e martë 25 janar 2022
e martë 25 janar 2022

 

 

Sekretari i Përgjithshëm i NATO-s, Jens Stoltenberg, tha të enjtën se forcat paqeruajtëse të KFOR-it do të vazhdojnë të qëndrojnë në Kosovë për të siguruar paqen ndërsa bëri thirrje për një zgjidhje politike ndërmjet Kosovës dhe Serbisë.

 

Ai i bëri këto komente në një konferencë për gazetarë pas qëndrimit të tij në Prishtinë, ku zhvilloi takime me udhëheqësit e institucioneve të Kosovës dhe trupat paqeruajtëse.

 

“Mesazhi im ishte se NATO është këtu për të qëndruar. Misioni ynë i KFOR-it është në Kosovë për të ndihmuar për të krijuar një mjedis të sigurtë dhe të qetë për të gjitha komunitetet dhe ne gjithashtu mbështesim fuqishëm përpjekjet për të gjetur një zgjidhje politike. Ne kemi qenë këtu për shumë vite dhe ndjejmë përgjegjësi për të kontribuar për paqen dhe dhe qëndrueshmërinë në Kosovë që është e rëndësishme për gjithë rajonin”, tha zoti Stoltenberg.

 

Ai u bëri thirrje autoriteteve në Kosovë që të vazdojnë të zbatojnë marrëveshjen e arritur në prill të vitit 2013 ndërmjet ish sekretarit të përgjithshëm të NATO-s, Anders Fogh Rasmussen dhe ish kryeministrit të Kosovës, Hashim Thaçi, që Forca e Sigurisë së Kosovës nuk mund të hyjë në veriun e banuar me shumicë serbe “pa një pajtim paraprak” të forcave paqeruajtëse të NATO-s. Po ashtu, sipas një letërkëmbimi, për të siguruar pajtimin, forcat paqeruajtëse mund të këshillohen me komunitetin në veri.

 

Zoti Stoltenberg tha se për këtë çështje ka biseduar edhe me kryeministrin e Kosovës, Albin Kurti, i cili e ka quajtur marrëveshjen të dëmshme dhe ka paralajmëruar ndryshimin e saj.

 

“Unë e mirëpres që autoritetet e Kosovës t’i përmbahen marrëveshjes së vitit 2013 që Forcat e Sigurisë së Kosovës të mos vendosen në veri pa pajtim paraprak me KFOR-in dhe komandën e NATO-s dhe kjo pasqyron gjithashtu ndjeshmërinë dhe sfidat dhe mendoj se kjo është mënyra më e mirë për të vazhduar për të gjetur balancin e duhur dhe për të shmangur ndonjë situatë që mund të dëmtojë dhe dobësojë përpjekjet për të gjetur një zgjidhje politike dhe për të shmangur gjithçka që mund të dëmtojë bisedimet ndërmjet Prishtinës dhe Beogradit”, tha zoti Stoltenberg.

 

Kryeministrin Kurti në mandatin e parë si kryeministër në muajin mars të vitit të kaluar shpalosi letërkëmbimin dhe pohoi të ketë dërguar çështjen në prokurori për trajtim.

 

Gjatë qëndrimit të tij në Prishtinë, sekretari Stoltenberg zhvilloi takime me pjesëtarët forcave të KFOR-t në Kosovë, me presidenten Vjosa Osmani, kryeministrin Albin Kurti dhe ministrin për komunitete dhe kthim Goran Rakiç që është njëherësh edhe kryetar i Listës Serbe, subjektit kryesor serb në Kosovë.

 

Takimet në Prishtinë u mbajtën pa praninë e gazetarëve, ndërsa në një njoftim të zyrës së presidentes së Kosovës Vjosa Osmani thuhet se në takim me “sekretarin Stoltenberg është diskutuar për rolin e trupave të NATO-s në Kosovë për ruajtjen e sigurisë dhe në trajnimin e pjesëtarëve të Forcës së Sigurisë së Kosovës”. Po ashtu në njoftim presidentja Osmani citohet të ketë thënë se anëtarësimi i Kosovës në NATO është I rëndësishëm edhe për të shmangur ndikimin e rrezikshëm rus në Ballkan.

 

Aktualisht më pak se 4 mijë trupa, shërbejne në kuadër të misionit të drejtuar nga NATO-ja në Kosovë.

 

Më shumë

Kosova ftohet në takimin e lartë për demokraci

Kosova pritet të marr pjesë në takimin e lartë për demokraci që do të organizohet nga presidenti amerikan, Joe Biden më 9 dhe 10 dhjetor. Burime të Zërit të Amerikës konfirmuan pjesëmarrjen e Kosovës në këtë takim dhe sipas tyre, kjo u bë e ditur pas takimeve që presidentja Vjosa Osmani zhvilloi me […]

Mosnjohja e plotë e Kosovës, pengesë drejt NATO-s

Mosnjohja e Kosovës nga katër shtete evropiane që janë edhe pjesë NATO-s, është pengesa kryesore për anëtarësimin e Kosovës në këtë organizatë ndërkombëtare, u tha në Komisionin për Punë të Jashtme dhe Diasporë në Kuvendin e Kosovës.   Lidhur me anëtarësimin e Kosovës në NATO, para anëtarëve të këtij komisioni raportoi të martën […]

Kosova vendos sanksione për shtatë individë dhe një kompani për lidhje me Hezbollahun

Qeveria e Kosovës u vendosi sanksione shtatë afaristëve dhe një kompanie për lidhje me grupin ushtarak të Libanit, Hezbollah.   Ministrja e Jashtme e Kosovës, Donika Gërvalla-Schwarz, tha se sanksionet vendosen në pajtim me Rezolutën 1373 të Këshillit të Sigurimit të Kombeve të Bashkuara ndaj shtatë individëve dhe një kompanie “për lidhjet e […]

Kërcënohet kryeministri i Kosovës Albin Kurti

Masa të shtuara të sigurisë janë parë të mërkurën mbrëma përreth shtëpisë së kryeministrit të Kosovës, Albin Kurti.   Zëdhënësi i qeverisë, Përparim Kryeziu, tha se kryeministri Kurti është kërcënuar dhe për këtë arsye, “si masë e kujdesit të shtuar, është rritur edhe niveli i tij i sigurisë. Institucionet e hetuesisë dhe sigurisë […]

  • © 2017 Albanian Profile Të gjitha të drejtat e rezervuara