodhet […]

20-vjetori i Marrëveshjes së Ohrit

Nënshkrimi i Marrëveshjes së Ohrit u bë i mundur pas luftës së armatosur të vitit 2001. Marrëveshja u realizua me ndihmën e bashkësisë ndërkombëtare.   Qeveria e Maqedonisë së Veriut në bashkëpunim me programin për ndërtimin e paqes dhe të drejtat e njeriut në Universitetin Columbia organizoi panelin ndërkombëtar “Përtej Ohrit”.   Në panelin ndërkombëtar […]

  • © 2017 Albanian Profile Të gjitha të drejtat e rezervuara