e enjte 27 janar 2022
e enjte 27 janar 2022

Parlamenti i BE-së debaton për gjendjen humanitare të refugjatëve dhe migrantëve në kufijtë e jashtëm të BE-së. Në fokus janë kryesisht Greqia dhe Kroacia.

Pikërisht Kroacia, një vend që mban presidencën aktuale të BE-së, kritikohet se ka kthyer vazhdimisht në mënyrë të jashtëligjshme migrantë në vendin fqinjë, Bosnje. Kjo akuzë nuk është e re. Që vende të caktuara kritikohen gjatë debatit parlamentar, kjo nuk ndodh rëndom në Starasburg, por vetëm në rastet kur ka shkelje evidente ligjore, të cilat nuk mund të heshten. E pikërisht ky është rasti që ngre eurodeputeti, Kostas Arvanitis, nga grupi më i madh parlamentar i opozitës greke Syriza, i cili gjatë muajve të fundit ka vizituar strehimoret e refugjatëve në Europën Jugore dhe ka bsieduar me të prekurit në vend.

“Qindra raste të kthimeve me dhunë, të ashtuquajtura Push-Backs” thotë, se ka konstatuar politikani i majtë gjatë vizitave në strehimoret në Serbi, Kroaci, Hungari, Bosnjë-Hercegovinë. “Ministrat kroatë thonë, që këto janë Fake-News, por ne i kemi parë me sytë tanë, që njerëzit janë të dëshpëruar”, kritikon Arvanitis. Të pretendosh të kundërtën, është fyerje për parlamentarët e BE-së dhe kjo çon ujë në mullinin e ekstremistëve të djathtë.

Eshtë një temë mjaft emocionale, por edhe një çështje përkufizimi. Deputetët konservatorë tërheqin vëmendjen, se refuzimi i kalimit  të kufirit nuk është kthim ilegalisht, por e drejta e çdo shteti sovran. Megjithatë të majtët dhe ekologjistët u përmbahen akuzave të ngritura prej tyre. Disa prej tyre kërkojnë një “verifikim të pavarur” për Kroacinë. Push-Backs nuk mund të pranohen, paralajmëron Komisarja e BE-së, Helena Dali, pa iu referuar ndonjë vendi të veçantë.

Sekretarja e shtetit Nikolina Brnjac, që foli në emër të presidencës kroate në BE, i hodhi poshtë akuzat dhe vuri në dukje, se Kroacia akuzohet me pa të drejtë sikur i trajton keq migrantët. Ajo mbështetet edhe prej politikanes kroate në BE Zeljana Zovko, që i adresohet Bosnjes, duke nënvizuar, se: “ministri përgjegjës i Bosnjë-Hercegovinës dy vitet e fundit e ka injoruar problemin dhe vetëm javën e kaluar kërkoi ndihmë prej Kroacisë “.

Aspak çtensionim i gjendjes në Greqi

Për herë të dytë brenda një muaji parlamentaret e BE-së shqyrtuan gjendjen e pashpresë të refugjatëve dhe migrantëve në strehimoret përgjatë kufijve të jashtëm të BE-së. Në debatin e fundit në fund të janarit në Bruksel u diskutua thuajse eksplicit për kushtet e mjerueshme ne ishujt grekë. Edhe në këtë drejtim ende nuk ka asnjë shenjë çtensionimi. Përkundrazi: „Situata është përkeqësuar”, vëren deputeti ekologjist Damian Boeselager, i cili ve para përgjegjësisë institucionet në Bruksel.

Këshilli dhe Komisioni i BE-së nuk duhet ta shmangin përgjegjësinë nga vetja, tërheq vëmendjen politikani socialdemokrat Norbert Neuser. Ai bën thirrje për një „konferencë të përbashkët të Komisionit të BE-së, Greqisë, Kroacisë si presidente e radhës dhe OKB-së”, për të analizuar në detaje situatën në ishujt grekë. Pikërisht komisari për Migracionin, Margaritis Schinas, nuk ishte i pranishëm në debatin që u zhvillua në Strazburg – me sa duket ai ka pasur arsye të fortë: Të mërkurën (12.02) zëvendëskomisari i BE-së u takua me kancelarin e Austrisë Sebastian Kurz për ta bindur këtë të fundit për një pakt europian për migracionin. DW

Më shumë

Vazhdojnë vuajtjet e mijëra emigrantëve në kufirin Poloni-Bjellorusi

Polonia po përballet me një krizë të madhe emigrantësh ndërsa mijëra njerëz po përpiqen të hyjnë në territorin e saj nga Bjellorusia. Autoritetet polake kanë krijuar një të ashtuquajtur “zonë përjashtimi”, ku nuk lejohen të futen vullnetarët që duan të ndihmojnë emigrantët që mbërrijnë në tokën e Bashkimit Evropian. Korrespondenti i Zërit të Amerikës […]

Sa mirë i mbron BE gazetarët?

Kur Daphne Caruana Galizia u vra në një sulm me bombë me makinë më 16 tetor 2017, kjo shkaktoi shqetësim jo vetëm në Evropë, por në mbarë botën. Por gazetarja malteze nuk është e vetmja që i është dashur të paguajë me jetën e saj për hulumtimet e saj mbi korrupsionin dhe pastrimin […]

Si në Luftën e Ftohtë – Bjellorusia bllokon DW

Për herë të parë që pas fundit të Luftës së Ftohtë bllokohet informimi nga Deutsche Welle në hapësirën post-sovjetike. Bjellorusia e ka bllokuar median për botën e jashtme. Ç’qendron pas kësaj?   Kjo shënon një pikë-kthese. Mbi 30 vjet Deutsche Welle ka transmetuar pa u penguar programet e saj në BRSS dhe në republikat […]

Gratë në ndërtim – Mungesë punëtorësh të kualifikuar në Gjermani

Industria e ndërtimit ka një problem të madh me mungesën e fuqisë së kualifikuar punëtore – kjo edhe për faktin se punëson shumë pak gra. Çfarë duhet bërë për të ndryshuar gjendjen?   “Püppi në punë” është një influencere e njohur në punën e saj të dytë. Gruaja e re me flokë të kuqe […]

  • © 2017 Albanian Profile Të gjitha të drejtat e rezervuara