e martë 21 shtator 2021
e martë 21 shtator 2021

 

 

Kryeministrja lituaneze Ingrida Simonyte ka njoftuar se qeveria e saj do të vendosë “një barrierë shtesë” në kufirin mes Lituanisë dhe Bjellorusisë për të ndaluar hyrjen e imigrantëve në vend nga Bjellorusia. Siç njofton korrespondenti i Zërit të Amerikës, Vladislav Andreev nga kufiri Lituani-Bjellorusi, Lituania po përjeton një rritje të konsiderueshme të numrit të imigrantëve të paligjshëm që kalojnë kufirin, mbi 1300 në gjysmën e parë të vitit 2021, krahasuar me vetëm 80 në vitin 2020.

 

 

“Po shkojmë në një nga pjesët më pak të mbrojtura të kufirit Bjellorusi-Lituani që imigrantët e paligjshëm përdorin më shpesh për të hyrë në Lituani. Dikur atje ka pasur një pikë kontrolli, por për shkak të COVID,-it është mbyllur prej një viti e gjysmë. Të paktën ka akoma gardhe dhe kamera, ndërsa pjesa tjetër e kufirit ka ose gardhe të vogla ose një shteg kalimi “, thotë roja kufitare Dainius Vaitekėnas.

 

Çdo ditë rojet kufitare lituaneze ndalojnë dhjetra imigrantë të paligjshëm, kryesisht nga Afrika dhe Lindja e Mesme, ndërsa përpiqen të futen në Lituani nga Bjellorusia.

 

“Mendoj se po sillen këtu ndoshta me automjete, sepse mund të shihni se bari është rrafshuar në anën e Bjellorusisë. Ne jo gjithmonë i ndalojmë ata në kufi, ndonjëherë ata arrijnë të futen më thellë në vend, por vetëm disa kilometra. Nuk arrijnë shumë larg”, thotë roja kufitare.

 

Aktualisht mbi 2000 refugjatë jetojnë në kampe të improvizuara në Lituani dhe rrjedha e imigrantëve nuk po ngadalësohet.

 

“Ne kemi ardhur nga Bjellorusia. Nuk kisha zgjidhje! Vendi im është në luftë dhe unë doja të shkoja në një vend më të mirë, më të sigurt për mua, ku mund të jetoj në paqe. Çdo vend, ndoshta në Gjermani”, thotë një refugjat nigerian.

 

Lituanezët që jetojnë pranë kufirit janë në një situatë të vështirë. Disa kundërshtojnë kampet me çadra. Të tjerët po ndihmojnë autoritetet të përballojnë fluksin e papritur.

 

“Ishte e papritur për të gjithë ne. Për fshatin tonë, për autoritetet, për të gjithë Lituaninë. Shumë njerëz po përpiqen të ndihmojnë. Për shembull, refugjatët nuk pinë ujë çezme, dhe ne të gjithë këtu në fshat pimë atë ujë. Pra duhet t’u sjellim ujë nga burimi”, thotë kryetarja e komunës Vidyanay, Genė Rmashkene.

 

Ministri i Mbrojtjes i Lituanisë Arvydas Anušauskas shkoi në kufirin me Bjellorusinë për të mbikëqyrur ndërtimin e një gardhi me tela me gjemba. Ai tha se ushtria lituaneze do të ndihmojë me çfarë të mundet.

 

“Në një situatë ekstreme mund të thirret ushtria për t’u ofruar ndihmë institucioneve tona komunale dhe shtetërore. Kjo është situata në të cilën jemi gjendur tani. Më parë, ne kemi ndihmuar me logjistikën dhe kemi ndërtuar një kamp çadrash. Por ne mund të ofrojmë më shumë ndihmë – dhe do ta bëjmë një gjë të tillë”, thotë ai.

 

Përveç qyteteve me çadra, një numër i vogël imigrantësh janë vendosur në hotele të zbrazëta. Atyre u jepet ushqim dhe artikuj të tjerë të domosdoshëm në pritje të seancave të azilit. VOA

 

Më shumë

Analistët amerikanë për Malin e Zi: Instrumentalizimi i fesë, bota serbe dhe Moska si Roma e tretë

Nënkryetarja e Qendrës për Studime Strategjike dhe Ndërkombëtare (CSIS) Heather Conley, i tha programit në gjuhën serbe të Zërit të Amerikës, se Shtetet e Bashkuara duhet të përfshihen më shumë në Malin e Zi, sepse ngjarjet e fundit janë shembull i instrumentalizimit të besimit dhe traditës për të nxitur ndarje – një strategji e […]

Merkel po largohet pa i zgjidhur disa probleme

Në Beograd për herë të fundit kancelarja Angela Merkel ishte para gjashtë vitesh. Asokohe mendohej se ajo do të sjellë ndryshime të mëdha. Po si kaloi vizita e fundit?   “Disa çështje mund të zgjidhen vetëm në fund të ndonjë procesi. Të gjithë e dinë se Kosova nuk është njohur nga të gjitha vendet […]

Ballkan Booster 2021: Le të gjejmë zgjidhje!

Pjesëmarrësit e projektit Ballkan Booster 2021 do të sjellin histori pozitive që do t’u ofrojnë shikuesve zgjidhje për problemet e përditshme.   Pjesëmarrësit e projektit Ballkan Booster 2021 do të sjellin histori pozitive që do t’u ofrojnë shikuesve zgjidhje për problemet e përditshme. Të gjithë mezi po e presin këtë aventurë, ndër të tjera […]

Çfarë arriti Merkeli në Ballkanin Perëndimor?

Pamje nga Samiti i Berlinit, 28 gusht 2014     Kancelarja gjermane në largim viziton edhe njëherë Ballkanin Perëndimor. Problemet e komplikuara të këtij rajoni zinin vend të veçantë në axhendën e saj në 16 vitet e mandateve qeverisëse. Por çfarë arriti Merkel?     Me grusht në tryezë dhe me fjalë të hapura Merkel […]

  • © 2017 Albanian Profile Të gjitha të drejtat e rezervuara